អ្នកគាំទ្រឆ្ងល់ ឃើញ ម៉ឺន មេឃា វាយ ហ្វានិមិត្ត ធ្លាក់ទម្រង់ ការពិតមានរឿងចឹងតើ ទើបមិនអាចផ្តាច់ដៃគូដូចរាល់ដង

ដោយសារតែកីឡាករ  គង់ សំបូរ មាន បញ្ហា មិន អាច ប្រកួត បាន  ទើប ត្រូវ ជំនួស វិញ ដោយ កីឡាករ ម៉ឺន មេឃា ដែល ត្រូវ តតាំងជាមួយ អ្នក ប្រដាល់ ឆ្លង ដែនមកពីប្រទេសថៃ ហ្វានិមិត្ត នៅក្នុងកម្មវិធីប្រដាល់ Ganzberg One Strike កាលពីម្សិលមិញ នៅសង្វៀន PNN ។  

បើទោះបីជាការប៉ះគ្នារវាងអ្នកប្រដាល់វ័យក្មេងរបស់កម្ពុជា ជាមួយអ្នកប្រដាល់ថៃវ័យរាងចំណាស់ជាងបន្តិចក៏ពិតមែន តែការប្រកួតរវាងអ្នកទាំងពីត្រូវបានមហាជនអ្នកគាំទ្រគុនខ្មែរ បានហោកញ្រ្ជៀវពេញសង្វៀន ។ អ្នកដែលបានចូលរួមទស្សនាបានលើកឡើងថា កន្លងមកធ្លាប់តែឃើញអ្នកប្រដាល់ថៃរូបនេះ ដើរចូលវាយកីឡាករខ្មែរ តែម្សិលមិញឃើញថយរហូត ហាក់រាងញញើត មេឃា ហើយមើលទៅ ។

ក្រោយបញ្ចប់ការប្រកួត អ្នកប្រដាល់វ័យ១៩ឆ្នាំរបស់កម្ពុជា បានប្រាប់មកកាន់ Lee New ថា មិននឹកស្មានថាខ្លួន អាចប្រកួតបានប៉ុណ្ណឹងទេ ព្រោះការត្រៀមខ្លួនបានតិច ដោយសារមកប្រកួតជំនួសគេ ។ ម៉ឺន មេឃា បានបញ្ជាក់យ៉ាងដូច្នេះថា «បាទបងខ្ញុំអត់នឹងស្មានថាខ្ញុំអាចប្រកួតបានប៉ុណ្ណឹងទេ ព្រោះអត់បានហាត់ត្រៀម ដោយសារប្រកួតជំនួសគេ និយាយរួមហាត់បានតែកន្លះថ្ងៃគត់ ។ សម្រាប់ខ្ញុំគិតថា កីឡាករថៃរូបនោះ គាត់ល្អឡាំ ហើយកែង ហើយណាមួយខ្ញុំអត់បានចាប់អារម្មណ៍កែងគាត់ទេ ភ្លេចនឹកឃើញកែវគាត់ ទើបបណ្តាលអោយបែក តែគាត់ឆាប់អស់ ។ 

គួរអោយដឹងផងដែលថា បន្ទាប់ពីប្រកួតនេះ ម៉ឺន មេឃា ដែលគេស្គាល់ថា ជាកូនប្រុសបង្កើតរបស់លោកគ្រូអេភូថង នឹងត្រូវត្រៀមខ្លួន បន្តទៀតសម្រាប់ជំនួបជាមួយកីឡាករបរទេស នៅខេត្តត្បូងឃ្មុំ ជិតថ្ងៃឆ្លងឆ្នាំប៉ុន្មានថ្ងៃខាងមុខនេះ ។

ជាមួយគ្នានោះ មេឃា ក៏បានលើកឡើងដែលថា ការឈ្នះរបស់ធឿន ធារ៉ា នៅ Thai Fight គឺជាការផ្សព្វផ្សាយយ៉ាងពេញទំហឹង អោយគេស្គាល់គុនខ្មែរកាន់តែច្បាស់ ។ ព្រោះគេវ៉ៃដូចពិភពលោកដែរ មានគេមើលច្រើន ណាមួយការប្រកួតនោះគេអត់ចាក់ផ្សាយតាមកញ្ចក់ទូរទស្សន៍ រឺក៏ផេកហ្វេសប៊ុកអីទេ គឺគេប្រើយូធូប អញ្ចឹងហើយអ្នកដែលចូលចិត្តលេងយូធូបអាចនឹងឃើញច្រើន ជាពិសេសបរទេស គេចូលចិត្តលេងរឺក៏តាមដានតាមយូធូប ។ សម្រាប់ខ្ញុំបើមានឱកាស បានឡើងប្រកួតខ្ញុំនឹងធ្វើអស់ពីសមត្ថភាព បើសិនជាអាចខ្ញុំនឹងប្រកួតដើម្បីដណ្តើមខ្សែក្រវ៉ាត់ មកជូនកម្ពុជាអោយបាន៕