×

តោះមកដឹងពីចំណាត់ថ្នាក់អ្នកចាត់ការ Manchester United ទាំងអស់ ចាប់តាំងពីលោក Sir Alex Ferguson ចូលនិវត្តន៍

លោក Sir Alex Ferguson ជាគ្រូបង្វិកដែលជោគជ័យខ្លាំង មិនធ្លាប់មានពីមុនមក ក្នុងអំឡុងការដឹកនាំរយៈពេល 27 ឆ្នាំរបស់លោកនៅ Manchester United ។ ក្លឹបបានចារឈ្មោះជាក្លឹបដ៏ជោគជ័យបំផុតរបស់ខ្លួន ក្រោមការដឹកនាំរបស់កីឡាករស្កុតឡេនរូបនេះ ប៉ុន្តែអ្វីៗបានប្រែប្រួល ចាប់តាំងពីលោកបានលាលែងពីតំណែង ដោយសារលោកមានវ័យចំណាស់ទៅហើយ។

ក្រុមបីសាចក្រហម Manchester United ចាប់​តាំង​ពី​ពេល​នោះ​មក មាន​អ្នក​ចាត់​ការ​ប្រាំ​នាក់ហើយ។ ពួកគេមួយចំនួន អាចធ្វើអោយក្រុមនៅ Old Trafford មានភាពរីកចំរើនតែបន្តិចបន្តួចប៉ុណ្ណោះក្នុងការដឹកនាំក្នុងប៉ុន្នានប្រកួតដំបូង ប៉ុន្តែគ្មាននរណាម្នាក់ក្នុងចំណោមពួកគេ ពិតជាអាចស្ដារ United ទៅកាន់ថ្ងៃដ៏រុងរឿងរបស់ពួកគេវិញបាននោះទេ។

ថ្ងៃនេះ Lee News នឹងនាំអ្នកស្នេហាវិស័យកីឡារ ទាំងអស់គ្នា ពិសេសអ្នកគាំទ្រដ៏ងប់ងុលរបស់បិសាចក្រហម ពីចំណាត់ថ្នាក់ និងរបៀបដែលអ្នកចាត់ការទាំងប្រាំរូប ដែលបានចូលកាន់តំណែង បន្ទាប់ពីលោក Sir Alex Ferguson លាលែងពីដំណែង។ (បញ្ជាក់៖ អ្នកចាត់ការបណ្ណុះអាសន្ន Ryan Giggs និង Michael Carrick មិនត្រូវបានរាប់បញ្ជូលក្នុងបញ្ជីនេះទេ)។

 

  1. Ralf Rangnick

គ្រូបង្វឹកសញ្ជាតិអាឡឺម៉ង់ Ralf Rangnick ត្រូវបានតែងតាំងជាអ្នកចាត់ការបណ្ដោះអាសន្ននៅ Manchester United កាលពីថ្ងៃទី 3 ខែធ្នូ ឆ្នាំ 2021។ លោកត្រូវបានប្រគល់ភារកិច្ចឱ្យរក្សាលំនឹងនៃក្រុមទាំងមូល បន្ទាប់ពីថ្ងៃចុងក្រោយរបស់លោក Ole Gunnar Solskjaer  ដែលជាអ្នកចាត់ការទូទៅរបស់ Manchester United ។

ទោះយ៉ាងណាក៏ដោយ Rangnick បានដឹកនាំបិសាចក្រហមមិនបានពេញមួយរដូវកាលនោះទេ។ វាអាចមកពីការពិតដែលថា ប្រព័ន្ធលេងនៅអង់គ្លេសមានភាពខុសប្លែកពីអាល្លឺម៉ង់ ឬប្រហែលជាលោកមិនដឹងពីរបៀបគ្រប់គ្រងកីឡាកររបស់ Manchester United ដែលភាគច្រើនមានប្រាក់ខែខ្ពស់ ពោលមិនសូវស្ដាប់គ្រូបង្វិក។ យ៉ាងណាមិញ Rangnick បានតស៊ូយ៉ាងខ្លាំងជាមួយក្លឹប ហើយបានដឹកនាំក្រុមឈ្នះ 11 និងចាញ់ 10 ក្នុងចំណោម 29 ប្រកួតរបស់លោក។

