×

សាសនិកឥស្លាម ផ្ទុះការមិនពេញចិត្តវីដេអូក្រៅឆាក ឆន សុវណ្ណរាជ បន្ទាប់ពីយកប្រពៃណី សាសនា គេមកលេងសើច 

នាពេលថ្មីៗនេះនៅលើបណ្តាញសង្គម មានភាពក្តៅដូចបាយពុះ បន្ទាប់ពីបែកធ្លាយវីដេអូ ក្រៅឆាក ក្នុងបទចម្រៀងរបស់តារាចម្រៀងប្រចាំផលិតកម្មរស្មីហង្សមាស លោក ឆន សុវណ្ណរាជ ដែលមានតារាកំប្លែង នាយកុយ និង នាយក្រឹម រាំអមសង ខាង លោក ឆន សុវណ្ណរាជ ដោយបានស្លៀកពាក់អាវវែង ចងក្បាល ធ្វើឱ្យអ្នកកាន់ សាសនាឥស្លាមផ្ទុះការមិនពេញចិត្តយ៉ាងខ្លាំង ដោយសាសនិក ឥស្លាមស្នើ ដល់ ក្រសួងពាក់ព័ន្ធ ឱ្យជួយពិនិត្យលើរឿងនេះ ព្រោះវីដេអូចម្រៀងនេះបានយកសាសនា អ្នកដទៃ មកលេងសើច។

ដូចមហាជនជ្រាបមកហើយថា រយៈពេលចុងក្រោយនេះតារាចម្រៀង ឆន សុវណ្ណរាជ ហាក់មានយីអ៊ុនដាក់យ៉ាងខ្លាំង ត្រូវមហាជន រិះគន់មិនសំចៃ តាំងពីដាក់ពិន្ទុ ឱ្យអតីតបេក្ខជន ទុំ សុវត្ថិ ធ្លាក់ក្នុងកម្មវិធី Cambodian Idol រួចមក ក៏កើតមានរឿងមិន ចេះចប់ រហូតថ្មីៗនេះស្រាប់តែមកផ្ទុះរឿងអាស្រូវមួយទៀត លោកត្រូវរងការរិះគន់ និងមិនពេញចិត្តយ៉ាងខ្លាំង ពីសំណាក់បងប្អូនអ្នកកាន់សាសនាឥស្លាម ក្រោយពីបែកធ្លាយ វីដេអូក្រៅឆាក របស់តារាចម្រៀងរូបនេះបានយក សាសនា ឥស្លាម មកលេង សើចរាំរែក ក្នុងបទចម្រៀង ធ្វើឱ្យប៉ះពាល់ដល់សេចក្តីថ្លៃថ្នូររបស់សាសនាមួយនេះ។

ក្រោយពីមហាជនសាសនិកឥស្លាម បានវាយប្រហាររិះគន់ខ្លាំងៗ និងមានប្រតិកម្មមិនពេញ ចិត្ត ទៅលើលោក ឆន សុវណ្ណរាជ តារាចម្រៀងរូបនេះក៏បាន ខំមិនសូមទោសចំពោះ កំហុសដោយអចេតនា នឹងបានឱ្យខាងផលិតកម្មហង្សមាសកែសម្រួលមើលរឿងនេះឡើងវិញ។

លោក ឆន សុវណ្ណរាជ បានចូលទៅខំមិនឆ្លើយតបចំពោះមតិរិះគន់ថា «ខាងក្រុមហ៊ុននឹងអ្នកដឹកអ្នកសំដែងមិនបានដឹង អូន គិតថាជាសំលៀកបំពាក់ របស់ប្រទេស អារ៉ាប់ ខាងក្រុមហ៊ុននឹងកែសម្រួលណាអូន សុំទោសផង សុំទោសកំហុសខុសឆ្គងយល់ច្រឡំ មួយចំនួនកើតឡើងដោយអចេតនា ខាងបង នឹងកែសម្រួល យើងសុទ្ធតែខ្មែរមួយទេអូន»

