លោកជា ពៅ ៖ អត្តពលិកវាយកូនបាល់កម្ពុជាមាន វិន័យ បច្ចេកទេស និងគុណភាព ទើបអាចអោយចេញប្រកួតតំណាងជាតិ

ភ្នំពេញ ៖ អត្តពលិកវាយកូនបាល់កម្ពុជាមាន វិន័យ បច្ចេកទេស និងគុណភាព ទើបអាចអោយចេញប្រកួតតំណាងជាតិ ។ នេះបើតាមការបញ្ជាក់របស់លោកជា ពៅ អគ្គលេខាធិការរងសហព័ន្ធកីឡាវាយកូនបាល់កម្ពុជា ក្រោយបញ្ចប់ការប្រកួតកីឡាវាយកូនបាល់ជ្រើសរើសជើងឯកថ្នាក់ជាតិ ឆ្នាំ២០២២ ។

ដែលពិធីបិទការប្រកួតមានការអញ្ជើញជាអធិបតីភាព ពីសំណាក់ឯកឧត្តម ផូ ផារិទ្ធ រដ្ឋលេខាធិការក្រសួងក្រសួងអភិវឌ្ឍន៍ជនបទ និងលោក ទេព រិទ្ធី វិទ្ធ អគ្គលេខាធិការ សហ័ន្ធកីឡាវាយកូនបាល់កម្ពុជា និងតំណាងក្រសួងអប់រំ នៅពហុកីឡដ្ឋានអូឡាំពិក នារសៀលថ្ងៃទី២២ ខែធ្នូ ឆ្នាំ២០២២ ។
លោកជា ពៅ អគ្គលេខាធិការរង និងជាអនុគណៈកម្មការរៀបចំការប្រកួត បានអោយដឹងថា ការប្រកួតកីឡាវាយកូនបាល់ជ្រើសរើសជើងឯកថ្នាក់ជាតិ ប្រចាំឆ្នាំ២០២២នេះ ជាការសម្រួច និងពិនិត្យមើលសមត្ថភាពអត្តពលិក ដើម្បីត្រៀមឆ្ពោះទៅការប្រកួតនាឆ្នាំ២០២៣ ដែលកាន់តែខិតជិតមកដល់ នាពេលឆាប់ៗខាងមុខនេះ ។ លោកជា ពៅ បន្តថា បើតាមសង្កេតមើលជាក់ស្តែង អត្តពលិកដែលមកពីក្លឹបខេត្តសៀមរាប ក្រសួងការពារជាតិ និងក្រសួងសេដ្ឋកិច្ច មានភាពលេចធ្លោជាងគេ ។ បើទោះបីជាមានភាពលេខធ្លោបែបនេះក្តី តែទិសដៅរបស់សហព័ន្ធ ក៏នឹងជម្រុញបន្ថែមទៀតទៅលើកីឡាករ កីឡាការិនីដែលមកពីបណ្តាលក្លឹបផ្សេងៗ ដោយមិនប្រកាន់ថាក្លឹបមកពីតំបន់ណានោះទេ ដើម្បីអាចទទួលបានធន់ធានបន្តរវេន ដែលមានសក្កានុពល សម្រាប់ប្រកួតតំណាងជាតិនាថ្ងៃអនាគត់ ។ លោកជា ពៅ បានអោយដឹងទៀតថា ចំពោះគោលបំណងរបស់សហព័ន្ធ យើងចង់បញ្ជូកីឡាករទៅចូលរួម គ្រប់ការប្រកួតទាំងអស់ មិនថាថ្នាក់ជាតិ រឺអន្តរជាតិនោះទេ ដើម្បីទទួលបានបទពិសោធន៍ រួចជាមួយបច្ចេកទេសថ្មីៗ ។ ប៉ុន្តែមុនបញ្ជូនចេញទៅប្រកួតយើងត្រូវដុះខាត់ទាំងវិន័យ បច្ចេកទេស និងគុណភាពរបស់កីឡាករ កីឡាការិនីយើងសិន មិនមែនយើងរើស កីឡាករដែលមានតែវិន័យមួយមុខ តែគ្មានសមត្ថភាពប្រកួតឈ្នះ យើងអនុញ្ញាតិអោយគាត់ចេញទៅប្រកួតតំណាងជាតិយើងទាំងមូលបាននោះទេ ។