ដំបូងឡើយ Rangnick ត្រូវបានរំពឹងថា នឹងបន្តក្នុងតួនាទីប្រឹក្សាយោបល់។ ប៉ុន្តែផែនការនេះត្រូវបានលុបចោលនាពេលថ្មីៗនេះ ហើយគ្រូបង្វឹកសញ្ជាតិអាល្លឺម៉ង់រូបនេះ បានចាកចេញទៅដឹកនាំក្រុមជម្រើសជាតិអូទ្រីស។

4.David Moyes

លោក Sir Alex Ferguson បានជ្រើសរើសលោក David Moyes ជាអ្នកស្នងតំណែងរបស់លោក ប៉ុន្តែលោកមិនដឹងថា តើមិត្តរួមជាតិរបស់លោកបានត្រៀមខ្លួនសម្រាប់ការងារនេះកម្រិតណានោះទេ។ Moyes ត្រូវបានប្រព័ន្ធផ្សព្វផ្សាយធ្វើការរិះគន់ម្ដងហើយម្ដងទៀត ហើយមិនបានចំណាយពេលពេញមួយរដូវកាល ក្នុងនាមជាអ្នកចាត់ការទូទៅរបស់ Manchester United ឡើយ ។

មែនទែនទៅ អ្នកគាំទ្រ Man United មានចិត្តពីររួចទៅហើយ មុនពេលដែលរដូវកាលនេះបានចាប់ផ្តើម ដោយសារតែការសម្រេចចិត្តដ៏គួរឱ្យសង្ស័យរបស់លោក Moyes នៅក្នុងទីផ្សារដោះដូរកីឡាករ និងការខ្វះយុត្តសាស្រ្តដឹកនាំរបស់លោក។ គ្រូបង្វឹកសញ្ជាតិស្កុតឡេនរូបនេះ បានដឹកនាំក្រុម Manchester United  ឈ្នះត្រឹមតែ 27 ប្រកួតប៉ណ្ណោះ ក្នុងចំណោម 51 ប្រកួត ហើយចាញ់រហូតដល់ ​១៥​ប្រកួត ដែលជាលទ្ធផលអាក្រក់បំផុតរបស់ក្លិប។

លទ្ធផលនេះ បានធ្វើអោយអ្នកគាំទ្ររបស់ក្រុមបិសាចក្រហម មានការខឹងសម្បារយ៉ាងខ្លាំង ខណៈដែលក្រុមរបស់លោកគឺជាក្រុមការពារតំណែងជើងឯក Premier League ។ វាមិនអាចទទួលយកបានសម្រាប់ពួកគេ ដែលថាពួកគេកំពុងឈានដល់កម្រិតអន់បំផុតមិនធ្លាប់មាន ពេលនោះហើយ លោក Moyes ត្រូវបានក្លិបបណ្ដេញចេញ។

 

  1. Louis van Gaal

លោក Louis van Gaal បានចូលមកដឹកនាំ Manchester United ជំនួសលោក David Moyes

។ គ្រូបង្វឹកសញ្ជាតិហូឡង់រូបនេះ ចាប់ផ្តើមដឹកនាំក្រុមនៅ Old Trafford ហើយព្យាយាមលេងតាមរបៀបរបស់លោក ហើយនាំឱ្យ Man United លេងទម្រង់ អន់បំផុតមិនធ្លាប់មាន។ មិនតែប៉ុណ្ណោះ អតីតអ្នកចាត់ការក្លឹប Barcelona និង Bayern Munich រូបនេះ ក៏បានបញ្ចេញសាច់ប្រាក់នៅក្នុងទីផ្សារដោះដូរកីឡាករ និងបានធ្វើការចុះហត្ថលេខាគួរឱ្យសង្ស័យមួយចំនួនផងដែរ។

