កាលពីយប់ថ្ងៃទី៦ ខែមីនា គេហទំព័រក្លឹប PSG បានប្រកាសថា Neymar មានបញ្ហារបួសញាំញីកជើងខាងស្តាំ បន្ទាប់ពីមានការប៉ះទង្គិចចុងក្រោយ ដូច្នេះអ្នកជំនាញខាងវេជ្ជសាស្ត្ររបស់ PSG តម្រូវឱ្យ Neymar វះកាត់លើរបួសផ្នែកកជើង ជៀសវាងហានិភ័យនៃការកើតឡើងវិញធ្ងន់ធ្ងរ។
ការវះកាត់នឹងត្រូវបានអនុវត្តនៅប៉ុន្មានថ្ងៃខាងមុខនៅមន្ទីរពេទ្យ Aspetar ក្នុងទីក្រុង Doha ប្រទេសកាតា ដូច្នេះ Neymar នឹងត្រូវសម្រាកពី៣ ទៅ ៤ខែ នឹងអវត្តមានរហូតដល់ចប់រដូវកាល ដើម្បីអាចត្រលប់មកហ្វឹកហាត់ជាមួយក្រុមវិញ ។
Neymar នឹងខកខានការប្រកួតជើងទីពីរជាមួយ Bayern Munich ក្នុងការប្រកួត Champions League ជុំទី១៦ នៅថ្ងៃទី៩ ខែមីនាខាងមុខនេះ។
PSG បាននាំយក Neymar ត្រឡប់មកវិញជាមួយនឹងមហិច្ឆតាចង់ឈ្នះ Champions League ។ ប្រសិនបើ PSG បន្តចាញ់ Bayern ក្នុងជើងទី ២ នោះ កីឡាករដែលមានតម្លៃ ២២២លានអឺរ៉ូទំនងជាត្រូវចាកចេញពី Parc des Princes ហើយ៕