គួរបញ្ជាក់ថា មិនត្រឹមតែ ឆន សុវណ្ណរាជ ត្រូវអ្នកកាន់សាសនាឥស្លាម ផ្ទុះការមិនពេញចិត្តនោះទេ ប៉ុន្តែកន្លងមកក៏មានអ្នកសិល្បៈមួយចំនួនក៏ត្រូវសាសនិកឥស្លាម មិនពេញចិត្តដូចគ្នា ដែលបានយកប្រពៃណី ទំនៀមទម្លាប់ សាសនាឥស្លាម យកមកសម្តែង ប្រាសចាកពីការគោរពរបស់ជនជាតិឥស្លាម៕

សូមបញ្ចេញមតិនៅទីនេះ




សូមគោរពទៅតាម គោលការណ៍មួយនេះ


អត្ថបទទាក់ទង

បញ្ចេ-ញសា.ច់សខ្ចីល្វែងក្រោម ស្រីស្រស់ ហ្វា ហ្វា ពោលពាក្យបែបនេះភ្លាម...

កម្សាន្ត៖ ស្រីស្រស់ ហ្វា ហ្វា កាន់តែត្រូវប៉ាន់ទីផ្សារយ៉ាងខ្លាំងទាំងការសម្តែងរឿង ជាអ្នកតំណាងផលិតផល និងកាន់ទទួលបានការចាប់អារម្មណ៍ខ្លាំងថែមទៀត ក្រោយ នាងសម្តែងក្នុងរឿង១៨បូកបានផ្ទុះកក្រើកកាលពីកន្លងទៅនេះ។ ដ្បិតនិយមលេង ស្ទីលស៊ិចស៊ីបញ្ចេញដងខ្លួន និងដើមទ្រូងទ្រលុកទ្រលុនក៏ពិតមែនតែ ស្រីស្រស់ ហ្វា ហ្វា បានបញ្ចេញសំណេរនៅលើបណ្តាញសង្គមថា «កុំវាយតម្លៃមនុស្សត្រឹមការស្លៀកពាក់»។ គេចាំបានថា កាលពីពេលកន្លងទៅ តារាសម្តែង ហ្វា ហ្វា ទទួលបានមតិរិះ គន់ពី អ្នកលេងបណ្តាញសង្គមក្តី បន្ទាប់ពីរឿងស្នេហាល្ងង់ ល្ងង់ បានផ្ទុះកក្រើកម្តងទៀត។ ទន្ទឹមនឹងការរិះគន់ក្តី ប៉ុន្តែក៏មានអ្នកគាំទ្រ បានពោលសរសើរដល់ស្រីស្រស់ ហ្វា ហ្វា ដែលក្លាហានហ៊ានសម្តែងរឿងនេះ ព្រមទាំងមានទេពកោសល្យខ្ពស់ ដាក់អារម្មណ៍ខ្លាំងក្នុងការសម្តែង។ យ៉ាងណាមិញ ចាប់តាំងពីល្បីរឿងខាងលើនេះតារាស្រីនិយមលេងខ្លួនស៊ិចស៊ីរូបនេះ កាន់តែឡើងកូដមួយកម្រិតទៀត និងទទួលបានការងារជាហូរហែ ជាពិសេស ហ្វាហ្វា កាន់តែបង្ហាញខ្លួនបញ្ចេញសាច់សខ្ចី ទាក់ភ្នែកមិនធម្មតា ហើយដងខ្លួនរបស់នាងទៀតសោតគឺស្រស់ស្អាតមានរូបរាងស្រឡូនទទួលបានការសរសើរពីអ្នកគាំទ្រមិនដាច់ពីមាត់។ ជាក់ស្តែង ថ្មីៗនេះ ហ្វាហ្វា បានស្លៀកពាក់ក្នុងឈុតរ៉ូបរាត្រីស្រមោលសរ បញ្ចេញល្វែងក្រោមយ៉ាងស្រស់ស្អាតចូលរួមកម្មវិធីមួយ រហូតអ្នកគាំទ្រលើកទឹកចិត្តនាងឱ្យចូលរួមប្រកួតក្នុងកម្មវិធីបវរកញ្ញាទៀតផង។ ដ្បិតថា ហ្វា ហ្វា និយមស្លៀកពាក់បញ្ចេញសាច់សខ្ចីក្តី តារាស្រីរូបនេះក៏បានលើកឡើងច្បាស់ៗនៅលើបណ្តាញសង្គមផងដែរថា «សូមកុំវាយតម្លៃត្រឹមការស្លៀកពាក់ ទាំងដែលមិនដែលបានជួបគេហើយស្គាល់ចរឹក របស់គេដោយក្តីគោរពចំពោះពុកម៉ែបងប្អូន»។ ការលើកឡើងរបស់ ហ្វាហ្វា បែបនេះក៏អ្នកលេងបណ្តាញសង្គមជាច្រើនបង្ហាញការយល់ស្របនូវការលើកឡើង ខាងលើផងដែរ។ គួរបញ្ជាក់ផងដែរថា បច្ចុប្បន្នស្រីស្រស់ ហ្វា ហ្វា ពុំមានម្ចាស់បេះដូងនៅឡើយទេ បន្ទាប់ពីនាងបែកគូស្នេហ៍នៅអាម៉េរិក ក្រោយល្បីក្នុងរឿងឈុត១៨បូក ទោះបីជាមានប្រុសៗប្រជែងគ្នាចង់បាននាងជាគូគ្រងក្តី ដោយនាងសុំគិតរឿងការងារជាសំខាន់វិញ៕
ព្រហស្បតិ៍ , 02 កុម្ភៈ 2023 9 អ្នកទស្សនា 4 ម៉ោងកន្លងទៅ

