អបអរសាទរ! អត្តពលិកជនពិការកម្ពុជា រកមេដាយបាន ៧គ្រឿង គិតត្រឹមថ្ងៃទី០១ ខែសីហា

(ប៉ារ៉ាហ្គេម)៖ គិតត្រឹមថ្ងៃទី០១ ខែសីហា ឆ្នាំ២០២២នេះ អត្តពលិកជនពិការកម្ពុជា រកបានមេដាយសរុបចំនួន ៧គ្រឿង ពីព្រឹត្តិការណ៍កីឡាអាស៊ានប៉ារ៉ាហ្គេម លើកទី១១ ក្នុងទីក្រុងសូឡូ ខេត្តស៊ូរ៉ាកាតា ប្រទេសឥណ្ឌូនេស៊ី។

មេដាយទាំង ៧គ្រឿងរួមមាន មេដាយមាស ២គ្រឿង មេដាយប្រាក់ ៣គ្រឿង និងមេដាយសំរឹទ្ធ ២គ្រឿង លើ៤ប្រភេទកីឡា ស្មើនឹង៧វិញ្ញាសា។

ថ្ងៃទី៣១ ខែកក្កដា អត្តពលិកជនពិការកម្ពុជា រកមេដាយបាន ២គ្រឿង ក្នុងនោះមាស១ និងសំរឹទ្ធ១៖
មាស ៖ ប្រភេទកីឡាបាល់បោះ (វិញ្ញាសានារី ៣ទល់៣) កីឡាការិនី អាន ស៊ីណែត, ឡាក់ សាវរី, ស៊ឹម ដា, សាន រដ្ឋា និង ដួង ច័ន្ទរក្សា
សំរឹទ្ធ ៖ ប្រភេទកីឡាវាយកូនឃ្លីលើតុ (វិញ្ញាសាជាក្រុម Class 1-3) កីឡាករ ឯក ញ្ញាណសមុទ្រ និងកីឡាករ ពៅ ណុច។

ថ្ងៃទី០១ ខែសីហា អត្តពលិកជនពិការកម្ពុជា រកបានមេដាយ ៥គ្រឿងបន្ថែមទៀត ក្នុងនោះមាស១ ប្រាក់៣ សំរឹទ្ធ១៖
មាស ៖ ប្រភេទកីឡាអត្តពលកម្ម (វិញ្ញាសាសាលោតចម្ងាយ) កីឡាការិនី វ៉ិត ចន្ថា
ប្រាក់ ៖ ប្រភេទកីឡាហែលទឹក (វិញ្ញាសាហែលកង្កែប ១០០ម៉ែត្រ ប្រភេទ SB7) កីឡាករ ខូយ កុយ
ប្រាក់ ៖ ប្រភេទកីឡាអត្តពលកម្ម (វិញ្ញាសាប្រណាំងរទេះចម្ងាយ១០០ម៉ែត្រ ប្រភេទ T54) កីឡាករ វ៉ាន់ វ៉ុន
ប្រាក់ ៖ ប្រភេទកីឡាអត្តពលកម្ម (វិញ្ញាសាប្រណាំងរទេះចម្ងាយ១០០ម៉ែត្រ ប្រភេទ T53) កីឡាករ ហៀ ហុក
សំរឹទ្ធ ៖ ប្រភេទកីឡាហែលទឹក (វិញ្ញាសាហែលកង្កែប ១០០ម៉ែត្រ ប្រភេទ SB9) កីឡាករ យ៉ាវ វណ្ណ:។

សរុបលទ្ធផលនៅក្នុងថ្ងៃទី០១ ខែសីហា មានដូចជា៖

បាល់បោះជិះរទេះ បុរស ៥ទល់៥ កម្ពុជា ៣១-៨៩ ហ្វីលីពីន។ នារី ៣ទល់៣ ថៃ ៤៧-២៩ កម្ពុជា
បាល់ទាត់៧ម្ខាង (ចលករខួរក្បាល) ថៃ ៩-០ កម្ពុជា
បាល់បោះជនពិការភ្នែក មីយ៉ាន់ម៉ា ១០-៦ កម្ពុជា។ ឡាវ ១៥-៥ កម្ពុជា
បាល់ទះអង្គុយ
បុរស៖ មីយ៉ាន់ម៉ា ១-៣ កម្ពុជា (១៩-២៥, ២៤-២៦, ២៥-១៧, ២០-២៥)
នារី៖ ឥណ្ឌូនេស៊ី ៣-០ កម្ពុជា (២៥-៨, ២៥-៨, ២៥-៦)
ប៊ូស្យា
វិញ្ញាសានារី BC2 Round Robin 1 Pool
សន សាស (កម្ពុជា) ៣-១ (ឥណ្ឌូនេស៊ី) Gischa Zayana Febriyanti Rahmadhani (ឥណ្ឌូនេស៊ី) ៤-៣ (កម្ពុជា) គាត ចាន់នី។ វិញ្ញាសាបុរស BC4 Round Robin 1 Pool ពេជ ការ៉េ (កម្ពុជា) ៤-៣ (ហ្វីលីពីន) Ramon Apilado Fendy Kurnia Pamungkas (ឥណ្ឌូនេស៊ី) ៧-១ (កម្ពុជា) វណ្ណា ណាក់ Pornchok Larpyen (ថៃ) ១២-០ (កម្ពុជា) ពេជ ការ៉េ
អុក
វិញ្ញាសាបុរសឯកត្តជន (Standard ChessPI) ជុំទី៣ ជា ស៊ីដេត (កម្ពុជា) ១-០ (ថៃ) Padungsak Sripakdee ប៉ែន រ័ត្នទីណា (កម្ពុជា) ១-០ (វៀតណាម) Nguyen Anh Tuan។ ជុំទី៤ ប៉ែន រ័ត្នទីណា (កម្ពុជា) ០-១ (ហ្វីលីពីន) Henry Lopez Yoodthana Khoonmee (ថៃ) ០-១ (កម្ពុជា) ជា ស៊ីដេត៕