យ៉ាងណាមិញ Van Gaal បាន​បន្ត​ទទូច​ថា​ លោក​ត្រូវ​ការ​យ៉ាង​ហោច​ណាស់​បី​ឆ្នាំ ​ដើម្បី​រៀបចំក្រុមទៅកាន់រចកាលដ៏រុងរឿងរបស់ខ្លួនឡើងវិញ។ មិនអន់ប៉ុន្មាននោះទេ ពួកគេបានបញ្ចប់ក្នុងចំណាត់ថ្នាក់លេខ 4 ក្នុងរដូវកាល 2014-15 ។ ក្រោមការដឹកនាំរបស់លោក Van Gaal បានបន្តធ្វើឱ្យអ្នកគាំទ្រក្រុម Manchester United ខកចិត្ត បន្ទាប់ពីការបរាជ័យម្ដងហើយម្ដងទៀត ពិសេសគឺការធ្លាក់ចេញពីពានរង្វាន់ UCL។ យ៉ាងណាមិញ Van Gaal នៅតែដឹកនាំ Manchester United លើកពាន FA Cup នៅរដូវកាល 2016 ប៉ុន្តែពីរថ្ងៃក្រោយមក លោកត្រូវបានបណ្តេញចេញ។

គួរបញ្ជាក់ថា ក្នុង 103 ប្រកួត ក្រោមការដឹកនាំរបស់ Van Gaal ក្រុម Manchester United ឈ្នះ 54 ប្រកួត ចាញ់ 25 ប្រកួត និងស្មើ 24 ប្រកួត។

 

  1. Ole Gunnar Solskjaer

លោក Ole Gunnar Solskjaer  ​បាន​ដឹកនាំយ៉ាង​ល្អ​នៅ Manchester United ។ លោកធ្វើឱ្យអ្នកគាំទ្រមានជំនឿលើក្រុមម្តងទៀត ហើយលោកក៏បានបង្ហាញទម្រង់ដ៏គួរឱ្យរំភើប ដែលអ្នកគាំទ្រចង់ឃើញ ។

Solskjaer បានបង្ហាញកម្រិតមិនគួរឱ្យជឿនៃការប្តេជ្ញាចិត្តចំពោះក្លឹប និងភាពស្មោះត្រង់ចំពោះកីឡាកររបស់លោក។ លោកបាន​គាំនាំ​យក​កីឡាករ​ល្អ​ជាច្រើ​នមកចូលរួមជាមួយក្រុមក្នុងនោះ មានទាំងខ្សែប្រយុទ្ធ Cristiano Ronaldo ផងដែរ។ គ្រូបង្វឹកសញ្ជាតិន័រវេសរូបនេះ បានបង្ហាញពីទម្រង់លេងដ៏គួរអោយចាប់អារម្មណ៍របស់ Manchester United ក្នុងរយៈពេលថ្មីៗនេះ។

ពិសេស ការទម្លាក់ 2-0 នៅលើទឹកដីរបស់ Paris Saint-Germain ក្នុងជុំទី 16 នៃក្របខ័ណ្ឌ Champions League ឆ្នាំ 2018-19។ លោក Solskjaer បានដឹកនាំក្រុម Manchester United ទៅកាន់ចំណាត់ថ្នាក់លេខ 3 និងលេខ 2 ក្នុងរយៈពេលពីររដូវកាលពេញរបស់លោកក្នុងនាមជាអ្នកចាត់ការរបស់ពួកគេ។

មិនតែប៉ុណ្ណោះ លោកក៏បានដឹកនាំពួកគេទៅកាន់វគ្គផ្តាច់ព្រ័ត្រនៃ UEFA Europa League 2020-21 ផងដែរ ។ ក្រោមការដឹកនាំរបស់លោក Solskjaer ក្រុម Manchester United ក៏បានឈានដល់វគ្គពាក់កណ្តាលផ្តាច់ព្រ័ត្រនៃពានរង្វាន់ FA Cup និង League Cup ផងដែរ។ លោកបានដឹកនាំ Manchester United ឈ្នះ 91 ដងក្នុង 168 ប្រកួត ខណៈចាញ់តែ 37 ដងប៉ុណ្ណោះ។

ក្រុម Manchester United របស់ Solskjaer មិនបានបង្ហាញទម្រង់លេងដ៏ល្អនោះទេ ក្នុងពាក់កណ្តាលដំបូងនៃរដូវកាល 2021-22 ។ កីឡាករ​របស់​លោក​បាន​ធ្វើ​ឱ្យខកចិត្តយ៉ាងខ្លាំង។ អ្វីៗបានក្រៀមស្វិតទៅៗ នៅពេលដែល Manchester United បានប្រកួតចាញ់ជាច្រើនប្រកួតនៅក្នុង Premier League ។

