Ronald Araujo នឹងអវត្តមានពីក្រុមជម្រើសជាតិអ៊ុយរូហ្គាយ សម្រាប់ការប្រកួតមិត្តភាពនាពេលឆាប់ៗនេះចំនួន ២ បន្ទាប់ពីរងរបួសភ្លៅអំឡុងពេលក្រុម Barcelona យកឈ្នះលើក្រុម Real Madrid កាលពីថ្ងៃអាទិត្យ (ម៉ោងនៅអេស្ប៉ាញ)។ ខ្សែការពាររូបនេះ បានជួយឱ្យក្រុមឈ្នះ ២-១ នៅក្នុងជំនួប El Clasico ដ៏អស្ចារ្យនៅ Camp Nou ប៉ុន្តែគាត់នឹងមិនអាចជួបជាមួយជប៉ុននៅថ្ងៃសុក្រ ឬកូរ៉េខាងត្បូងនៅថ្ងៃអង្គារក្រោយនោះទេ។ ក្លឹប Barcelona បានប្រកាសថា Araujo បានទទួលការធ្វើតេស្តកាលពីថ្ងៃចន្ទ ហើយបានរកឃើញថា សាច់ដុំខាងឆ្វេងរបស់គាត់មានបញ្ហា។
កីឡាករវ័យ ២៤ឆ្នាំរូបនេះ បានតែតបញ្ចូលទីខ្លួនឯងដោយអចេតនា ដែលធ្វើឱ្យ Madrid នាំមុខ ប៉ុន្តែ Sergi Roberto បានតាមស្មើវិញនៅមុនតង់ទី១ ត្រូវបានបញ្ចប់ ហើយការឈ្នះចុងម៉ោងរបស់ Franck Kessie បានធ្វើឱ្យក្រុមរបស់លោកគ្រូ Xavi នាំមុខ ១២ពិន្ទុ ពីគូប្រជែងដ៏កាចសាហាវរបស់ពួកគេនៅលើកំពូលតារាង LaLiga។ ក្រុមជម្រើសជាតិអ៊ុយរូហ្គាយ ក៏នឹងគ្មានខ្សែបម្រើប្រយុទ្ធ Giorgian de Arrascaeta ដែរ។ ចំណែក Diego Hernandez និង Sebastian Caceres ត្រូវបានកោះហៅជំនួសដោយគ្រូបង្វឹកបណ្តោះអាសន្ន Marcelo Broli៕