ឆ្លងកាត់ការប្រកួតរយៈពេល៣ថ្ងៃ ចាប់ពីថ្ងៃទី១៩ ដល់ថ្ងៃទី២២ ខែធ្នូឆ្នាំ២០២២ ជាលទ្ធផលនៃការប្រកួត វិញ្ញាសាវាយឯកត្តជននារី ចំណាត់ថ្នាក់លេខ១ បានលើកីឡាការិនីញ៉ែម ស្រីនុច មកពីខេត្តសៀមរាប,វិញ្ញាសាវាយឯកត្តជនបុរស ចំណាត់ថ្នាក់លេខ១ បានលើកីឡាករ ឡុង សំនៀង មកពីក្លឹបក្រសួងការពារជាតិ , វិញ្ញាសាវាយគូរបុរស ចំណាត់ថ្នាក់លេខ១ បានលើកីឡាករ ឡុង សំនៀង និងឱ សារិទ្ធ មកពីក្លឹបក្រសួងការពារជាតិ , វិញ្ញាសាវាយគូរបុរស និងនារី ចំណាត់ថ្នាក់លេខ១បានលើកីឡាករិនី ញ៉ែម ស្រីណុច និងកីឡាករ ញ៉ែម សុភ័ក្រ្តា មកពីខេត្តសៀមរាប ៕

ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិន្នីសកម្ពុជាជម្រុញអោយសិក្ខាកាម ដែលជាគ្រូបច្ចេកទេស ត្រូវដុះខាត់ផ្នែកភាសារបន្ថែម ដើម្បីចូលរួមកាត់សេចក្តីក្នុងការប្រកួតអន្តរជាតិ ប្រកបដោយគុណភាព ។ ការជម្រុញរបស់ឯកឧត្តមប្រធាន ក្នុងឱកាសអញ្ជើញបិទ វគ្គបណ្តុះបណ្តាល មន្រ្តីបច្ចេកទេស និងអាជ្ញាកណ្តាល ថ្នាក់ជាតិ ឆ្នាំ២០២៣ នៅទីលានកីឡាសូហ្វតិន្នីស ក្នុងពហុកីឡដ្ឋានអូឡាំពិក នាថ្ងៃទី១៦ ខែមករា ឆ្នាំ២០២៣ ម្សិលមិញ ។ បើតាមរបាយការណ៍របស់ឯកឧត្តម យិត ភីរ: អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងជាអគ្គលេខាធិការសហព័ន្ធកីឡាសូហ្វតិន្នីសកម្ពុជា បានអោយដឹងថា ” វគ្គបណ្តុះបណ្តាលមន្រ្តីបច្ចេកទេស និងអាជ្ញាកណ្តាល ថ្នាក់ជាតិ ឆ្នាំ២០២៣ នេះអាចដំណើរការទៅបានដោយ ទទួលបានអនុញ្ញាតគោលកាណ៍ដ៏ខ្ពង់ខ្ពស់ពី ឯកឧត្តមប្រធានសហព័ន្ធ និងទទួលបានថវិកាគំាទ្រពីក្រសួងអប់រំ យុវជន និងកីឡា ដោយមានគ្រូឧទ្ទេសប្រចាំវគ្គ ចំនួន ០២ រូបគឺលោក OGIWARA Masato ជនជាតិជប៉ុន រួមជាមួយលោក យី សារិន ជនជាតិខ្មែរ ដោយមានអ្នកសម្របសម្រួល លោក វ៉ង់ វុទ្ធា រួមជាមួយជំនួយការ កញ្ញា ឃនសាត សាន្នីតា និងមានសិក្ខាកាម សរុបចំនួន ៣៦ រូប ។ អគ្គលេខាធិការ ខាងលើក្នុងនាម សហព័ន្ធកីឡាសូហ្វតិន្នីសកម្ពុជា សូមប្តេជ្ញាយ៉ាងមោះមុត និងបន្តរក្សាការខិតខំប្រឹងប្រែងលើគ្រប់ការងារទាំងអស់រួមទាំងការបណ្តុះបណ្តាលធនធាន ជាពិសេស ពង្រឹងនូវវិស័យប្រភេទកីឡាមួយនេះ ឲ្យមានការអភិវឌ្ឍទៅមុខទាំងហេដ្ឋារចនាសម្ព័ន្ធ និងបន្តខិតខំអភិវឌ្ឍសមត្ថភាព និងពង្រឹងកីឡាករ កីឡាការិនី ឲ្យទទួលបានគុណភាពខ្ពស់ ដើម្បីត្រៀមលក្ខណៈចូលរួមប្រកួតថ្នាក់ជាតិ និងអន្តរជាតិ ជាពិសេសត្រៀមចូលរួមក្នុងព្រឹត្តិការណ៍ប្រកួតកីឡា SEA Games លើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ ។ ឯកឧត្តម សរ សិទ្ធិ ប្រធានសហព័ន្ធកីឡាសូហ្វតិន្នីសកម្ពុជា បានមានប្រសាសន៍ថា វគ្គបណ្តុះបណ្តាលនេះ នឹងជួយដល់សិក្ខាកាមដែលបានចូលរួមទាំងអស់ ស្វែងយល់អំពីបច្ចេកទេស សម្រាប់ត្រៀមខ្លួនមុន ស៊ីហ្គេម លើកទី៣២ ឆ្នាំ២០២៣ឈានចូលមកដល់ ។ ឯកឧត្តម សរ សិទ្ធិ សហព័ន្ធកីឡាសូហ្វតិន្នីស ពីមុនយើងមានបញ្ហាប្រឈមតិចតួច ប៉ុន្តែឥឡូវយើងបានហ្វឹកហាត់ដុសខាត់ បច្ចេកទេសរបស់ យើងអាចទៅ ចូលរួមប្រកួតប្រជែង ក្នុងនាមជាម្ចាស់ផ្ទះ នៃចលនាប្រកួតកីឡាអន្តរជាតិ លើកទី១ ដូច្នេះយើងត្រូវទាមទារខ្លួនយើង ដុសខាត់សមត្ថភាពឲ្យស្គាល់ពីក្បួនច្បាប់នៃការប្រកួត ។ ឯកឧត្តម ប្រធានបន្តថាព្រោះកាលណានៅពេលដែលយើងក្លាយជាអាជ្ញាកណ្តាល ចូលរួមកាត់សេចក្ដី ក្នុងនាមយើងជាម្ចាស់ផ្ទះ តែយើងមិនស្គាល់ ពីច្បាប់ទម្លាប់ បច្ចេកទេសក្នុងការកាត់សេចក្ដី នៅក្នុងការប្រកួត នោះយើងនឹងមាន បញ្ហាប្រឈមមួយផ្នែកធំ ។ ឯកឧត្តម សរ សិទ្ធិ សង្កត់ធ្ងន់ថា បញ្ហាប្រឈមដ៏ធំរបស់យើងមួយទៀត គឺពាក់ព័ន្ធនឹងភាសា ព្រោះការប្រកួតនៅថ្នាក់អន្តរជាតិ យើងមិនអាចប្រើភាសា ខ្មែរយើងបានទេ យើងត្រូវប្រើភាសាអន្តរជាតិ គឺភាសាអង់គ្លេស ដែលគេប្រើទូទៅ គ្រប់បណ្ដាប្រទេសដែលជាសមាជិកអាស៊ានទាំង១០ «អ៊ីចឹងខ្ញុំជឿថាលោកគ្រូ អ្នកគ្រូ ដែលជាគ្រូបច្ចេកទេស អាជ្ញាកណ្តាល នឹងខិតខំ ដុសខាត់ខាងភាសាបន្ថែមទៀត ព្រោះភាសាកាលណាយើងនិយាយខុស វាអាចធ្វើឲ្យយើងកាត់សេចក្ដី ប្រាសចាកពីបច្ចេកទេសរបស់យើង ។ អ៊ីចឹងការប្រើភាសារបសស់យើងទាមទារឲ្យមានការប្រយ័ត្នផងដែរ បើទោះបីជាយើងចេះបច្ចេកទេសក៏ដោយ តែភាសាក៏ជាផ្នែកមួយដែលពាក់ព័ន្ធជាមួយបច្ចេកទេស របស់យើងផងដែរ »។ សូមជម្រាប់ថា វគ្គបណ្តុះបណ្តាលមន្រ្តីបច្ចេកទេស និងអាជ្ញាកណ្តាល ថ្នាក់ជាតិ ចាប់ពីថ្ងៃទី០៩ ដល់ ថ្ងៃទី១៣ ខែមករា ឆ្នាំ២០២៣ នៅមជ្ឈមណ្ឌលកីឡា ក្នុងពហុកីឡដ្ឋានជាតិ រាជធានីភ្នំពេញ ប្រកបដោយភាពជោគជ័យ ។ ឆ្លងកាត់វគ្គបណ្តុះបណ្តាលនេះ សិក្ខាកាមទាំងអស់ទទួលបាននូវការយល់ដឹង និងបន្ថែមនូវបទពិសោធថ្មីៗដែលមានលទ្ធផលទទួលបាននិទ្ទេសល្អ ៧០% ល្អបង្គួរ ២០% និងមធ្យម ១០% ។

លោកជា ពៅ ៖ អត្តពលិកវាយកូនបាល់កម្ពុជាមាន វិន័យ បច្ចេកទេស និងគុណភាព ទើបអាចអោយចេញប្រកួតតំណាងជាតិ

សូមបញ្ចេញមតិនៅទីនេះ បោះបង់ការឆ្លើយតប

សូមបញ្ចេញមតិនៅទីនេះ