ជោគជ័យណាស់! កម្ពុជា ឈ្នះមេដាយមាសលើសការរំពឹងទុកនៅអាស៊ានប៉ារ៉ាហ្គេមលើកទី១១

(ប៉ារ៉ាហ្គេ)៖ពិតជាមានមោទនភាពណាស់ កម្ពុជា បានសម្រេចគោលដៅមេដាយមាសតាមការគ្រោងទុកក្នុងការចូលរួមប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី ទាំងព្រឹត្តិការណ៍ប្រកួតមិនទាន់ចប់។

ជាការពិតណាស់ ឯកឧត្តម យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា ធ្លាប់បាននិយាយថា កម្ពុជាបានកំណត់យកមេដាយមាសឲ្យបានចំនួន៣គ្រឿង ចំណែកមេដាយប្រាក់ និងសំរឹទ្ធ ត្រូវរកឲ្យបានច្រើនគ្រឿងពីអាស៊ានប៉ារ៉ាហ្គេម លើកទី១១ នៅប្រទេសឥណ្ឌូនេស៊ីឆ្នាំ២០២២។

បើគិតត្រឹមថ្ងៃទី៣ ខែសីហា ក្រុមអត្តពលិកជនពិការកម្ពុជា បានឈ្នះមេដាយមាស៥គ្រឿង មេដាយប្រាក់៧ និងមេដាយសំរឹទ្ធ៦គ្រឿង។ សមិទ្ធផលនេះ មានន័យថា កម្ពុជាទទួលបានមេដាយមាសលើសចំនួនកំណត់ហើយ ពោលគឺលីសចំនួន២ ស្របពេលដែលមានវិញ្ញាសាជាច្រើនទៀត។

អ្វីដែលកាន់តែពិសេសទៀតនោះគឺថា មិនត្រឹមឈ្នះមេដាយមាសលើសគោលដៅកំណត់ប៉ុណ្ណោះទេ ប៉ុន្តែក្រុមអត្តពលិកជនពិការកម្ពុជា ឈ្នះបានមេដាយសរុបច្រើនជាងព្រឹត្តិការណ៍អាស៊ានប៉ារ៉ាហ្គេមមុនៗទាំងអស់ ពោលគឺឈ្នះសរុប ១៨គ្រឿង ប្រៀបធៀបនឹងកាលឆ្នាំ ឆ្នាំ២០០១ បាន៣គ្រឿង, ឆ្នាំ២០០៣ បាន៩គ្រឿង, ឆ្នាំ២០០៥ បាន៥គ្រឿង, ឆ្នាំ២០០៧ បាន១គ្រឿង, ឆ្នាំ២០០៩ បាន៧គ្រឿង, ឆ្នាំ២០១១ បាន៧គ្រឿង, ឆ្នាំ២០១៣ ( ដើមឆ្នាំ២០១៤) បាន៩គ្រឿង, ឆ្នាំ២០១៥ បាន ៩គ្រឿង និងឆ្នាំ២០១៧ បាន១០គ្រឿង។

គួរបញ្ជាក់ថា ព្រឹត្តិការណ៍អាស៊ានប៉ារ៉ាហ្គេម លើកទី១១ នៅឥណ្ឌូនេស៊ី បានចាប់ពីថ្ងៃទី៣០ ខែកក្កដា ដល់ថ្ងៃទី០៦ ខែសីហា ឆ្នាំ២០២២ ក្នុងនោះកម្ពុជា បានបញ្ជូនកីឡាចំនួន១១៥នាក់ លើ១១ប្រភេទកីឡា៕

សូមបញ្ចេញមតិនៅទីនេះ

អត្ថបទទាក់ទង

ស្មាត់ យុន គិតថា មុនប្រកួតអាចស៊ីក្រុម ម៉េងហ៊ួង ៣- ១ ដល់លេងជាក់ស្ដែងទើបភ្ញាក់ផ្អើល

ស្មាត់ យុន កីឡាករឆ្នើមក្នុងក្រុម ពង្រូលកំពង់ស្ពឺ បានលើកឡើងថា មុនប្រកួតក្រុមខ្លួនវិភាគឃើញពីសមត្ថភាពរបស់ក្រុម ធី ម៉េងហ៊ួង ឬ ត្រីឆ្លាំងភ្នំពេញ មិនមែនជាដៃគូរបស់ខ្លួនឡើយ ពោលគឺយ៉ាងហោចណាស់ក្រុមខ្លួនអាចស៊ី៣-១ ដែរ តែដល់ពេលការប្រកួតជាក់ស្ដែងហាក់មានភាពភ្ញាក់ផ្អើល ពោលបែរមានការប្រកួតប្រជែងខ្លាំងវ៉ៃរហូតដល់ ៥សិត ជាលទ្ធផលគឺក្រុមមកពីខេត្តកំពង់ស្ពឺឈ្នះ ៣-២ ជាមួយពិន្ទុប្រផិតប្រផើយ។ ការលើកឡើងខាងលើបានធ្វើឡើងក្រោយពេលក្រុមពង្រូលឈ្នះជើងឯក Slamball កាលពីល្ងាចម្សិលមិញនេះនៅតារាងបាល់ទះវិសាខា។ ព្រឹត្តិការណ៍ Slamball រដូវកាលទី១នេះបានដំណើរការអស់រយៈពេលជិត៤ខែមកហើយ ទម្រាំអាចឈានដល់ការប្រកួតផ្ដាច់ព្រ័ត្រ កាលពីម្សិលមិញ បន្ទាប់ពីឆ្លងកាត់ការប្រកួតជម្រុះតាមបណ្ដាខេត្តពីមួយដំណាក់កាលទៅមួយដំណាក់កាល។ ក្រោយការប្រកួត និងបានក្លាយជាជើងឯកជាមួយប្រាក់រង្វាន់ ៥ ពាន់ដុល្លារ ស្មាត់ យុន ដែលត្រូវបានគេស្គាល់ឈ្មោះពិតថា ទុយ កុសល បានលើកឡើងថា «មុនការប្រកួតខ្ញុំគិតថា យ៉ាងខំណាស់ក៏ខ្ញុំស៊ី៣-១ដែរ តែដល់ពេលលេងជាក់ស្ដែងខ្ញុំឃើញថា គេល្អដែរ ចឹងយើងពិបាកដែរ។ ចំណុចដែលធ្វើឲ្យក្រុមខ្ញុំពិបាកស៊ីគេដែរហ្នឹង ព្រោះថា យើងលេងមិនសូវត្រូវគ្នា»។ កីឡាករមកពីខេត្តកំពតដដែលបន្ថែមថា ទាក់ទងការការរៀបចំព្រឹត្តិការណ៍ខាងលើពិតជាល្អមែនទែន ព្រោះបានធ្វើការប្រកួតតាមបណ្ដាខេត្ត ពិសេសប្រជាពលរដ្ឋនៅតាមបណ្ដាខេត្តមានការគាំទ្រខ្លាំង។ គេសង្ឃឹមថា ក្រុមហ៊ុនស្រាបៀរ Angchor នឹងរៀបចំរដូវកាលទី២ ហើយក្នុងនាមជាក្រុមឈ្នះជើងឯកធានាថា នឹងចូលរួមប្រកួតការពារដំណែងជើងឯកមួយនេះផងដែរ។ គួររម្លឹកថា ព្រឹត្តិការណ៍ Slamball រដូវកាលទី១ បានចាប់ផ្ដើមដំណើរការប្រកួតចាប់ពីថ្ងៃទី៥ ខែវិច្ឆិកា ឆ្នាំ២០២២ ដោយមានក្រុម-ខេត្តចំនួន៨ បានចុះឈ្មោះចូលរួម ជាលទ្ធផលក្រុមពង្រូលកំពង់ស្ពឺបានក្លាយជាជើងឯក ដោយគ្រងទឹកប្រាក់ ៥ ពាន់ដុល្លារ លេខ២បានទៅក្រុមត្រីឆ្លាំងភ្នំពេញទទួលបានប្រាក់រង្វាន់៣ ពាន់ដុល្លារ និងលេខ៣ បានទៅលើក្រុមដំរីសៀមរាប ទទួលបានប្រាក់រង្វាន់ ១៥០០ ដុល្លារអាមេរិក៕