ទីបំផុត Solskjaer ត្រូវបានបណ្តេញចេញនៅដើមខែធ្នូ ឆ្នាំ 2021 ប៉ុន្តែលោកនឹងត្រូវបានគោរពដោយអ្នកគាំទ្រ សម្រាប់ការស្ដារឡើងវិញនូវកេស្តឈ្នោះរបស់ពួកគេនៅក្នុងក្លឹប។ លោកក៏បានផ្តោតលើការនាំយកនូវកីឡាករវ័យក្មេងដែលទេពកោសល្យចេញពីថ្នាលយុវជន ហើយនោះជាការផ្លាស់ប្តូរមួយផ្សេងទៀត ដែលត្រូវបានទទួលស្គាល់ដោយអ្នកគាំទ្រនៅ Old Trafford ។

 

1.Jose Mourinho

Jose Mourinho គឺជា​គ្រូបង្វិក​ជោគជ័យ​បំផុត​ក្នុង​ចំណោម​អ្នក​ចាត់​ការ​របស់ Manchester United ក្នុង​សម័យ​ក្រោយ​លោក Sir Alex Ferguson។ នៅពេលដែល 'Special One' ត្រូវបានមកជំនួសលោក Louis van Gaal នៅរដូវក្តៅឆ្នាំ 2016 វាច្បាស់ណាស់ថា ក្លឹបទទួលបានជោគជ័យភ្លាមៗ។

Mourinho បានបង្ហាញពីការសន្យាជាច្រើន ដោយបានដឹកនាំក្រុមទៅកាន់ពានរង្វាន់ Europa League និង League Cup ក្នុងរដូវកាលដំបូងរបស់លោកក្នុងនាមជាអ្នកចាត់ការទូទៅ។ លោកក៏បានចុះហត្ថលេខាលើកីឡាករលំដាប់ពិភពលោកដូចជា Paul Pogba, Henrikh Mkhitaryan និង Zlatan Ibrahimovic ផងដែរ។

កីឡាករទាំងអស់រីករាយនឹងការដឹកនាំរបស់លោក Mourinho ហើយក្រុមថែមទាំងជាគូរប្រជែងរបស់ក្រុមខ្លាំងៗ ក្នុងរដូវកាល Premier League 2017-18 ផងដែរ។ ប៉ុន្តែបន្ទាប់ពីការធ្លាក់ចេញដ៏គួរឱ្យភ្ញាក់ផ្អើលក្នុងការប្រកួត Champions League ជុំទី 16 ទល់នឹង Sevilla អ្វីៗបានចាប់ផ្តើមកើនឡើងសម្រាប់ Mourinho ។

អ្នកចាត់ការសញ្ជាតិព័រទុយហ្គាល់ ចាប់ផ្ដើមមិនចុះសម្រុងជាមួយកីឡាករជាច្រើន។ Manchester United បានបញ្ចប់ក្នុងចំណាត់ថ្នាក់លេខ 2 ក្នុងលីគក្នុងរដូវកាល 2017-18 ប៉ុន្តែមិនមានលេចធ្លោដូចម្ចាស់ជើងឯក Manchester City នោះទេ។ Mourinho មិន​ត្រូវ​បាន​គាំទ្រ​ក្នុង​ទីផ្សារ​ដោះដូរ​កីឡាករ​ជា​បន្ត​បន្ទាប់​ទេ ហើយ​នេះ​នាំ​ឱ្យ​មាន​ការ​ខកចិត្ត​កាន់​តែ​ខ្លាំង។ អ្នកគាំទ្រមិនសប្បាយចិត្ត នឹងទម្រង់លេងបាល់ទាត់ ចតឡានក្រុង របស់លោកនោះទេ ទីបំផុត Mourinho ត្រូវបានបណ្តេញចេញពីតំណែងពាក់កណ្តាលរដូវកាល 2018-19 ។