តារាចម្រៀង គង់ ច័ន្ទរដ្ឋា មិនជ្រើសយកការរួម.រស់ដោយគ្មានចំ.ណងអា-ពាហ៍ពិ-ពាហ៍

កម្សាន្ត៖ សម្រាប់ឆ្នាំ ២០២៣នេះគេសង្កេតឃើញតារាចម្រៀង គង់ ចន័្ទរដ្ឋា កាន់តែមានទីផ្សារការងារផ្ទុះខ្លាំងមិនថាការច្រៀងឬថតរឿងខ្នាតធំនោះឡើយ ។ប៉ុន្តែយ៉ាងណាស្រីស្អាតរូបនេះប្រាប់ថាមិនភ្លេចរឿងរៀបការទេអាចនឹងលេចរូបរាងនៅក្នុងពេលឆាប់ៗនេះ ។ ការងារកាន់តែរលូនបើសម្រាប់រឿងស្នេហារបស់តារាចម្រៀងរូបនេះក៏កាន់តែស្អិតរមួត ក្រោយពួកគេបានភ្ជាប់ពាក្យជាយូរឆ្នាំ ជាមួយមន្រ្ដីប៉ូលិសចរាចរណ៍រូបសង្ហា និងជាតារាចម្រៀងប្រចាំក្រុម Twin Boys លោក ស៊ិន សុភា។ទោះជាតារាជាច្រើនបានសម្រេចរួមរស់ជាមួយគ្នាដោយមិនរៀបការក្តី តែ តារាចម្រៀង គង់ ចាន់រដ្ឋា បានប្រាប់ថានាងមិនភ្លេចរឿងរៀបការទេគ្រាន់តែសព្វថ្ងៃរវល់ទាំងសងខាង អត់ទាន់មានពេលវេលាដកឃ្លាគិតគូរឿងរៀបការ តែក៏មិនទុកយូរដែរអាចនឹងធ្វើឡើងក្នុងពេលឆាប់ៗខាងមុខនេះ។ព្រោះនាងមិនចង់រួមរស់ជាមួយគ្នាដោយគ្មានចំណងអាពាហ៍ពិពាហ៍ឡើយ។ ខណៈតារាចម្រៀងមួយចំនួនហាក់មិនសូវមានបទផ្ទុះខ្លាំងនោះ តែបើគេក្រឡេកមើលតារាចម្រៀង គង់ ច័ន្ទរដ្ឋា បែរជាមានបទចម្រៀងផ្ទុះជាបន្តបន្ទាប់ដែលមានដូចជា«មូសខាំ« «កេស»និង បទ «អរគុណអ្នកចាស់ » ជាដើម។ប៉ុន្មានបទខាងលើនេះទទួលបានការពេញចិត្ត និងមានការចែករំលែកយ៉ាងព្រោងព្រាតដោយអ្នកគាំទ្រខ្លះបានយកទៅរាំត្រាប់តាមដោយការបញ្ចេញស្ទីលប្លែកៗគ្នាពីសំណាក់បណ្តារអ្នកលេងនៅតាមTik