ក្រុមបិសាចក្រហម Manchester United បានធ្វើដំណើរទៅកាន់វគ្គ ៨ ក្រុមចុងក្រោយនៃក្របខ័ណ្ឌ Europa League ជាមួយនឹងជ័យជម្នះសរុបទាំងពីរជើង ៥-១ បន្ទាប់ពីគ្រាប់បាល់ទី២៧ របស់ Marcus Rashford នៅរដូវកាលនេះ បានធ្វើឱ្យក្រុមឈ្នះក្នុងលទ្ធផល ១-០ លើក្រុមអេស្ប៉ាញ Real Betis។ Rashford បានស៊ុតបញ្ចូលទីនៅទាទី ៥៦ ដោយមានការបញ្ចូនពី Casemiro ខណៈខាង Betis ក៏ព្យាយាមខ្លាំងណាស់ដែរ ប៉ុន្តែគួរឱ្យសោកស្ដាយ ពួកគេមិនអាចធ្វើអ្វីបិសាចក្រហមបាន។
ការចាប់ឆ្នោតសម្រាប់វគ្គ ៨ ក្រុមនៃក្របខ័ណ្ឌ Europa League ធ្វើឡើងនៅម៉ោង ១២ យប់ (ម៉ោងនៅចក្រភពអង់គ្លេស) នៅថ្ងៃសុក្រទី១៧ ខែមីនា នៅទីក្រុង Nyon ប្រទេសស្វីស នៅទីស្នាក់ការកណ្តាលរបស់ UEFA។ ការចាប់ឆ្នោតពាក់កណ្តាលផ្តាច់ព្រ័ត្រក៏នឹងត្រូវបានធ្វើឡើងផងដែរ។ ចំណែកឯក្រុម Arsenal គឺបានធ្លាក់ពីការប្រកួតនេះបាត់ទៅហើយ ដោយសារចាញ់គ្រាប់បាល់ប៉េណាល់ទី១១ ម៉ែត្រ ទល់នឹងក្លឹប Sporting CP ក្រោយប្រកួតម៉ោងធម្មតាស្មើគ្នា ១-១ សរុបទាំង ២ជើង ៣-៣៕