គួរបញ្ជាក់ថា Mourinho បានដឹកនាំក្រុម Manchester United សរុបចំនួន ១៤៤ ប្រកួត ក្នុងនោះ ឈ្នះ ៨៤ប្រកួត ស្មើ ៣២ប្រកួត និងចាញ់ចំនួន ២៨ប្រកួត៕

សូមបញ្ចេញមតិនៅទីនេះ




សូមគោរពទៅតាម គោលការណ៍មួយនេះ


អត្ថបទទាក់ទង

លោក Pep Guardiola អាចនឹងដើរចេញពី Manchester City ក្រោយក្លឹបបានបំពានច្បាប់ហិរញ្ញវត្ថុជាច្រើនករណី

អនាគតរបស់លោក Pep Guardiola នៅក្លឹប Manchester City កាន់តែស្ថិតក្នុងមន្ទិលសង្ស័យ បន្ទាប់ពី Premier League បានចោទប្រកាន់ក្លឹបនេះ ពីបទរំលោភច្បាប់ហិរញ្ញវត្ថុជាច្រើនករណីនៅចន្លោះរដូវកាល ២០០៩/១០ និងរដូវកាល ២០១៧/១៨។ វាមិនមែនជាលើកទី១នោះទេ ដែលក្លឹបនេះត្រូវបានគេចោទប្រកាន់ពីបទបំពានច្បាប់ហិរញ្ញវត្ថុ ខណៈពេលដែលពួកគេស្ទើរតែជាប់ការហាមឃាត់មិនអាចទៅលេងនៅ Champions League រយៈពេល ២ឆ្នាំ កាលពីឆ្នាំ២០២០។ ប៉ុន្តែកាលនោះ ក្លឹបសេដ្ឋីមួយនេះបានយកឈ្នះបណ្ដឹងឧទ្ធរណ៍របស់ខ្លួន ប្រឆាំងនឹងសេចក្តីសម្រេចរបស់ UEFA សម្រាប់ការចោទប្រកាន់ពាក់ព័ន្ធនឹង អាជ្ញាប័ណ្ណ និងបទប្បញ្ញត្តិ FFP ។ លោក Pep Guardiola តែងតែនៅជាមួយក្លឹបនៅពេលដែលក្លឹបប្រឈមនឹងបញ្ហាចោទប្រកាន់នានា ប៉ុន្តែគ្រូបង្វឹកសញ្ជាតិអេស្ប៉ាញរូបនេះ ក៏ធ្លាប់បានគំរាមចាកចេញពី Manchester City ផងដែរ ប្រសិនបើក្លឹបកុហកគាត់ ពាក់ព័ន្ធនឹងការបំពានផ្នែកហិរញ្ញវត្ថុណាមួយ។ ជាក់ស្ដែងកាលពីខែឧសភា ឆ្នាំ២០២២ លោកគ្រូ Guardiola ធ្លាប់បាននិយាយថា៖«នៅពេលពួកគេ [Manchester City] ជាប់ចោទរឿងអ្វីមួយ ខ្ញុំតែងតែសួរពួកគេពីរឿងនោះ។ ពួកគេក៏បានពន្យល់មកខ្ញុំ ហើយខ្ញុំក៏ជឿទៅតាមនោះដែរ។ ប៉ុន្តែខ្ញុំបានបញ្ជាក់ពួកគេថា បើពួកគេកុហកខ្ញុំ ខ្ញុំនឹងដើរចេញ ហើយមិនរាប់ពួកគេជាមិត្តទៀតទេ»៕ អត្ថបទ៖ លីដា ប្រភព៖ Sportbible
អង្គារ , 07 កុម្ភៈ 2023 32 អ្នកទស្សនា 1 ថ្ងៃកន្លងទៅ