អាទិត្យ , 29 មករា 2023 41 អ្នកទស្សនា 1 ថ្ងៃកន្លងទៅ

ក្រោយបានឱកាសជាប្រធានសហព័ន្ធកីឡាបេស្បលថ្មី លោក ឆែម តារា មានការតាំងចិត្តខ្ពស់

លោក ឆែម តារា ត្រូវបានគណ:កម្មការប្រតិបត្តិផ្តល់ទំនុកចិត្ត និងបោះឆ្នោតជាប់ជាប្រធានសហព័ន្ធកីឡាបេស្បលកម្ពុជា Cambodian Baseball Federation (CBF) អាណត្តិថ្មី ឆ្នាំ២០២៣-២០២៧ ។នាព្រឹកថ្ងៃទី២៨ ខែមករា ឆ្នាំ២០២៣។ សហព័ន្ធកីឡាបេស្បលកម្ពុជា បានរៀបចំមហាសន្និបាតក្នុងការបញ្ចប់អាណត្តិទី៥ ឆ្នាំ២០១៩ - ឆ្នាំ២០២៣ និងបន្តអាណត្តិឆ្នាំ២០២៣ - ឆ្នាំ២០២៧ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ញ៉ែម ថាវី អតីតប្រធានសហព័ន្ធកីឡាបេស្បលកម្ពុជា និងជាទីប្រឹក្សាជាន់ខ្ពស់នៃរដ្ឋសភា និងលោក ដួង មាសចំរើន អគ្គនាយករង នៃអគ្គយកដ្ឋានកីឡា និងជាតំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួនណារ៉ុន ជាគណៈអធិបតី។ ក្នុងនាម ប្រធានអាណត្តិថ្មី លោក ឆែម តារា បានបង្ហាញការតាំងចិត្តដូច្នេះ "ខ្ញុំបាទ លោក ឆែម តារា ពិតជាសប្បាយចិត្តជាក្រៃលែងដែលត្រូវបានអង្គសន្និបាត ដែលមានសមាជិកទាំង ៤៨រូប បានធ្វើការបោះឆ្នោតជ្រើសរើសអោយមានគណៈកម្មាការប្រតិបត្តិ ៩រូប និងបានបោះឆ្នោតជ្រើសតាំង ឲ្យជាប់ជា ប្រធានសហព័ន្ធកីឡាបេសប្បលកម្ពុជា កាលពីព្រឹកថ្ងៃសៅរ៍ ទី២៨ ខែមករា ឆ្នាំ២០២៣ កន្លងទៅនេះ» ។ លោកបានធ្វើការបន្ថែមជាចុងក្រោយថា « ខ្ញុំនឹងប្ដេជ្ញាចិត្តយ៉ាងមុតមាំថា នឹងខិតខំដឹកនាំ ព្រមទាំងចងមិត្តភាពសហការជាមួយមិត្តភ័ក្ដិបរទេសផ្សេងៗ ដែលមានបំណងចង់ចូលរួមអភិវឌ្ឍន៍វិស័យបេស្បលកម្ពុជាយើងទាំងអស់នៅក្នុងអាណត្តិថ្មីនេះ ជាហេតុក្នុងការធ្វើឲ្យវិស័យកីឡាបេស្បល សុហ្វបលកម្ពុជាមាន ការរីកចំរើនកាន់តែខ្លាំង និងកាន់តែមានប្រជាប្រិយភាពខ្ពស់ ជា ពិសេសមានកេរ្តិ៍ឈ្មោះល្បីល្បាញទាំងជាតិ និងឆាកអន្តរជាតិ» ៕

សៅរ៍ , 28 មករា 2023 220 អ្នកទស្សនា 2 ថ្ងៃកន្លងទៅ

ប្រធានសហព័ន្ធកីឡាសូហ្វតិន្នីសកម្ពុជា ជម្រុញអោយសិក្ខាកាម ត្រូវដុះខាត់ផ្នែកភាសារបន្ថែម ដើម្បីចូលរួមកាត់សេចក្តីក្នុងការប្រកួតអន្តរជាតិ ប្រកបដោយគុណភាព

ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិន្នីសកម្ពុជាជម្រុញអោយសិក្ខាកាម ដែលជាគ្រូបច្ចេកទេស ត្រូវដុះខាត់ផ្នែកភាសារបន្ថែម ដើម្បីចូលរួមកាត់សេចក្តីក្នុងការប្រកួតអន្តរជាតិ ប្រកបដោយគុណភាព ។ ការជម្រុញរបស់ឯកឧត្តមប្រធាន ក្នុងឱកាសអញ្ជើញបិទ វគ្គបណ្តុះបណ្តាល មន្រ្តីបច្ចេកទេស និងអាជ្ញាកណ្តាល ថ្នាក់ជាតិ ឆ្នាំ២០២៣ នៅទីលានកីឡាសូហ្វតិន្នីស ក្នុងពហុកីឡដ្ឋានអូឡាំពិក នាថ្ងៃទី១៦ ខែមករា ឆ្នាំ២០២៣ ម្សិលមិញ ។ បើតាមរបាយការណ៍របស់ឯកឧត្តម យិត ភីរ: អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងជាអគ្គលេខាធិការសហព័ន្ធកីឡាសូហ្វតិន្នីសកម្ពុជា បានអោយដឹងថា ” វគ្គបណ្តុះបណ្តាលមន្រ្តីបច្ចេកទេស និងអាជ្ញាកណ្តាល ថ្នាក់ជាតិ ឆ្នាំ២០២៣ នេះអាចដំណើរការទៅបានដោយ ទទួលបានអនុញ្ញាតគោលកាណ៍ដ៏ខ្ពង់ខ្ពស់ពី ឯកឧត្តមប្រធានសហព័ន្ធ និងទទួលបានថវិកាគំាទ្រពីក្រសួងអប់រំ យុវជន និងកីឡា ដោយមានគ្រូឧទ្ទេសប្រចាំវគ្គ ចំនួន ០២ រូបគឺលោក OGIWARA Masato ជនជាតិជប៉ុន រួមជាមួយលោក យី សារិន ជនជាតិខ្មែរ ដោយមានអ្នកសម្របសម្រួល លោក វ៉ង់ វុទ្ធា រួមជាមួយជំនួយការ កញ្ញា ឃនសាត សាន្នីតា និងមានសិក្ខាកាម សរុបចំនួន ៣៦ រូប ។ អគ្គលេខាធិការ ខាងលើក្នុងនាម សហព័ន្ធកីឡាសូហ្វតិន្នីសកម្ពុជា សូមប្តេជ្ញាយ៉ាងមោះមុត និងបន្តរក្សាការខិតខំប្រឹងប្រែងលើគ្រប់ការងារទាំងអស់រួមទាំងការបណ្តុះបណ្តាលធនធាន ជាពិសេស ពង្រឹងនូវវិស័យប្រភេទកីឡាមួយនេះ ឲ្យមានការអភិវឌ្ឍទៅមុខទាំងហេដ្ឋារចនាសម្ព័ន្ធ និងបន្តខិតខំអភិវឌ្ឍសមត្ថភាព និងពង្រឹងកីឡាករ កីឡាការិនី ឲ្យទទួលបានគុណភាពខ្ពស់ ដើម្បីត្រៀមលក្ខណៈចូលរួមប្រកួតថ្នាក់ជាតិ និងអន្តរជាតិ ជាពិសេសត្រៀមចូលរួមក្នុងព្រឹត្តិការណ៍ប្រកួតកីឡា SEA Games លើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ ។ ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិន្នីសកម្ពុជា បានមានប្រសាសន៍ថា វគ្គបណ្តុះបណ្តាលនេះ នឹងជួយដល់សិក្ខាកាមដែលបានចូលរួមទាំងអស់ ស្វែងយល់អំពីបច្ចេកទេស សម្រាប់ត្រៀមខ្លួនមុន ស៊ីហ្គេម លើកទី៣២ ឆ្នាំ២០២៣ឈានចូលមកដល់ ។ ឯកឧត្តម សរ សិទ្ធិ សហព័ន្ធកីឡាសូហ្វតិន្នីស ពីមុនយើងមានបញ្ហាប្រឈមតិចតួច ប៉ុន្តែឥឡូវយើងបានហ្វឹកហាត់ដុសខាត់ បច្ចេកទេសរបស់ យើងអាចទៅ ចូលរួមប្រកួតប្រជែង ក្នុងនាមជាម្ចាស់ផ្ទះ នៃចលនាប្រកួតកីឡាអន្តរជាតិ លើកទី១ ដូច្នេះយើងត្រូវទាមទារខ្លួនយើង ដុសខាត់សមត្ថភាពឲ្យស្គាល់ពីក្បួនច្បាប់នៃការប្រកួត ។ ឯកឧត្តម ប្រធានបន្តថាព្រោះកាលណានៅពេលដែលយើងក្លាយជាអាជ្ញាកណ្តាល ចូលរួមកាត់សេចក្ដី ក្នុងនាមយើងជាម្ចាស់ផ្ទះ តែយើងមិនស្គាល់ ពីច្បាប់ទម្លាប់ បច្ចេកទេសក្នុងការកាត់សេចក្ដី នៅក្នុងការប្រកួត នោះយើងនឹងមាន បញ្ហាប្រឈមមួយផ្នែកធំ ។ ឯកឧត្តម សរ សិទ្ធិ សង្កត់ធ្ងន់ថា បញ្ហាប្រឈមដ៏ធំរបស់យើងមួយទៀត គឺពាក់ព័ន្ធនឹងភាសា ព្រោះការប្រកួតនៅថ្នាក់អន្តរជាតិ យើងមិនអាចប្រើភាសា ខ្មែរយើងបានទេ យើងត្រូវប្រើភាសាអន្តរជាតិ គឺភាសាអង់គ្លេស ដែលគេប្រើទូទៅ គ្រប់បណ្ដាប្រទេសដែលជាសមាជិកអាស៊ានទាំង១០ «អ៊ីចឹងខ្ញុំជឿថាលោកគ្រូ អ្នកគ្រូ ដែលជាគ្រូបច្ចេកទេស អាជ្ញាកណ្តាល នឹងខិតខំ ដុសខាត់ខាងភាសាបន្ថែមទៀត ព្រោះភាសាកាលណាយើងនិយាយខុស វាអាចធ្វើឲ្យយើងកាត់សេចក្ដី ប្រាសចាកពីបច្ចេកទេសរបស់យើង ។ អ៊ីចឹងការប្រើភាសារបសស់យើងទាមទារឲ្យមានការប្រយ័ត្នផងដែរ បើទោះបីជាយើងចេះបច្ចេកទេសក៏ដោយ តែភាសាក៏ជាផ្នែកមួយដែលពាក់ព័ន្ធជាមួយបច្ចេកទេស របស់យើងផងដែរ »។ សូមជម្រាប់ថា វគ្គបណ្តុះបណ្តាលមន្រ្តីបច្ចេកទេស និងអាជ្ញាកណ្តាល ថ្នាក់ជាតិ ចាប់ពីថ្ងៃទី០៩ ដល់ ថ្ងៃទី១៣ ខែមករា ឆ្នាំ២០២៣ នៅមជ្ឈមណ្ឌលកីឡា ក្នុងពហុកីឡដ្ឋានជាតិ រាជធានីភ្នំពេញ ប្រកបដោយភាពជោគជ័យ ។ ឆ្លងកាត់វគ្គបណ្តុះបណ្តាលនេះ សិក្ខាកាមទាំងអស់ទទួលបាននូវការយល់ដឹង និងបន្ថែមនូវបទពិសោធថ្មីៗដែលមានលទ្ធផលទទួលបាននិទ្ទេសល្អ ៧០% ល្អបង្គួរ ២០% និងមធ្យម ១០% ។