Tokជាដើម ។ គង់ ច័ន្ទរដ្ឋា បានបង្ហាញអារម្មណ៍រំភើបនិងអរគុណដល់មហាជនដែលបានគាំទ្រនូវបទចម្រៀងនឹងឱ្យតម្លៃនូវស្នាដៃផលិតបទចម្រៀង Original Songរបស់ក្រុមខ្លួន ។ ចាត់ទុកជាឆ្នាំហេងព្រោះក្រៅពីមានបទចម្រៀងផ្ទុះជាហូរហែរស្រីស្អាត គង់ ចាន់រដ្ឋា ក៏ត្រូវបានផលិតករដ៏ល្បី ហ្វៃ សំអាង ផ្តល់ឱកាសឱ្យនាងសម្តែងនៅក្នុងរឿងភាគខ្នាតធំ «អប្សរាមហាអង្គរ»ដែលមានការចូលរួមសម្តែងពីសំណាក់តួអង្គល្បីៗចាស់ក្មេងជាច្រើនជំនាន់។ជួបជាមួយLee News គង់ ចាន់រដ្ឋា បាននិយាយថានាងពិតជាមានអារម្មណ៍រីករាយជាខ្លាំងដោយបានចូលរួមសម្តែងរឿងភាគបុរាណបែបនេះជាលើកដំបូងហើយសន្យានឹងព្យាយាមប្រឹងប្រែងឱ្យអស់ពីសមត្ថភាព ។ បើតាមគម្រោងរឿងភាគខ្នាតធំមួយនេះនឹងដំណើរការថតនៅក្នុងខែកុម្ភៈនេះតែម្តងហើយសព្វថ្ងៃនាងក៏កំពុងចំណាយពេលហាត់រាំរបាំដើម្បីចូលរួមសម្តែងរឿងភាគមួយនេះ។«សម្រាប់ខ្ញុំការថតរឿងបុរាណជាលើកទីមួយ តែសម្រាប់ការថតរឿងសម័យជាលើកទីបួនហើយ។ និយាយទៅរីករាយខ្លាំងព្រោះមិននឹកស្មានថាខ្លួនអាចមានឱកាសបានសម្តែងរឿងខ្នាតធំជាមួយតារាល្បីៗរៀមច្បងជាច្រើន »។ទាំងនេះជាការលើកឡើងរបស់តារាចម្រៀង គង់ ចាន់រដ្ឋា ៕
ព្រហស្បតិ៍ , 02 កុម្ភៈ 2023 10 អ្នកទស្សនា 6 ម៉ោងកន្លងទៅ

កម្មវិធីតន្ត្រី «Icy Cool Concert» ផ្តល់ឳកាសដល់អ្នកមានទេពកោសល្យខាងចម្រៀង បានច្រៀងរួមជាមួយកំពូលតារាល្បីៗប្រចាំប្រទេស

