យោងតាមការចុះផ្សាយដោយ Fichajes បានឱ្យដឹងថា ក្លឹបសេដ្ឋីបារាំង Paris Saint-Germain មានគោលដៅលើកំពូលតារាឆ្នើមរបស់ Liverpool គឺកីឡាករ Mohamed Salah ដែលឥឡូវនេះ រូបគាត់ផ្ទាល់ក៏កំពុងពិចារណាក្នុងការចាកចេញពីទឹកដី Anfield បើទោះបីជាគាត់បានបន្តកុងត្រាជាមួយហង្សក្រហម កាលពីនៅដើមរដូវកាលក៏ដោយ។
របាយការណ៍នេះបញ្ជាក់ថា Liverpool អាចរកប្រាក់ចំណេញបានយ៉ាងច្រើនពីការលក់ខ្សែប្រយុទ្ធសញ្ជាតិអេហ្ស៊ីបរូបនេះ ខណៈដែលពួកគេសម្លឹងមើលការកែប្រែលម្អក្រុមរបស់ពួកគេ ខណៈដែល PSG ពិចារណាយ៉ាងខ្លាំងលើការចុះហត្ថលេខាលើរូបគាត់ ហើយពួកគេនឹងត្រូវសម្រេចចិត្តឱ្យបានឆាប់រហ័សបំផុត៕