អង្គារ , 17 មករា 2023 59 អ្នកទស្សនា 13 ថ្ងៃកន្លងទៅ

មិត្តភាពមិនផ្លាស់ប្ដូរ! Marcelo ទាត់បញ្ចូលទី ហើយអបអរបានស្ទីលរបស់ Ronaldo

ខ្សែការពារឆ្វេង Marcelo បានអបអរតាមស្ទីល "Sui” របស់ Cristiano Ronaldo បន្ទាប់ពីទាត់បញ្ចូលទីឲ្យក្លិប Olympiacos ក្នុងការប្រកួតពានរង្វាន់ Greek Cup។កីឡាករសញ្ជាតិប្រេស៊ីល រកបានគ្រាប់បាល់ក្នុងជំនួប Olympiacos ប្រកួតស្មើគ្នា ២-២ ជាមួយក្រុម Atromitos។ គ្រាប់បាល់របស់ Marcelo កើតឡើង អំឡុងពេលលទ្ធផលរវាងក្រុមទាំងពីរកំពុងស្មើគ្នា ១-១។ ប៉ុន្តែលទ្ធផលបានស្មើគ្នាម្ដងទៀត ក្រោយពេលកីឡាករ Kostas Kotsopoulos រកបានគ្រាប់ទីពីរឲ្យ Atromitos។ ត្បិតបញ្ចប់ការប្រកួតស្មើគ្នាបែបនេះក្ដី Olympiacos នៅតែអាចឡើងទៅកាន់វគ្គ៨ក្រុមចុងក្រោយពានរង្វាន់ Greek Cup ក្រោយសរុបគ្រាប់បាល់ទាំងពីរជើងពួកគេឈ្នះ ៦-៣។ អ្វីដែលគួរចាប់អារម្មណ៍ ក្រោយពេល Marcelo ទាត់បញ្ចូលទី គេបានអបអរតាមស្វីលរបស់មិត្តចាស់ Ronaldo ដែលជាការបង្ហាញការនឹកឃើញដល់គ្នា។ គួរបញ្ជាក់ថា Marcelo បានចាកចេញពី Real Madrid ក្រោយចំណាយពេល១៥ឆ្នាំ និងជាដៃគូយ៉ាងស្និទ្ធស្នាលជាមួយ Ronaldo ក្នុងពេលលេងនៅក្លិបជាមួយគ្នា។ ចាប់តាំងផ្លាស់មកលេងនៅប្រទេសក្រិក គេលេងបាន១០ប្រកួតហើយ គិតគ្រប់កម្មវិធី៕

សុក្រ , 13 មករា 2023 43 អ្នកទស្សនា 17 ថ្ងៃកន្លងទៅ

ការប្រកួតកីឡាអបអរ ទិវាជ័យជំនះ៧មករា ២០២២ នៅខេត្តកណ្តាល ទទួលបានការគាំទ្រខ្លាំងពីមហាជន

ការប្រកួតកីឡា អបអរទិវាថ្ងៃជ័យជំនះ៧មករា នៅខេត្តកណ្តាលទទួលបានការគាំទ្រខ្លាំងពីមហាជន ដែលបានចូលរួម ក្រោយដំណើរការប្រកួតពីថ្ងៃទី៥ និងបានធ្វើពិធីបិទនាល្ងាចថ្ងៃទី៩ ខែមករា ឆ្នាំ២០២៣ នៅទីលានបាល់ទាត់ក្រុងតាខ្មៅ ខេត្តកណ្តាល ។ បើតាមរបាយការណ៍របស់គណៈកម្មាធិការរៀបចំការប្រកួត បានឲ្យដឹងថា មន្ទីរអប់រំយុវជន និងកីឡាខេត្ត បានរៀបចំការប្រកួតកីឡាប៉េតង់ និងកីឡាបាល់ទាត់ អបអរសាទរខួបអនុស្សាវរីយ៍លើកទី៤៤ ទិវាជ័យជម្នះ ៧មករា ឆ្នាំ១៩៧៩ - ២០២៣ ដែលមានក្រុមបានដាក់ពាក្យចូលរួមប្រកួតរួមមាន៖ កីឡាបាល់ទាត់មានចំនួន១៤ក្រុម ស្មើនឹង២៨០នាក់ កីឡាប៉េតង់ មានចំនួន ២៨ក្រុម ស្មើនឹង១១២នាក់ ស្រី២០នាក់ ។ ក្នុងនោះការប្រកួតកីឡាប៉េតង់ ចែកចេញជាបីវិញ្ញាសារួមមាន៖ វិញ្ញាសាវ័យចាស់ វិញ្ញាសាយុវជន និងវិញ្ញាសានារី ដោយបានធ្វើការប្រកួត១នាក់ទល់១នាក់ និង៣នាក់ទល់៣នាក់ ។ ក្នុងឱកាសនោះលោក ប៊ុន ផេង អភិបាលរងនៃគណៈអភិបាលខេត្តកណ្តាល បានមានប្រសាសន៍ថា ការប្រកួតនេះ រៀបចំឡើងក្នុងគោលបំណង អបអរសាទរថ្ងៃជ័យជម្នះ ដ៏ធំធេងក្នុងប្រវត្តិសាស្ត្រកម្ពុជា ដែលបានរំដោះប្រជាជនកម្ពុជាចេញពីរណ្ដៅឈាម និងទឹកភ្នែក និងដើម្បីបន្តផ្សព្វផ្សាយដល់ យុវជនជំនាន់ក្រោយ ដែលមិនបានឆ្លងកាត់ របបវាលពិឃាតនេះ បានយល់ដឹងកាន់តែច្បាស់ នូវអនុស្សាវរីយ៍ដ៏ជូរចត់ ដែលប្រជាជនកម្ពុជាពិតជាមិនអាចបំភ្លេចបាន នូវស្នាមអតីតកាល ក្រោមរបបប្រល័យពូជសាសន៍របស់ពួក ប៉ុល ពត ដ៏ឃោរឃៅយង់ឃ្នងបំផុត ដែលមិនធ្លាប់មានក្នុងប្រវត្តិសាស្ត្រមនុស្សជាតិ ។ ការប្រកួតនេះ បានឆ្លុះបញ្ចាំងឲ្យឃើញថា មន្ត្រីរាជការគ្រប់លំដាប់ថ្នាក់ពិសេសយុវជន យុវនារីយើង មានឱកាសចូលរួម និងលេងកីឡា ដើម្បីទទួលបាននូវសុខភាព មិត្តភាព និងសាមគ្គីភាព រវាងក្រុមមួយ ទៅក្រុមមួយកាន់តែមានភាពស្និទ្ធស្នាលក្រៃលែង។ លោក ប៊ុន ផេង បន្តថា វិស័យកីឡានៅក្នុងខេត្តកណ្តាល ត្រូវបានយកចិត្តទុកដាក់ ជំរុញឲ្យមានការប្រកួតពីសំណាក់ អាជ្ញាធរគ្រប់លំដាប់ថ្នាក់ សម្រាប់ថ្នាក់ខេត្តយើងបានរៀបចំការប្រកួតកីឡាមហាជន កីឡាសិស្សបឋមសិក្សា មធ្យមសិក្សា យុវជនបាល់ទាត់នារីជ្រើសរើសជើងឯក ជារៀងរាល់ឆ្នាំ ដែលនេះបង្ហាញឲ្យឃើញនូវការគាំទ្រវិស័យកីឡាពីសំណាក់ប្រជាពលរដ្ឋក្នុងខេត្តពិសេសក្រុមយុវជនក្មេងៗ ។ តាមរយៈការប្រកួតនេះ លោកអភិបាលរងខាងលើ យល់ឃើញថាកីឡាករ កីឡាការិនីទាំងអស់បានបង្ហាញនូវបច្ចេកទេសដ៏ប៉ិនប្រសប់របស់ខ្លួន ដើម្បីយកជ័យជម្នះជូនក្រុម ជាពិសេសការចូលរួមប្រកួតនេះបានបង្ហាញស្មារតីគោរពស្រឡាញ់ ថ្ងៃ៧មករា ដែលជាថ្ងៃកំណើតទី២ របស់យើងទាំងអស់គ្នា ដោយតែងតែចូលរួមក្នុងកម្មវិធីប្រកួតអបអរនេះជារៀងរាល់ឆ្នាំ ។ ចំពោះលទ្ធផលផ្នែកប៉េតង់ នារី វិញ្ញាសា១ទល់១នាក់ ចំណាត់ថ្នាក់លេខ១ បានលើ កីឡាការិនី គិន កញ្ញជនា មកពីក្លិប ព្រែកហូរ វិញ្ញាសា៣ទល់៣នាក់ ចំណាត់ថ្នាក់លេខ១ បានលើក្លិប អមរៈ ។ ផ្នែកយុវជន ១ទល់១នាក់ លេខ១ បានលើកីឡាករ សុខ តុលា មកពីក្លិប យុវជនក្រុងតាខ្មៅ១ ៣ទល់៣នាក់ លេខ១បានលើក្លិប យុវជនក្រុងតាខ្មៅ១ ។ ផ្នែកវ័យចាស់ ១ទល់១នាក់ លេខ១ បានលើកីឡាករ យឹម សោភ័ណ ក្លិប ក្រុងតាខ្មៅ ៣ទល់៣នាក់ លេខ១ បានលើក្លិប អាកាសចរណ៍ ។រឺឯប្រភេទកីឡាបាល់ទាត់ ចំណាត់ថ្នាក់លេខ១បានលើក្រុម យុវជនខេត្តកណ្តាល ៕