«Icy Cool Concert» ជាកម្មវិធីតន្ត្រីថ្មីសន្លាងរបស់ស្ថានីយទូរទស្សន៍ ភីអិនអិន ដែលនឹងចាប់ផ្តើមប្រគំជូនទស្សនិកជន ដើម្បីទស្សនា នៅរៀងរាល់ថ្ងៃ សុក្រ ចាប់ពីវេលាម៉ោង ១១ ព្រឹកដល់ម៉ោង ១ ថ្ងៃត្រង់។ កម្មវិធីតន្ត្រីថ្មីសន្លាងមួយនេះ បាននាំអារម្មណ៍អ្នកគាំទ្រកាន់តែសប្បាយរីករាយតាមរយៈ ការជួបជាមួយកំពូលតារាចម្រៀងល្បីៗប្រចាំប្រទេស ប្លែកអារម្មណ៍ និងសើចចុកពោះជាមួយវត្តមានរបស់តារាកំប្លែងល្បីៗ ព្រមទាំងមានការលេងហ្គេមសប្បាយៗជារៀងរាល់សប្តាហ៍។ លើសពីការប្រគំតន្ត្រី «Icy Cool Concert» ពិតជាអស្ចារ្យ មិនត្រឹមតែបានជួបជាមួយតារាក្នុងដួងចិត្តប៉ុណ្ណោះទេ ថែមទាំងផ្តល់ឳកាសជាច្រើនដល់អ្នកមានទេពកោសល្យជាច្រើនរូបបានបង្ហាញសមត្ថភាព។ ប្រិយមិត្តដែលមានទេពកោសល្យខាងចម្រៀង នឹងមានឳកាសច្រៀងរួមជាមួយ Idol របស់ខ្លួនតាមរយៈការដាក់ពាក្យ ដោយផ្ញើជាវីឌីអូចម្រៀងរបស់ខ្លួនមកក្នុងផេកផ្លូវការ PNN-TV Cambodia។   នៅរៀងរាល់ខែ ក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី Icy Cool Concert ជាមួយ Idol ក្នុងដួងចិត្ត។ សូមរងចាំទស្សនា កម្មវិធីតន្ត្រីដ៏ប្លែកភ្នែក ប្លែកអារម្មណ៍ «Icy Cool Concert» ដែលមានផ្សាយជូនទស្សនានៅថ្ងៃ សុក្រ ទី ០៣ ខែ កុម្ភៈ ចាប់ពីវេលាម៉ោង ១១ ព្រឹកដល់ម៉ោង ១ ថ្ងៃត្រង់៕
ព្រហស្បតិ៍ , 02 កុម្ភៈ 2023 52 អ្នកទស្សនា 8 ម៉ោងកន្លងទៅ

លោកស្រី អ៊ឹម សុគន្ធា ប្តេ.ជ្ញារៀបចំកម្មវិធី Miss Grand Cambodia 2023 ឱ្យបានល្អ ខណៈចុះកុងត្រាទទួលសិ-ទិ្ធរៀបចំរយៈពេល១ឆ្នាំប៉ុណ្ណោះ