សូមគោរពជូនពរដល់គណៈប្រតិភូកីឡា គ្រូបង្វឹក កីឡាករ កីឡាការិនីទាំងអស់ ដែលបានទៅចូលរួមការប្រកួតក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី សូមទទួលបានសុខភាពល្អ និងទទួលបានជោគជ័យគ្រប់ការប្រកួត នាំមកនូវកិត្យានុភាពជូនជាតិមាតុភូមិនៃយើងកុំបីខានឡើយ៕

ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិន្នីសកម្ពុជាជម្រុញអោយសិក្ខាកាម ដែលជាគ្រូបច្ចេកទេស ត្រូវដុះខាត់ផ្នែកភាសារបន្ថែម ដើម្បីចូលរួមកាត់សេចក្តីក្នុងការប្រកួតអន្តរជាតិ ប្រកបដោយគុណភាព ។ ការជម្រុញរបស់ឯកឧត្តមប្រធាន ក្នុងឱកាសអញ្ជើញបិទ វគ្គបណ្តុះបណ្តាល មន្រ្តីបច្ចេកទេស និងអាជ្ញាកណ្តាល ថ្នាក់ជាតិ ឆ្នាំ២០២៣ នៅទីលានកីឡាសូហ្វតិន្នីស ក្នុងពហុកីឡដ្ឋានអូឡាំពិក នាថ្ងៃទី១៦ ខែមករា ឆ្នាំ២០២៣ ម្សិលមិញ ។ បើតាមរបាយការណ៍របស់ឯកឧត្តម យិត ភីរ: អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងជាអគ្គលេខាធិការសហព័ន្ធកីឡាសូហ្វតិន្នីសកម្ពុជា បានអោយដឹងថា ” វគ្គបណ្តុះបណ្តាលមន្រ្តីបច្ចេកទេស និងអាជ្ញាកណ្តាល ថ្នាក់ជាតិ ឆ្នាំ២០២៣ នេះអាចដំណើរការទៅបានដោយ ទទួលបានអនុញ្ញាតគោលកាណ៍ដ៏ខ្ពង់ខ្ពស់ពី ឯកឧត្តមប្រធានសហព័ន្ធ និងទទួលបានថវិកាគំាទ្រពីក្រសួងអប់រំ យុវជន និងកីឡា ដោយមានគ្រូឧទ្ទេសប្រចាំវគ្គ ចំនួន ០២ រូបគឺលោក OGIWARA Masato ជនជាតិជប៉ុន រួមជាមួយលោក យី សារិន ជនជាតិខ្មែរ ដោយមានអ្នកសម្របសម្រួល លោក វ៉ង់ វុទ្ធា រួមជាមួយជំនួយការ កញ្ញា ឃនសាត សាន្នីតា និងមានសិក្ខាកាម សរុបចំនួន ៣៦ រូប ។ អគ្គលេខាធិការ ខាងលើក្នុងនាម សហព័ន្ធកីឡាសូហ្វតិន្នីសកម្ពុជា សូមប្តេជ្ញាយ៉ាងមោះមុត និងបន្តរក្សាការខិតខំប្រឹងប្រែងលើគ្រប់ការងារទាំងអស់រួមទាំងការបណ្តុះបណ្តាលធនធាន ជាពិសេស ពង្រឹងនូវវិស័យប្រភេទកីឡាមួយនេះ ឲ្យមានការអភិវឌ្ឍទៅមុខទាំងហេដ្ឋារចនាសម្ព័ន្ធ និងបន្តខិតខំអភិវឌ្ឍសមត្ថភាព និងពង្រឹងកីឡាករ កីឡាការិនី ឲ្យទទួលបានគុណភាពខ្ពស់ ដើម្បីត្រៀមលក្ខណៈចូលរួមប្រកួតថ្នាក់ជាតិ និងអន្តរជាតិ ជាពិសេសត្រៀមចូលរួមក្នុងព្រឹត្តិការណ៍ប្រកួតកីឡា SEA Games លើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ ។ ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិន្នីសកម្ពុជា បានមានប្រសាសន៍ថា វគ្គបណ្តុះបណ្តាលនេះ នឹងជួយដល់សិក្ខាកាមដែលបានចូលរួមទាំងអស់ ស្វែងយល់អំពីបច្ចេកទេស សម្រាប់ត្រៀមខ្លួនមុន ស៊ីហ្គេម លើកទី៣២ ឆ្នាំ២០២៣ឈានចូលមកដល់ ។ ឯកឧត្តម សរ សិទ្ធិ សហព័ន្ធកីឡាសូហ្វតិន្នីស ពីមុនយើងមានបញ្ហាប្រឈមតិចតួច ប៉ុន្តែឥឡូវយើងបានហ្វឹកហាត់ដុសខាត់ បច្ចេកទេសរបស់ យើងអាចទៅ ចូលរួមប្រកួតប្រជែង ក្នុងនាមជាម្ចាស់ផ្ទះ នៃចលនាប្រកួតកីឡាអន្តរជាតិ លើកទី១ ដូច្នេះយើងត្រូវទាមទារខ្លួនយើង ដុសខាត់សមត្ថភាពឲ្យស្គាល់ពីក្បួនច្បាប់នៃការប្រកួត ។ ឯកឧត្តម ប្រធានបន្តថាព្រោះកាលណានៅពេលដែលយើងក្លាយជាអាជ្ញាកណ្តាល ចូលរួមកាត់សេចក្ដី ក្នុងនាមយើងជាម្ចាស់ផ្ទះ តែយើងមិនស្គាល់ ពីច្បាប់ទម្លាប់ បច្ចេកទេសក្នុងការកាត់សេចក្ដី នៅក្នុងការប្រកួត នោះយើងនឹងមាន បញ្ហាប្រឈមមួយផ្នែកធំ ។ ឯកឧត្តម សរ សិទ្ធិ សង្កត់ធ្ងន់ថា បញ្ហាប្រឈមដ៏ធំរបស់យើងមួយទៀត គឺពាក់ព័ន្ធនឹងភាសា ព្រោះការប្រកួតនៅថ្នាក់អន្តរជាតិ យើងមិនអាចប្រើភាសា ខ្មែរយើងបានទេ យើងត្រូវប្រើភាសាអន្តរជាតិ គឺភាសាអង់គ្លេស ដែលគេប្រើទូទៅ គ្រប់បណ្ដាប្រទេសដែលជាសមាជិកអាស៊ានទាំង១០ «អ៊ីចឹងខ្ញុំជឿថាលោកគ្រូ អ្នកគ្រូ ដែលជាគ្រូបច្ចេកទេស អាជ្ញាកណ្តាល នឹងខិតខំ ដុសខាត់ខាងភាសាបន្ថែមទៀត ព្រោះភាសាកាលណាយើងនិយាយខុស វាអាចធ្វើឲ្យយើងកាត់សេចក្ដី ប្រាសចាកពីបច្ចេកទេសរបស់យើង ។ អ៊ីចឹងការប្រើភាសារបសស់យើងទាមទារឲ្យមានការប្រយ័ត្នផងដែរ បើទោះបីជាយើងចេះបច្ចេកទេសក៏ដោយ តែភាសាក៏ជាផ្នែកមួយដែលពាក់ព័ន្ធជាមួយបច្ចេកទេស របស់យើងផងដែរ »។ សូមជម្រាប់ថា វគ្គបណ្តុះបណ្តាលមន្រ្តីបច្ចេកទេស និងអាជ្ញាកណ្តាល ថ្នាក់ជាតិ ចាប់ពីថ្ងៃទី០៩ ដល់ ថ្ងៃទី១៣ ខែមករា ឆ្នាំ២០២៣ នៅមជ្ឈមណ្ឌលកីឡា ក្នុងពហុកីឡដ្ឋានជាតិ រាជធានីភ្នំពេញ ប្រកបដោយភាពជោគជ័យ ។ ឆ្លងកាត់វគ្គបណ្តុះបណ្តាលនេះ សិក្ខាកាមទាំងអស់ទទួលបាននូវការយល់ដឹង និងបន្ថែមនូវបទពិសោធថ្មីៗដែលមានលទ្ធផលទទួលបាននិទ្ទេសល្អ ៧០% ល្អបង្គួរ ២០% និងមធ្យម ១០% ។

អបអរសាទរ! អត្តពលិកជនពិការកម្ពុជា រកមេដាយបាន ៧គ្រឿង គិតត្រឹមថ្ងៃទី០១ ខែសីហា

សូមបញ្ចេញមតិនៅទីនេះ បោះបង់ការឆ្លើយតប

សូមបញ្ចេញមតិនៅទីនេះ