អង្គារ , 10 មករា 2023 53 អ្នកទស្សនា 20 ថ្ងៃកន្លងទៅ

អត្ថបទពេញនិយម

ក្រោយប្រកាសថាជិតរៀបការពេលនេះកាន់តែច្បាស់ តែកូនកំលោះរបស់លោកស្រី ទ្រី ដាណា មិនមែន សេង មង្គល

កម្សាន្ត៖ គេចាំបានថា កាលពីកន្លងទៅនេះ លោកស្រី ទ្រីដាណា បាន ប្រកាសថាខ្លួន នឹង ភ្ជាប់ពាក្យនៅខែធ្នូ ព្រមទាំងរៀបការនៅខែមីនា ឆ្នាំ២០២៣ ខណៈនៅថ្ងៃ២៩ ខែធ្នូ លោកជំទាវ ហ៊ុន ស៊ីណាត បានបញ្ចេញរូបភាព មានទាំងកន្រ្កកផ្លែឈើ ស្ថិតនៅ គេហដ្ឋានរបស់លោកស្រី ទ្រី ដាណា ធ្វើឱ្យលេងបណ្តាញសង្គម លើកឡើងថា នេះជា កម្មវិធីពិសេសរបស់អ្នកជំនួញរូបនេះតែបុរសក្នុងរូបភាពមិនមែនជាលោក សេង មង្គល ឡើយ។ ប្រិយមិត្តអ្នកលេងបណ្តាញសង្គមជ្រាបមកហើយថា លោកស្រី ទ្រី ដាណា ជាអ្នកជំនួញដ៏ល្បីឈ្មោះមួយរូបកាន់កាប់ជំនួញជាច្រើននៅក្នុងដៃ ជាពិសេស កាលពីកន្លងទៅថ្មីៗនេះអ្នកលក់ពេជ្ររូបនេះចូលរួមឧបត្ថម្ភវិស័យគុនខ្មែរជាង១ម៉ឺនដុល្លារដែលធ្វើឱ្យមហាជនពោលសរសើរពីទឹកចិត្តសប្បុរសរបស់លោកស្រីជាខ្លាំង។ យ៉ាងណានៅថ្ងៃទី២៩ ខែធ្នូ លោកជំទាវ ហ៊ុន ស៊ីណាត បានបញ្ចេញរូបភាព ប៉ុន្មាន សន្លឹកជាមួយលោកស្រី ទ្រី ដាណា នៅលើបណ្តាញសង្គមដោយភ្ជាប់ជាមួយ សំណេរ ធ្វើឱ្យអ្នកគាំទ្រ កាន់តែច្បាស់មួយកម្រិតទៀតថាជាកម្មវិធីពិសេសរបស់ លោកស្រី ទ្រី ដាណា។ លោក ជំទាវ ហ៊ុន ស៊ីណាត បានរៀបរាប់ថា «អ្នកកំពង់ចាមអើយខ្ញុំទៅតាមផ្លូវ ហើយមិនបានកាត់សក់ទេ ណាពីព្រោះរវល់កម្មវិធីក្មួយស្រីទ្រី ដាណា បន្តិចជួបគ្នាពេលល្ងាច»។ បន្ទាប់ពីលោកជំទាវបានបង្ហាញដំរួយបែបនេះហើយ អ្នកលេងបណ្តាញ សង្គមរួម ទាំងអ្នកសិល្បៈជាច្រើនរូបបានចូលទៅខំមិនអបអរសាទរដល់លោកស្រី ទ្រី ដាណា ពេលនេះរកឃើញអ្នកស្អំបេះដូងហើយ មិនថាកូនកំលោះ ជាតារាសម្តែង សេង មង្គល ឬមិនមែនក៏ដោយ ការជូនពរឱ្យអ្នកទាំងពីរមានសុភមង្គល។ គួរបញ្ជាក់ផងដែរថា លោកស្រី ទ្រី ដាណា ធ្លាប់បានបញ្ជាក់ប្រាប់អ្នកគាំទ្រកាលពី ពេលកន្លងទៅថា លោកស្រីនឹងភ្ជាប់ពាក្យខែធ្នូ ហើយរៀបការអំឡុងខែមីនា ឆ្នាំ ២០២៣ ដែលកាលនោះអ្នកគាំទ្រជាច្រើនបានដាក់ការសង្ស័យ ថាកូនកំលោះ ជាលោក សេង មង្គល ប៉ុន្តែពេលនេះអ្នកគាំទ្រដឹងហើយថាកូនកំលោះរបស់ លោកស្រី ទ្រី ដាណា មិនមែនជាលោក សេង មង្គល ឡើយ៕

128.6K អ្នកទស្សនា 1 ខែកន្លងទៅ

ចង់ស្អាតពេក ប្រុស ខួច រត់ទៅកែមុខ តែពេលកែហើយអ្នកគាំទ្រថា ស្តាយមុខពីមុន សឹងតែគ្រប់គ្នា

កម្សាន្ត៖ តារាសម្តែងដ៏មានប្រជាប្រិយភាព ប្រុស ខួច បានធ្វើឱ្យអ្នកគាំទ្រស្រឡាំងកាំង បន្ទាប់ពីលោកបង្ហាញមុខថ្មី ក្រោយវះកាត់កែសម្ផស្សបាន១ខែ តែអ្វីដែលអ្នកគាំទ្រ រួមទាំងអ្នកសិល្បៈផងនោះ បានពោលស្តាយមុខចាស់របស់ ប្រុស ខួច សឹងតែគ្រប់គ្នា។ ក្រៅពីមានមុខមាត់ស្រស់ស្អាតបែបធម្មជាតិ ឬកង្វះចំណុចណាមួយនៃរាងកាយ តារាមួយចំនួនបានសម្រេចចិត្តទៅវះកាត់កែសម្ផស្សបន្ថែម តាមអ្វីដែលខ្លួនចង់បាន ដោយអ្នកសិល្បៈមួយចំនួនហ៊ានទម្លាយពីការពិត ឯអ្នកមួយចំនួនមិនទទួលស្គាល់ថា ខ្លួនកែសម្ផស្សឡើយ។ ទន្ទឹមនឹងការកែសម្ផស្សរួចតារាមួយចំនួនក៏ធ្វើឱ្យអ្នកគាំទ្រសរសើរថា ស្រស់ស្អាតក្រោយវះកាត់ តែអ្នកមួយចំនួនទៀតក្រោយកែសម្ផស្សហើយ សោកស្តាយមុខធម្មជាតិក៏មាន ព្រោះមិនស្រស់ស្អាតដូចក្តីបំណង។ ជាក់ស្តែង តារាសម្តែងដ៏ល្បី ប្រុស ខួច បានបង្ហោះរូបថ្មីក្រោយវះកាត់កែសម្ផស្សបានរយៈពេល១ខែ កាលពីយប់ថ្ងៃទី១៨ ខែតុលា ប៉ុន្តែអ្នកគាំទ្របង្ហាញអារម្មណ៍ថា ពេញចិត្តមុខមាត់ ប្រុស ខួច ពេលមិនទាន់កែជាង។ តារាសម្តែងខាងលើនេះបានសរសេរថា «មុខ ខ្ញុំទើបតែបានមួយខែសោះ, វាដែលស្អាតអីបើនៅហើម នឹងយកមុខហើមទៅ និយាយជាមួយមុខអត់ហើម»។ ក្រោយពីបង្ហាញមុខមាត់ថ្មី អ្នកគាំទ្រ ក៏បានចូលទៅខំមិនការផុសរបស់ ប្រុស ខួច ថា « និយាយតាមត្រង់ខ្ញុំស្រលាញ់បងកាល មិនទាន់កែស្អាតណាស់ កែហើយស្អាតដែរតែ ស្អាតបែបផ្សេង» , «លែងស្គាល់ហើយនិយាយមែន» «បងកែទៅមុខដូចចាស់ជាងមុន», «ស្តាយមុខពីមុនណាស់» ហើយតារាសម្តែងលោក សាវិន ហ្វីលីព ក៏បានចូលទៅខំមិនដែរថា «ស្តាយមុខដើម» ។ យ៉ាងណាមិញ បន្ទាប់ពីឃើញមហាជនហាក់មិនពេញចិត្តមុខមាត់ថ្មី តារាសម្តែងប្រុស ខួច សម្រេចចិត្ត លុបការបង្ហោះវិញ ចំណែកឯមុខមាត់ថ្មី បន្ទាប់ពីជាសះស្បើយមុខកាំបិត មានរូបរាងយ៉ាងណាមានតែចាំតាមដានទាំងអស់គ្នា ព្រោះការស្រលាញ់របស់មនុស្សម្នាក់ៗមានលក្ខណៈខុសប្លែកពីគ្នា ហើយនេះក៏ជាការសម្រេចិត្តរបស់ប្រុស ខួច ក្នុងការកែសម្ផស្ស៕