កម្សាន្ត៖ លោកស្រី អ៊ឹម សុគន្ធា ដែលជា CEO ផលិតផល HK7 ពេលនេះបានក្លាយ ជាអ្នករៀបចំកម្មវិធី Miss Grand Cambodia 2023 ជាផ្លូវការហើយ បន្ទាប់ពី លោក អ៊ិន សុភិន ជាអ្នករៀបចំកម្មវិធីឆ្នាំចាស់។ បន្ទាប់ពីក្លាយជាអ្នករៀបចំ កម្មវិធីបវរកញ្ញា Miss Grand Cambodia 2023 អតីតតារាសម្តែងខាងលើនេះ បានប្តេជ្ញាបំពេញតួនាទីរបស់ខ្លួនឱ្យបានល្អ និងនាំយកទង់ជាតិកម្ពុជាបង្ហាញនៅ លើឆាកអន្តរជាតិតាមរយៈវិស័យបវរកញ្ញា។ ខណៈក្នុងការចុះកុងត្រា ទទួលសិទ្ធិ រៀបចំកម្មវិធីបវរកញ្ញានៅក្នុងប្រទេសកម្ពុជា លោកស្រី អ៊ឹម សុគន្ធា ចុះកិច្ចសន្យា ត្រឹមរយៈពេល១ឆ្នាំប៉ុណ្ណោះ។ មហាជនមួយភាគធំបានជ្រាបមកហើយថា លោក អ៊ិន សុភិន បានសម្រេចចិត្ត មិនបន្តរៀបចំកម្មវិធី Miss Grand Cambodia ទៀតឡើយដោយលោក បានលើកឡើងហេតុផលថា នឿយហត់ ចង់សម្រាកពីវិស័យនេះ ដោយលោក អ៊ឹម សុគន្ធា គឺជាអ្នករៀបចំបន្តក្នុងឆ្នាំ២០២៣។ ជាមួយគ្នានេះ កាលពីថ្ងៃទី១ ខែកុម្ភៈ ម្សិលមិញអតីតតារាសម្តែង អ៊ឹម សុគន្ធា បានចុះកុងត្រាទទួលសិទ្ធិរៀបចំកម្មវិធី Miss Grand Cambodia 2023 ជាផ្លូវការហើយ ជាមួយលោក ណាវ៉ាត់ អ្នករៀបចំកម្មវិធី Miss Grand International ព្រមទាំងមានវត្តមានម្ចាស់មកុដឆ្នាំ២០២២ មកចូលរួមផងដែរ។ ទន្ទឹមនឹងក្លាយជាអ្នករៀបចំកម្មវិធីបវរកញ្ញាថ្មី លោកស្រី អ៊ឹម សុគន្ធា បានបង្ហោះ សារតាំងចិត្តយ៉ាងខ្ពស់ដោយសន្យាថានឹងធ្វើតួនាទីឱ្យបានល្អក្នុងការលើក យកទង់ជាតិទៅបង្ហាញនៅលើឆាកអន្តរជាតិតាមរយៈ វិស័យបរវកញ្ញា។ ការប្តេជ្ញាចិត្ត និងក្លាយជាអ្នករៀបចំកម្មវិធីថ្មីនេះ មហាជនអ្នកស្នេហាវិស័យ បវរកញ្ញាពេញ ចិត្តយ៉ាងខ្លាំងថាអតីតតារាសម្តែងរូបនេះនឹង ធ្វើឱ្យកម្មវិធីបវរកញ្ញា មួយនេះលេចធ្លោកាន់តែខ្លាំងនៅលើឆាកអន្តរជាតិ ដើម្បីឱ្យជាតិសាសន៍ដទៃ ស្គាល់ពីព្រះរាជាណាចក្រកម្ពុជាកាន់តែខ្លាំង។ គួរបញ្ជាក់ផងដែរថា ក្នុងសិន្និសិទ្ធចុះកិច្ចសន្យាក្នុងការធ្វើជាអ្នកគ្រប់គ្រងថ្មីសម្រាប់ កម្មវិធី Miss Grand Cambodia 2023 លោកស្រី អ៊ឹម សុគន្ធា ចុះកុងត្រាធ្វើ ការងារនេះត្រឹមតែមួយឆ្នាំប៉ុណ្ណោះ ខណៈនឹងចាប់ផ្តើមទទួលពាក្យចូលរួមប្រកួត ចាប់ពីខែមីនា ឆ្នាំ ២០២៣ខាងមុខនេះតទៅ៕
ព្រហស្បតិ៍ , 02 កុម្ភៈ 2023 134 អ្នកទស្សនា 10 ម៉ោងកន្លងទៅ

អតីតទេពធីតាសង្រ្កាន្ត សុខគា គឹមលាង បង្ហា.ញទស្ស.នៈបែបនេះក្រោយល្បីស្វាមីតារាស្រីថៃ ជម្ពូ មានស្រី-ក្មេង