កីឡាករ Aubameyang មិនអាចចាកចេញពីទឹកដីអង់គ្លេសបានទេ ក្រោមច្បាប់របស់ FIFA

កីឡាករ Pierre-Emerick Aubameyang ត្រូវបានគេរាយការណ៍ថា មានការចាប់អារម្មណ៍ពីក្លឹប Atletico Madrid និង AC Milan យ៉ាងខ្លាំងកាលពីខែមករា ប៉ុន្តែតាមច្បាប់របស់ FIFA ខ្សែប្រយុទ្ធរបស់ក្លឹបតោខៀវ Chelsea ម្នាក់នេះ នៅមិនអាចចាកចេញពីក្លឹប Chelsea បានទេ។ ពោលគឺ Aubameyang ធ្លាប់បានផ្លាស់ប្ដូរពីក្លឹបអ្នកមានបុណ្យ Barcelona មកកាន់ Chelsea ក្នុងរដូវកាល ២០២២-២០២៣ ហើយបើតាមច្បាប់របស់ FIFA គឺគ្មានកីឡាករណាម្នាក់អាចផ្លាស់ប្តូរក្លឹបលើសពី ២ ក្នុងមួយរដូវកាលនោះឡើយ។ បើទោះបីជាគាត់ចង់វិញត្រឡប់ទៅកាន់ទឹកដី Camp Nou ក៏មិនមានសង្ឃឹមនោះដែរ ដោយសារក្លឹបចាស់ Barcelona មិនអាចចរចាលើកិច្ចព្រមព្រៀងថ្មីឱ្យគាត់ នៅពេលដែលក្លឹបនេះកំពុងមានបញ្ហាផ្នែកហិរញ្ញវត្ថុ។ ក្រឡេកទៅមើល Chelsea ឯណោះវិញ គិតត្រឹមទីផ្សារដោះដូរក្នុងខែមករាតែមួយ ក្លឹបនេះបានរកចំណូលថ្មីរហូតដល់ទៅ ៧នាក់ ខណៈមានចាកចេញតែកីឡាករម្នាក់ប៉ុណ្ណោះ ស្របពេលដែល Aubameyang ពុំមានវត្តមានឱ្យ Chelsea ទទល់ជាមួយក្រុម Fulham ក្នុងប្រកួតថ្មីចុងក្រោយនេះឡើយ៕ អត្ថបទ៖ លីដា ប្រភព៖ GOAL
ច័ន្ទ , 06 កុម្ភៈ 2023 10 អ្នកទស្សនា 2 ថ្ងៃកន្លងទៅ

១គ្រាប់យកឈ្នះ Man City យប់មិញ បង្កើតប្រវត្តិសាស្ត្រឱ្យ Kane ក្លាយជាកីឡាករមានគ្រាប់បាល់ច្រើនបំផុតសម្រាប់ Spur

Harry Kane បានក្លាយជាអ្នកស៊ុតបញ្ចូលទីច្រើនបំផុតគ្រប់ពេលវេលាឱ្យក្លឹប Tottenham Hotspur វ៉ាដាច់កីឡាករ Jimmy Greaves ខណៈដែលគ្រាប់បាល់ទី២៦៧របស់គាត់ បានបង្អាក់ដំណើរដណ្ដើមពាន Premier League របស់ក្លឹប Manchester City យ៉ាងគួរឱ្យភ្ញាក់ផ្អើល។ ប្រធានក្រុមអង់គ្លេសរូបនេះ បានស៊ុតបញ្ចូលទីពីចម្ងាយ ៩ម៉ែត្រ នៅក្នុងប្រអប់គ្រោះថ្នាក់ បន្ទាប់ពីការបញ្ជូនយ៉ាងល្អពី Pierre-Emile Hojbjerg។ អ្នកគាំទ្របានលោតចេញពីកន្លែងអង្គុយ ដើម្បីអបអរសាទរខ្សែប្រយុទ្ធវ័យ ២៩ឆ្នាំរូបនេះ ខណៈពេលដែលសារមួយបានផុសឡើងនៅលើតារាងពិន្ទុ ដែលសរសេរថា «សូមអបអរសាទរ Harry Kane»។ ការបញ្ចប់នៅនាទីទី១៥ ក៏ជាគ្រាប់ទី២០០ របស់ Kane នៅលើក្របខណ្ឌ Premier League ផងដែរ ដោយមានតែកីឡាករ Alan Shearer (មាន ២៦០ គ្រាប់) និង Wayne Rooney (២០៨គ្រាប់) ស៊ុតបញ្ចូលទីបានច្រើនជាងនេះ។ ការយកឈ្នះលើក្លឹប Manchester City គឺគ្មានវត្តមានគ្រូបង្វឹក Antonio Conte នោះទេ ដោយសារគាត់កំពុងសម្រាកនៅផ្ទះ បន្ទាប់ពីការវះកាត់ដើម្បីថង់ទឹកប្រមាត់។ វាគឺជាជំនួប Premier League លើកទី២ រវាងក្រុមទាំង ២ ក្នុងរយៈពេល ១៧ថ្ងៃ បន្ទាប់ពី Manchester City បានឈ្នះ Tottenham Hotspur ក្នុងលទ្ធផល ៤-២ នៅកីឡដ្ឋាន Etihad Stadium កាលពីថ្ងៃទី១៩ ខែមករា៕ អត្ថបទ៖ លីដា ប្រភព៖ BBC
ច័ន្ទ , 06 កុម្ភៈ 2023 29 អ្នកទស្សនា 2 ថ្ងៃកន្លងទៅ