84K អ្នកទស្សនា 3 ខែកន្លងទៅ

លើកនេះ សឿ សុធារ៉ា ចេញសារវា-យប្រ-ហារ ដួង វីរៈសិទ្ធ ក-ប់ៗមាត់ ហាក់ឆ្អែតចិត្តនឹងរឿងខាងប្រុសដោះ-ដៃ

កម្សាន្ត៖ស្របពេលតារាចម្រៀង ដួង វីរៈសិទ្ធ ច្រានចោលក្តីស្រឡាញ់ និងទទួលរងការរិះគន់ពីសំណាក់មហាជនជាច្រើនផងនោះ បានធ្វើឱ្យ សឿ សុធារ៉ា មួរម៉ៅរហូតបោះសម្តីទៅកាន់ ដួង វីរៈសិទ្ធ ថា លែងហ៊ានប្រាថ្នាមនុស្សប្រុសថ្លៃថ្នូរហើយ គ្រោះថា្នក់ណាស់ ដែលការពារកិត្តិយសតែខ្លួនឯង...។ ប៉ុន្មានថ្ងៃនេះរឿងរ៉ាវតារាសម្តែង សឿ សុធារ៉ា លង់ស្នេហ៍សិស្សប្អូន ដួង វីរៈសិទ្ធ កំពុងក្លាយជាប្រធានបទក្តៅគគុក រហូតមានមហាជនបញ្ចេញការវែកញែកពេញពេញហ្វេសប៊ុក។ ក្នុងនោះក៏មានអ្នកខ្លះបានជូនពរដល់ សឿ សុធារ៉ា ឱ្យសម្រេចបំណងដោយគិតថា មិនមានអ្វីទាស់ខុសទេបើគ្រាន់តែស្រឡាញ់ចង់បានបុរសថ្លៃថ្នូរម្នាក់មកធ្វើជាមិត្ត១០០ឆ្នាំនោះ។ ណាមួយក្តីស្រឡាញ់មិនមានកំហុសអ្វីឡើយ ប៉ុន្តែក៏មានមតិជាច្រើនបានវាយប្រហារនឹងរិះគន់ធ្ងន់ៗចំពោះការសារភាពស្នេហ៍របស់ សឿ សុធារ៉ា ទៅលើតារាចម្រៀងលោក ដួង វីរៈសិទ្ធ ដោយអ្នកលេងបណ្តាញសង្គមខ្លះដល់ថា្នក់និយាយថា សឿ សុធារ៉ា កំពុងមានរោគចិត្តថែមទៀត ។ តែអ្វីដែលកត់សម្គាល់ក្រោយទទួលរងការអាម៉ាសតាមរយៈការច្រានចោលក្តីស្នេហ៍ពីសំណាក់សិស្សប្អូន ដួង វីរៈសិទ្ធ លើកនេះ សឿ សុធារ៉ា ហាក់ឆ្អែតចិត្តនឹងបានបង្ហាញអារម្មណ៍ពុះកញ្ជ្រោលខ្លាំងដោយតបថា« BRS, did see all comments, r u so wonderful ណាស់មែនទេ? May u happy now. ហើយឈប់នឹកខ្ញុំប្រយ័ត្នខួរក្បាលនិពន្ធចម្រៀងមិនបាន ហើយមួយទៀតពេលនិយាយរើសយកតែភាពថ្លៃថ្នូរដាក់លើខ្លួន បន្ទាប់មកខ្ញុំជាស្រ្តីត្រូវបានគេប្រមាថមើលងាយ អូនឯងរត់យកតែរួចខ្លួនបែបនេះ ខ្ញុំសុំមិនជួបទៀតទេចាំថ្ងៃរះពីទិសខាងលិចសិន ចាំជួបគ្នាបងស្គាល់ច្បាស់ណាស់ចរិកអូនឯង នៅពេលគ្មានបងដូចមុន អូនលេងហ្គីតាភ្លៀវៗ ច្រៀងស្រែកមិនដល់តុង ច្រៀងឆ្វេងចង្វាក់ចេញទៅប្រុសថ្លៃថ្នូរ»។ ការលើកឡើងរបស់ សឿ សុធារ៉ា ហាក់បញ្ជាក់ថា ទំនាក់ទំនងរវាង នាង និងលោក ដួង វីរៈសិទ្ធ ធ្លាប់មានភាពស្និទ្ធស្នាល និងស៊ីជម្រៅខ្លាំង ខណៈ លោក ដួង វីរៈសិទ្ធ បញ្ជាក់ថា ធ្លាប់ជួប សឿ សុធារ៉ា តែមួយដងគត់ក្នុងពេលថតរឿងភាគទូរទស្សន៍ហង្សមាស ៕

54.3K អ្នកទស្សនា 4 ខែកន្លងទៅ

ចំណងស្នេហ៍ជាមួយប្រុសក្មេងលោក អ៊ុក ដារ័ត្ន ទោះ ស្រីអ៊ីត ហាក់ព្យាយាមលាក់បាំង តែខាងប្រុសកាន់តែបង្ហាញ

កម្សាន្ត៖ថ្មីៗនេះមានការចាប់អារម្មណ៍ជាខ្លាំងក្រោយឃើញតារាសម្តែងរូបសង្ហាលោក អ៊ុក ដារ័ត្នបានបង្ហាញរូបភាពកាន់តែស្និទ្ធស្នាលជាមួយតារាកំប្លែងសម្បូរវោហាស៍ ស្រីអ៊ីត ជាចំហ និងស៊ីជម្រៅមិនខុសពីគូស្នេហ៍ឡើយ។ ក្រោយស្ពាយងារជាតារាកំប្លែងមេម៉ាយកូនមួយជាង ១០ឆ្នាំ ស្រីអ៊ីត មិនដែល បង្ហាញភាពស្និទ្ធស្នាលជាមួយបុរសណាក្រៅពីតារាសម្តែងវ័យក្មេងលោក អ៊ុក ដារ័ត្ន ឡើយ។ ជាញយដងគេតែងឃើញអ្នកទាំងពីរបណ្តើរគ្នាចូលរួមនៅក្នុង កម្មវិធីនានា ដោយមានការតុបតែងសម្លៀកបំពាក់ដូចជាគូស្នេហ៍ ។ ប៉ុន្តែកន្លងមកតារាកំប្លែង ស្រីអ៊ីត ធ្លាប់ច្រានចោលពីទំនាក់ទំនងជាមួយតារាសម្តែងរូបសង្ហា លោក អ៊ុក ដារ័ត្ន ដោយបញ្ជាក់ថា ជាមិត្តភក្តិធម្មតា ។ដ្បិតតារាកំប្លែង ស្រីអ៊ីត មិនហ៊ានទទួលស្គាល់ពីទំនាក់ទំនងជាមួយលោក អ៊ុក ដារ័ត្ន ក្តី តែ សម្រាប់តារា សម្តែងរូបសង្ហាសាច់ដុំធំៗរូបនេះវិញតែងបង្ហាញរូបភាពស្និទ្ធ ស្នាលជាមួយតារាកំប្លែង ស្រីអ៊ីត ដោយភ្ជាប់ជាមួយសារខ្លីថាបានជួបនារី កំប្លែងនៅក្នុងសុបិន្តហើយ ។ ការលើកឡើងរបស់តារាសម្តែងលោក អ៊ុក ដារ័ត្ន ក៏ទទួលបានការ ចូលរួមត្រេកអរពីសំណាក់មិត្តភក្តិនៅក្នុងបណ្តាញសង្គមជាច្រើនហើយអ្នកគាំទ្រខ្លះបានជូនពរឱ្យអ្នកទាំងពីរស្រឡាញ់គ្នាជារៀងរហូតថែមទៀត ។ បើសម្លឹងមើលពីវ័យរបស់អ្នកទាំងពីរ ទោះខុសគ្នាបន្តិចក្តី តែមើលទៅសម្រស់របស់តារាកំប្លែង ស្រីអ៊ីត ហាក់មិន ខុសគ្នាពីតារាសម្តែងលោក អ៊ុក ដារ័ត្ន ប៉ុន្មានឡើយ ហើយរូបភាពនេះក៏មិនខ្វះដែរតារាស្រីដែល មានស្វាមីមានអាយុតិចជាងខ្លួន ហើយពួកគេស្រឡាញ់គ្នានឹងរួមរស់នៅជាមួយគ្នាយ៉ាងមានក្តីសុខ ។ អ្វីដែលកត់សម្គាល់បើតាមរូបភាពរបស់ អ្នកទាំងពីរកន្លង មកគេមើលឃើញថា ចំណងស្នេហ៍របស់ ស្រីអ៊ីត និងលោក អ៊ុក ដារ័ត្ន ក៏មានការដឹងឮនិងយល់ព្រមពីសំណាក់ចាស់ទុំផងដែរ ។ គួររំម្លឹកថា ស្រីអ៊ីត គឺជាតា រាកំប្លែងដែលមានប្រជាប្រិយភាពម្នាក់ដោយនាងទទួលបានការស្រឡាញ់ពេញចិត្តពីសំណាក់ទស្សនិកជនគ្រប់ស្រទាប់វ័យ ។ ក្រៅពីអាជីពកំប្លែង ស្រីអ៊ីត ក៏ ចេះច្រៀង និង សម្តែងបានយ៉ាងស័ក្តិសមផងដែរ ៕