កម្សាន្ត៖ ក្រោយផ្ទុះការចចាមអារ៉ាមពាសពេញបណ្តាញសង្គមរឿងស្វាមីតារាសម្តែងថៃដ៏ល្បី ជម្ពូ មានស្រីកំណាន់នោះស្រាប់តែតារាសម្តែងនិងជាអតីតទេពធីតាសង្ក្រាន្តឆ្នាំ ២០១៨ សុខគា គឹមលាង បានលើកឡើងថាប្រឹងតែងខ្លួនរកស៊ីខ្ជិលយក កម្មជាមួយបុរសៗ។ ការលើកឡើងរបស់ស្រីស្អាតរូបនេះក៏ទទួលបានការពេញ ចិត្តពីសំណាក់អ្នកលេងបណ្តាញសង្គមជានារីៗផងដែរ ។ ជឿជាក់ថាអ្នកលេងបណ្តាញសង្គមពិតជានៅចាំបានអតីតទេពធីតាសង្រ្កាន្តឆ្នាំ ២០១៨ សុខគា គឹមលាង ដែលមានសម្រស់ស្រស់ផូរផង់ពីធម្មជាតិដែលពេល នេះកញ្ញាក៏កំពុងមានហាងឆេងខ្ពស់នៅក្នុងអាជីពសិល្បៈជាពិសេសការថតស្ប៉តពាណិជ្ជកម្មនានា ។ អ្វីដែលចាប់អារម្មណ៍ខណៈផ្ទុះរឿងស្វាមីតារាស្រី ជម្ពូ មានទំនាក់ទំនងជាមួយស្រីក្មេងជាសិស្សសាលានោះស្រាប់តែស្រីស្អាត សុខគា គឹមលាង លើកឡើងថាទាំងនេះដែលធ្វើឱ្យនាងកាន់តែស្រឡាញ់ខ្លួនឯងតែង ខ្លួននិងប្រឹងរកស៊ីមិនខ្វាយខ្វល់យកកម្មជាមួយបុរសៗ ។សម្តីចាក់ដោតរបស់ ស្រី ស្អាត សុខគា គឹមលាង ធ្វើឱ្យអ្នកគាំទ្រជានារីពេញចិត្តស្តូក តែក៏មានបុរសមួយចំនួនលើកឡើងប្រុសៗមិនដូចគ្នាទាំងអស់ទេអាយដល គ្រាន់តែមិនទាន់បានជួបប៉ុណ្ណាះ។ មិនត្រឹមជាតារាសម្តែងប៉ុណ្ណាះទេ ស្រីស្អាត សុខគា គឹមលាង ក៏ត្រូវគេស្គាល់ ថាជានាដការីរបាំដែលមានសមត្ថភាពម្នាក់ដែលសព្វថ្ងៃកញ្ញាក៏បានបញ្ចប់ការសិក្សានៅសាកលវិទ្យាល័យភូមិន្ទវិចិត្រសិល្បៈផ្នែករបាំបុរាណផងដែរ។ស្ថិតក្នុងវ័យ ២៣ ឆ្នាំនឹងមានរូបរាងខ្ពស់ស្រឡះដល់ទៅ ១ម៉ែត្រ ៧០នោះស្រីស្រស់ សុខគា គឹមលាង ក៏ត្រូវបានអ្នកគាំទ្រជាច្រើនបានជម្រុញឱ្យកញ្ញាចូលរួម ប្រកួតនៅក្នុងកម្មវិធី Miss Grand Cambodia 2023 នេះ។ មានការលើក ឡើងថា សុខគា គឹមលាង អាចនឹងមានឱកាសតំណាងប្រទេសកម្ពុជា ឈានទៅប្រកួតនៅលើឆាកអន្តរជាតិព្រោះកញ្ញាមានទាំងសម្រស់និងសមត្ថ ភាពទាំងព្រមតែម្តង ៕
ព្រហស្បតិ៍ , 02 កុម្ភៈ 2023 139 អ្នកទស្សនា 12 ម៉ោងកន្លងទៅ

អត្ថបទពេញនិយម

អត្ថបទថ្មី