52K អ្នកទស្សនា 2 ខែកន្លងទៅ

ស្រីស្អាត ម៉ានីន បង្ហា-ញផ្ទះវីឡាត-ម្លៃជាង១លានដុ-ល្លារ បាន៣ថ្ងៃ ប្រកា-សបែ-ក ភិទិ

កម្សាន្ត៖ ស្រីស្អាតសាច់សខ្ចី ឡុង ម៉ានីន បានប្រកាសទំនាក់ទំនងជាសាធារណៈថា រាប់អាន ភិទិ ជាមិត្តភក្តិវិញក្រោយពីចំណងស្នេហ៍អ្នកទាំងពីរមិនទទួលបានការគាំទ្រ ពីហ្វេន របស់ ភិទិ ។ ការប្រកាសនេះបានធ្វើឡើង ក្រោយពីអ្នកមេម៉ាយរូបនេះបង្ហាញផ្ទះវីឡាតម្លៃ ជាង១លានដុល្លារ ទុកជាកាដូសម្រាប់ខ្លួនឯងក្នុងថ្ងៃកំណើត។ កាលពីយប់ថ្ងៃទី២១ ខែវិច្ឆិកា ឆ្នាំ២០២២ ស្រីស្អាត ម៉ានីន ដែលកំពុងមានរឿង អាស្រូវស្នេហាជាមួយតារាចម្រៀង ថុល សុភិទិ បានប្រកាសទំនាក់ទំនងជា សាធារណៈ ថា នាងសម្រេចចិត្តរាប់អាន ភិទិ ជាមិត្តភក្តិគ្នាវិញដោយមិនលើស ពីពាក្យថាមិត្តឡើយ ក្រោយពីទំនាក់ទំនងស្នេហារបស់អ្នកទាំងពីរមិនទទួល បានគាំទ្រពីហ្វេនរបស់ ភិទិ ទើបនាងមិនចង់ឱ្យ ភិទិ រងការរិះគន់ឬធ្លាក់ប្រជាប្រិយភាពដោយសារនាង។ យ៉ាងណាមិញ មុននិង ម៉ានីន ប្រកាសច្បាស់លាស់ពីទំនាក់ ទំនងបែកស្នេហ៍ ព្រោះហ្វេន ៣ថ្ងៃ ស្រីស្អាតរូបនេះបានបង្ហោះវីដេអូនៅក្នុង TIkTok បង្ហាញ ពីផ្ទះវីឡាកំពុងសាងសង់តម្លៃខ្ទង់លាន ដែលធ្វើឱ្យអ្នកប្រើប្រាស់បណ្តាញ សង្គម ស្ងើចសរសើរយ៉ាងខ្លាំងមានវ័យត្រឹម២៥ឆ្នាំនាងសល់ទ្រព្យសម្បត្តិយ៉ាងច្រើន។ នៅក្នុងវីដេអូនោះ ម៉ានីន បានឱ្យដឹងថាផ្ទះវីឡាដែលកំពុងសាងសង់មានតម្លៃ១លាន៤៥ម៉ឺនដុល្លារ ធ្វើទុកជាកាដូសម្រាប់ខ្លួនឯងនៅថ្ងៃទី២៦ ខែមិថុនា ឆ្នាំ២០២៣ ជាថ្ងៃគម្រប់ខួប២៦ឆ្នាំរបស់នាង។ មិនត្រឹមតែប៉ុណ្ណោះ អ្នកមេម៉ាយរូបនេះបានបង្ហាញច្បាស់ៗថា អរគុណភាពក្រដែលធ្វើឱ្យ នាងតស៊ូសល់ផ្ទះ ៨កន្លែង ផ្ទះតម្លៃខ្ទង់លាន មាន៣កន្លែង។ គួរបញ្ជាក់ផងដែរថា ស្រីស្អាតស៊ិចស៊ីរូបនេះមានស្រុកកំណើតនៅខេត្តកំពត ជាម្ចាស់ក្រុមហ៊ុនផលិតផលថែរក្សាសម្រស់ MN និង ប្រេនWoW ដោយទទួលបង្កើតប្រេនគ្រប់មុខ៕

25K អ្នកទស្សនា 2 ខែកន្លងទៅ

អត្ថបទថ្មី

ម៉ាដាម ដា ព.ន្លះ សុខ ទីយ៉ា ចំៗ

កម្សាន្ត៖ថ្មីៗនេះមានការចាប់អារម្មណ៍ជាខ្លាំងក្រោយឃើញអតីតគូស្នេហ៍ នាយ ចឺម នាង សុខ ទីយ៉ា ត្រូវបានអ្នកលេងបណ្តាញសង្គមរិះគន់ព្រោង ព្រាត ក្រោយពីបានឃើញអ្នកជំនួញផលិតផលសម្រស់ល្បីឈ្មោះ ម៉ាដាមដា បានបញ្ចេ ញការពិតមួយជុំវិញរឿងរ៉ាវមួយចំនួនទាក់ទងជាមួយនឹងតារាសម្តែង សុខ ទីយ៉ា ។ គួរបញ្ជាក់ថា អតីតគូស្នេហ៍ នាយចឺម ដែលត្រូវគេស្គាល់ថា អ្នកមេម៉ាយ កូនមួយ សេង សុខឃីម ដែលពេលនេះបានប្តូរឈ្មោះ សុខ ទីយ៉ា នោះ បានចូលទៅបញ្ចេញមតិនៅក្នុងសារព័ត៌មានមួយជុំវិញមូលហេតុដែល អ្នកជំនួញល្បីឈ្មោះ ម៉ាដាម ដា ជ្រើសយកតារាប្រុសស្រីថៃជា BA ឱ្យផលិតផលរបស់អ្នកស្រីដោយក្នុងនោះអតីតគូស្នេហ៍ នាយចឺម បាន ខមិនថា«ចឹងខ្មែរយើងអន់ខ្លាំងណាស់ចឹង»។ការលើកឡើងរបស់ សេង សុខឃីម ត្រូវបានអ្នកជំនួញ ម៉ាដាម ដា បកអាក្រាតរឿងមួយ ចំនួនរបស់ សុខ ទីយ៉ា ឱ្យអ្នកលេងបណ្តាញសង្គមមួយចំនួនបាន ងាកមក រិះគន់ដល់ សុខ ទីយ៉ា ស្ទើរគ្រប់គ្នា ។ ម៉ាដាម ដា បានរៀបរាប់នៅក្នុងបណ្តាញសង្គមចំៗទៅ សុខ ទីយ៉ា ថាជាតារាមែន?ព្រោះអ្នកស្រីស្គាល់នាងដោយសារ នាយចឺម ហើយ អ្នកជំនួញល្បីឈ្មោះរូបនេះបានសុំឱ្យស្រីស្អាត សុខ ទីយ៉ា ពន្យល់ ពាក្យតារាឱ្យបានច្បាស់ដល់អ្នកស្រី។លើសពីនេះទៀត ម៉ាដាម ដា បានអះអាងថា កន្លងមកអ្នកស្រីក៏ធ្លាប់ទាក់ ទង សុខ ទីយ៉ា ឱ្យធ្វើការ ប៉ុន្តែគ្រាន់តែរូបភាពបួនសន្លឹករួមនេងវីដេអូមួយស្រីស្អាត សុខ ទីយ៉ា ទារតម្លៃខ្លួនដល់ ទៅ ៥ពាន់ដុល្លារទៅ ៦ពាន់ដុល្លារដោយបញ្ជាក់ថា ក្រេឌីតនាង និង តារាដទៃខុសគ្នា ។ ការលើកឡើងជាសាធារណៈរបស់អ្នកជំនួញដ៏ល្បីនៅក្នុងបណ្តាញសង្គម ម៉ាដាម ដា ចំពោះអតីតគូស្នេហ៍ នាយចឺម ដោយចំៗបែបនេះ បានធ្វើឱ្យអ្នកលេងបណ្តាញសង្គមជាច្រើនបានបញ្ចេញមតិ វែកញែក រិះគន់ សុខ ទីយ៉ា ជាច្រើនដោយខ្លះបានលើកឡើងថា«តារាខ្មែរមិនអន់ ទេ តែចរិកមីងអន់ខ្លាំង »«ដូរឈ្មោះភ្លាមបែកភ្លាម យីហែងកើតអី » «ចរិកចឹងបាន នាយចឺមទាត់ចោលដើរខាំគេមិនរើសមុខ»«ទើសនេះ ទើសដោយសារគេអត់យកខ្លួនឯង»«ខ្ញុំក៏ស្គាល់គាត់ដោយសារ នាយ ចឺម ដែរ»«មិនបាច់ជួលទេធ្វើខ្លួនដូចតារាល្បី»«បានគេស្គាល់ច្រើន ដោយសារចំហាយ នាយចឺមហ្នឹង» ជាដើម។ ជាមួយនឹងពាក្យរិះគន់ទាំងនេះគេមិនទាន់ឃើញស្រីស្អាត សុខ ទីយ៉ា ចេញមុខប្រតិកម្មនៅឡើយទេ ។ ចុងក្រោយនេះគេសម្គាល់ឃើញ ស្រី ស្អាតរូបនេះជំពប់រឿងអាស្រូវជាបន្តបន្ទាប់៕

21 អ្នកទស្សនា 45 នាទីកន្លងទៅ

ផល ស៊ីឡុង តាំងចិត្តថា ៥ឆ្នាំទៀត នឹងក្ដាប់យកភាពល្បីល្បាញក្នុងនាមជាជើងខ្លាំងប្រចាំប្រទេសកម្ពុជា

កីឡាករវ័យក្មេងល្អក្បាច់ ផល ស៊ីឡុង ដែលបានផ្ដួល រិទ្ធ វិបុល ឲ្យសន្លប់នៅទឹកទី៤ ដោយដណ្ដើមបានប្រាក់លានចំនួន២លាន៤សែនរៀល សម្រាប់ការប្រកួតមិត្តភាពកម្ពុជា-កម្ពុជានៅលើសង្វៀន គ្រុឌគុនខ្មែរ កាលពីយប់ថ្ងៃទី២៩ ខែមករា ឆ្នាំ២០២៣ ។ ក្មួយប្រុសរបស់ ផល សោភ័ណ្ឌ ខាងលើបានឲ្យដឹងថា សម្រាប់ការប្រកួតដណ្ដើមប្រាក់លានលើកទី១ នេះគេបានហ្វឹកហាត់ពេញយ៉ាងល្អ ព្រោះតែដឹងថា រិទ្ធ វិបុល ជាកីឡាករដែលខ្លួនធ្លាប់ចាញ់កន្លងមក។ ចំណុចដែលបំបែកក្បាច់ដៃគូលើកនេះបាន ដោយសារទទួលបានការចង្អុលបង្ហាញពីលោកពូ ផល សោភ័ណ្ឌ របស់គេ ហើយគេជឿថាមិនយូរទេនឹងអាចល្បីឈ្មោះដូចពូរបស់ខ្លួន។ កីឡាករវ័យ១៨ឆ្នាំខាងលើបាននិយាយពីការប្ដេជ្ញាចិត្តរបស់ខ្លួននាពេលអនាគតថា «ខ្ញុំគិតថាខ្ញុំនៅក្មេងដែរពេលនេះ ដូច្នេះបើចង់ល្បីល្បាញ និងក្លាយជាកីឡាករប្រចាំប្រទេសបាន ខ្ញុំគិតថា អាច ៥ ឆ្នាំទៀតខ្ញុំអាចយកវាបានហើយ។ ក្ដីស្រមៃរបស់ខ្ញុំគឺល្បីបានប្រហែលពូ (ផល សោភ័ណ្ឌ ) បានហើយ ព្រោះគាត់ពេលនេះគេស្គាល់ច្រើន»។ កីឡាករដដែលបន្ថែមថា បច្ចុប្បន្នខ្លួននៅមានចំណុចខ្វះខាតច្រើនទាំងបទពិសោធ និងតិកនិកនៃការប្រកួត ព្រមទាំងកម្លាំងផងដែរ ប៉ុន្តែគេជឿថា រាល់ចំណុចខ្វះខាតទាំងនេះ នឹងអាចបំពេញវាបានក្នុងរយៈពេលណាមួយ៕

1 អ្នកទស្សនា 1 ម៉ោងកន្លងទៅ

ស្ថានីយទូរទស្សន៍ជាតិបានស្នើដល់ សាម៉ី ឲ្យពាក់ក្រមាដែរ តែកីឡាករនេះឆ្លើយដូច្នេះ

ស្ថានីយទូរទស្សន៍ជាតិកម្ពុជា ទទក បានស្នើដល់ សាម៉ី បេនចាម៉ែក ដើម្បីពាក់ក្រមានិងដាក់ទង់ជាតិថៃរបស់គេទៅតាមប្រសាសន៍របស់ថ្នាក់ដឹកនាំដែលបានណែនាំកាលពីពេលកន្លងទៅដែរ ប៉ុន្តែកីឡាកររូបនេះបានឆ្លើយថា ជាច្បាប់របស់គេគឺត្រូវតែពាក់មង្គលនេះ។ ស្ថានីយទូរទស្សន៍បានប្រាប់មកកាន់ Lee News ថា «យើងបានស្នើដល់គាត់ ( សាម៉ី ) ដើម្បីធ្វើការពាក់ក្រមា និងដាក់ទងជាតិថៃ ដើម្បីធ្វើយ៉ាងណាឲ្យស្របតាមការណែនាំរបស់ថ្នាក់ដឹកនាំ ប៉ុន្តែ សាមី គាត់បានសម្រួលថា គាត់មិនអាចមិនពាក់ មង្គល នោះបានទេ ព្រោះវាជាទំនៀមទំលាប់ និងច្បាប់របស់អ្នកហាត់ Muay Thai ។ យ៉ាងណាយើងក៏បានព្យាយាមពន្យល់ហើយពន្យល់ទៀតដែរ តែយើងមិនអាចបង្ខិតបង្ខំគាត់បាន ដូច្នេះចំណុចនេះយើងក៏យល់ស្របទៅតាមគាត់ទៅ»។ ស្ថានីយបន្ថែមថា យ៉ាងណា សាមី ក៏បានគោរពតាមគោលការណ៍របស់ស្ថានីយដែរ គឺការគោរពព្រះឆាយាល័ក្ខណ៍ ដែលតម្រូវឲ្យកីឡាករគ្រប់រូបគោរពនៅពេលឡើងប្រកួតនៅ ទទក ។ ចំណែកកីឡាករ អ៊ីរ៉ង់ ដែលប្រកួតជាមួយ កីឡាករ ឡៅ ចិត្រា វិញគឺបានពាក្យក្រមា និងដាក់ទងជាតិ អ៊ីរ៉ង់ ទៅតាមអ្វីដែលស្ថានីយបានស្នើសុំ។ គួររម្លឹកថា សម្រាប់គោលការណ៍ដែលតម្រូវឲ្យកីឡាករមុនពេលឡើងប្រកួតពាក់ ក្រមាបំពាក់ដោយទង់ជាតិរបស់ខ្លួន គឺជាច្បាប់ដែល ឯកឧត្ដម វ៉ាត់ ចំរើន អគ្គលេខាធិការនៃគណៈកម្មការជាតិអូឡាំពិកកម្ពុជាបានប្រកាសកាលពីពេលថ្មីៗ ដើម្បីបង្ហាញពីការត្រៀមខ្លួនមួយសម្រាប់ការរៀបចំក្នុងដំណើរឆ្ពោះទៅការប្រកួតស៊ីហ្គេម២០២៣ដែលកម្ពុជាធ្វើជាម្ចាស់ផ្ទះ។ ងាកមកកាន់ការប្រកួតមិត្តភាពនោះវិញ សាម៉ី និង ធារ៉ា បញ្ចប់ត្រឹមស្មើគ្នា បន្ទាប់ពីប្រកួតអត់៥ទឹកពេញ។ សម្រាប់ការប្រកាសលទ្ធផលនេះទៀតសោតខាងកីឡាករថៃ មិនបានឡាំប៉ាចំពោះការផ្ដល់ពិន្ទុនោះដែរ ដោយសិស្សរបស់ ប៊ូខាវ រូបនេះបាននិយាយថា វាជាការដាក់ពិន្ទុរបស់គុនខ្មែរ ពោលគឺគេមិនអាចប្រកែកបានឡើយ៕

5 អ្នកទស្សនា 1 ម៉ោងកន្លងទៅ

ក្រោយរងការរិះគ.ន់ ឌួង ហ្សូរីដា ពោលពាក្យយ៉ាងរំជួលចិត្ត

កម្សាន្ត៖ មហាជនអ្នកស្នេហាវិស័យបវរកញ្ញាបានតំរង់មុខព្រួញយ៉ាងជ្រៅទៅលើពិធីការិនី ឌួង ហ្សួរីដា បន្ទាប់ពីពិធីការិនីរូបនេះនិយាយកាត់មុខពិធីការិនីហ្វីលីពីន ក្នុងកម្មវិធី Miss Planet International រហូតអ្នកលេងបណ្តាញសង្គមលើកឡើងថា នាង មិនសមធ្វើពិធីការិនីបវរកញ្ញា។ ទោះយ៉ាងណា ក្រោយពីរងការរិះគន់ កញ្ញា ឌួង ហ្សូរីដាបានបង្ហោះសារថានាងសប្បាយចិត្តដែលបានធ្វើការតបស្នងគុណប្រទេសកំណើត ដើម្បីចូលរួមផ្សព្វផ្សាយ វប្បធម៌ ទេសចរណ៍ និងបរិស្ថាន។ កម្មវិធីបវរកញ្ញាឯកភពផែនដីអន្តរជាតិបានរកឃើញម្ចាស់មកុដហើយ ខណៈដែរ កម្មវិធីមួយនេះក៏រងការរិះគន់មិនធម្មតាពីអ្នកស្នេហាវិស័យបវរកញ្ញា ជាពិសេស ទៅលើពិធីការិនី ឌួង ហ្សូរីដា ព្រោះពិធីការិនីរូបនេះបែរនិយាយ កាត់ពិធីការិនី ហ្វីលីពីនមើលទៅមិនសមទាល់តែសោះ។ យ៉ាងណាមិញ ក្រោយពីមហាជនរិះគន់ចំៗ ស្រាប់តែកញ្ញា ឌួង ហ្សូរីដា បានបង្ហោះរូបភាពនិងសារយ៉ាងចាក់ដោត បើទោះជាមហាជនរិះគន់នាងក្តី។ ពិធីការិនីរូបនេះបានសរសេរថា«អ្វីដែលខ្ញុំសប្បាយចិត្តនោះគឺខ្ញុំបានធ្វើការងារតបស្នងសងគុណប្រទេសកំណើតរបស់ខ្ញុំវិញ ដោយយកបេះដូង និង ការបរិច្ចាគពេលវេលា សំលៀកបំពាក់ផ្ទាល់ខ្លួន ដើម្បីចូលរួមផ្សព្វផ្សាយ វប្បធម៌ ទេសចរណ៍ និង បរិស្ថាន ពីប្រទេសកម្ពុជាឱ្យកូនខ្មែរជំនាន់ក្រោយបានយល់ដឹងពីវប្បធម៌នៃការចែករំលែក ជួយគ្នា និង គាំទ្រនូវអ្វីជាស្នាដៃកូនខ្មែរអ្នករៀបចំ និង បង្កើតឡើង ពីកម្មវិធី Miss Planet International ដែលមានស្ថាបនិកជាអ្នកបង្កើតកម្មវិធីនេះជាជនជាតិខ្មែរ ផ្សព្វផ្សាយទៅកាន់ពិភពលោក»។ កញ្ញា ហ្សូរីដា បន្តទៀតថា «អរគុណគណៈធិបតី ភ្ញៀវកិត្តយស នៃកម្មវិធី Miss Planet International 2023 បានចូលរួមបរិច្ចាគ និង ឧបត្ថម្ភជាបន្តបន្ទាប់មកកម្មវិធីតាមរយៈការអំពាវនាវរបស់អ្នករៀបចំកម្មវិធី តាមរយៈនាងខ្ញុំជាពិធីការនី អរគុណនូវទឹកចិត្តប្អូនៗរាប់ពាន់នាក់ដែលជា Fan ទៅចូលរួមគាំទ្ររហូតដល់ចប់ហើយ ចូលរួមបរិច្ចាគកម្មវិធីជាបន្តបន្ទាប់ទៀត 1$ មិនច្រើនទេ តែនេះជាទឹកចិត្តខ្មែរ ជួយខ្មែរ ,ខ្មែរ ស្រឡាញ់ ខ្មែរ , ខ្មែរ គាំទ្រ អ្វីជាស្នាដៃខ្មែរ ជាពិសេសសូមអរគុណបណ្តាលក្រុមហ៊ុនចូលរួមឧបត្ថម្ភ និង ក្រុមការងាររៀបចំដោយស្មគ្រ័ចិត្តជួយគ្រប់ផ្នែកទាំងអស់មានតែពាក្យថាអរគុណចំពោះអ្នកទាំងអស់គ្នាដែលជាខ្មែរ មានបេះដូងខ្មែរ ស្រឡាញ់ជាតិខ្មែរ អរគុណសន្តិភាព»។ គួរបញ្ជាក់ផងដែរថា Miss Planet International 2023 បានទៅលើបវរកញ្ញាមកពីប្រទេសហ្វីលីពីន ចំណែកលំដាប់រងទី១ បានទៅលើបវរកញ្ញាមកពីហ្ស៊ីមបាវ៉េ (Zimbabwe) និងលំដាប់រងទី២ បានទៅលើបវរកញ្ញាមកពី ជប៉ុន ៕

138 អ្នកទស្សនា 3 ម៉ោងកន្លងទៅ

ចប់បាត់! ឌួង ហ្សូរីដា ត្រូវមហាជនរិះគ.ន់ មិនសមធ្វើជាពិធីការិនីបវរកញ្ញា ព្រោះមិនយល់ច្បាស់ពីការងារនេះ...

កម្សាន្ត៖ ទន្ទឹមនឹងកម្មវិធី Miss Planet International 2023 រកឃើញម្ចាស់ជ័យលាភី កាលពីយប់មិញនេះបានទៅលើប្រទេស ហ្វីលីពីន មហាជនបានរិះគន់ ការរៀបចំកម្មវិធីខាងលើធ្វើមិនទាន់បានល្អត្រូវបន្តសិក្សាបន្ថែមទៀត។ ខណៈមហាជនក៏បានលើកឡើងពីពិធីការិនីកញ្ញា ឌួង ហ្សូរីដា ថាមិនសមធ្វើជាពិធីការិនីក្នុងកម្មវិធីបវរកញ្ញា ព្រោះមិនយល់ពីវិស័យបវរកញ្ញាបន្ទាប់ពីពិធីការិនីរូបនេះនិយាយកាត់ពិធីការិនីខាងហ្វីលីពីនទាំងពាក់កណ្តាលទី។ នៅរាត្រីថ្ងៃទី២៩ ខែមករា កម្មវិធី Miss Planet International 2023 បវរកញ្ញា ឯកភពផែនដីអន្តរជាតិ ក្នុងវគ្គផ្តាច់ព្រ័ត្របានរៀបចំឡើង នៅសាលមហោស្រពកោះពេជ្រ រាជធានីភ្នំពេញ ដោយបានរកឃើញម្ចាស់មកុដហើយគឺបានទៅលើបេក្ខនារីមកពីប្រទេសហ្វីលីពីន កញ្ញា Maria Luisa ខណៈបវរកញ្ញាតំណាងកម្ពុជាកញ្ញា ពក ស្រីល័ក្ខ បានជាប់លំដាប់រងទី៦ និងបានឈ្នះពានឈុតតំណាងជាតិ។ ដ្បិតថាកម្មវិធី បវរកញ្ញា ឯកភពផែនដីអន្តរជាតិ បានរកឃើញម្ចាស់ជ័យលាភីឯកក្តីប៉ុន្តែកម្មវិធីនេះក៏ត្រូវមហាជនរិះគន់ដូចគ្នា ក្នុងនោះពិធីការិនីជើងចាស់ កញ្ញា ឌួង ហ្សូរីដា ក៏ត្រូវមហាជនរិះគន់ចំៗដូចគ្នាថាកញ្ញាមិនសមធ្វើជាពិធីការិនីបវកញ្ញា ព្រោះមិនយល់ពីការរៀបចំក្នុងវិស័យនេះ។ មហាជនបានលើកឡើងថា អ្នករៀបចំកម្មវិធីគួររៀបចំបច្ចេកទេសសាកល្បងជាមុនសិន មុននឹងឈានដល់ការ Live ក្នុងថ្ងៃផ្តាច់ព្រ័ត្របូកជាមួយបច្ចេកទេសកាត់តដូចគ្នា ព្រោះការចាប់ប្លង់ពេលផ្សាយផ្ទាល់គឺមិនបានល្អ។ រីឯភ្លេង Background ទៀតសោតពិបាកនឹងទទួលយកព្រោះមិនត្រូវស្តង់ដាបវរកញ្ញាយកភ្លេងនៅក្នុងហ្គេមមក remix ទៅវិញ។ បន្ថែមពីនេះ មហាជនក៏បានរិះគន់ទៅលើកញ្ញា ឌួង ហ្សូរីដា ជា ពិធីការិនីក្នុងកម្មវិធីខាងលើនេះដូចគ្នា ជាពិធីការិនីយូរឆ្នាំមកហើយបែរជានិយាយកាត់ពិធីការិនីហ្វីលីពីន ពាក់កណ្តាលទី រហូតមហាជនលើកឡើងទៀតថា ឌួង ហ្សូរីដា មិនសមធ្វើជាពិធីការិនីក្នុងកម្មវិធីបវរកញ្ញា ព្រោះនាងមិនយល់ពីវិស័យបវរកញ្ញា។ អ្នកលេងបណ្តាញសង្គមបានលើកឡើងថា «ឆ្ងល់គាត់ធ្វើពិធីការិនីជើងចាស់ដែរតែមិចគាត់ធ្វើចឹង បើដូរគាត់មកជាបងនីតា ប៉ុស្តិបាយ័នវិញដឹងអេមហ្មង» , និយាយលើសដែនកំណត់» «ហួសចិត្ត» «ហ្សូរីដា មានទម្លាប់មិនល្អមួយគឺនិយាយកាត់គេរហូតគ្រប់កម្មវិធី» «យ៉ាប់ណាស់និយាយកាត់គេ» «កំពូលពិធីការិនី» «សូមទោសផងសំរាប់ការរិះគន់ តែវាជាការពិតខ្ញុំមិនដែលឃើញកម្មវិធីប្រលងបវរកញ្ញាលំដាប់ពិភពលោក គេនិយាយរឿងក្រៅការប្រលងទេ ។ តារាចម្រៀង ដើរនិយាយជាមួយគ្រប់បវកញ្ញា» «អុញ ហួសចិត្តណាស់គាត់ធ្វើពិធីការិនីយូរហើយម៉េចបានធ្វើចឹង» ៕

148 អ្នកទស្សនា 4 ម៉ោងកន្លងទៅ

ជោគជ័យណាស់! កម្ពុជា ឈ្នះមេដាយមាសលើសការរំពឹងទុកនៅអាស៊ានប៉ារ៉ាហ្គេមលើកទី១១

សូមបញ្ចេញមតិនៅទីនេះ បោះបង់ការឆ្លើយតប

សូមបញ្ចេញមតិនៅទីនេះ