ក្លិបអ្នកមានសម័យថ្មី ISI ដង្កោសែនជ័យ នាំចូលកីឡាករ ចំណូលថ្មី ១០នាក់ ត្រៀម League Cup ២០២៣

ក្លិបបាល់ទាត់ អាយ អេស អាយដង្កោសែនជ័យ ក្រោមការដឹកនាំរបស់ លោក John Botioba បានប្រកាសនាំចូលកីឡាករទី១០ គឺខ្សែប្រយុទ្ធ សារី តៃម៉ូ អតីតយុវជនបឹងកេត និងកីឡាកររបស់កោះកុងអេហ្វស៊ី ត្រៀមសម្រាប់ពានរង្វាន់ Cambodian League Cup រដូវកាល ២០២៣។ កីឡាករចំណូលទាំង១០រូបរបស់ អាយ អេស អាយដង្កោសែនជ័យ៖ NDONGO LOUIS WILLY SAMURA UMARU លី មីហ្សាន ហេង ប៉ោឡេង ជា ច័ន្ទដារ៉ា រ៉េត កាត្តាមី កែវ សារ៉ាត់ ត្រាយ វិចិត្រ YANAGIDATE KAZU សារី តៃម៉ូ ក្រៅពីការនាំចូលកីឡាករ ពេលនេះក្លិប ក៏បានបន្តកុងត្រាថ្មីជាមួយកីឡាករ ធួរ គាសេង, ប្រាក់ សុវណ្ណពិសិដ្ឋ, COULIBALY ABDEL KADER, ដោ រ៉ូហ៉្សាន់, ឌុច សុភា, អេល តហៀត, ឆេង​ ចាន់ថា, ចាន់ ហួង, អ៊ុន សុទ្ធរិទ្ធ, យ៉ា ម៉ាត់, សុន សុវណ្ណរទ្ធី និង កែម វ៉ាន់ដា។ គួរឲ្យដឹងថា ក្លិបបាល់ទាត់ ISI ដង្កោសែនជ័យ ស្ថិតនៅពូល B នៃពានរង្វាន់ Cambodian League Cup 2023 ជាមួយ ព្រះខ័នរាជស្វាយរៀង, ភ្នំពេញក្រោន, អង្គរថាយហ្គឺរ, ណាហ្គាវើលដ៍, នគរបាលជាតិ, សូលទីឡូអង្គរ ខណ:ពូល A មានក្លិបបាល់ទាត់គិរីវង់សុខសែនជ័យ វិសាខា, បឹងកេត, , Tiffy Army FC, អគ្គិសនីកម្ពុជា, កោះកុង និង ព្រៃវែង ខណ:ពូល B មាន ៕
ច័ន្ទ , 30 មករា 2023 106 អ្នកទស្សនា 9 ថ្ងៃកន្លងទៅ

សិង្ហបុរី សាកល្បងប្រើប្រាស់ VAR មុនលីគកំពូលរបស់ខ្លួនចាប់ផ្តើម

បន្ទាប់ពីសហព័ន្ធកីឡាបាល់ទាត់សិង្ហបុរី បានប្រកាសថា នឹងរៀបចំប្រើប្រាស់វីដេអូជំនួយការអាជ្ញាកណ្ដាល (VAR) នៅក្នុងការប្រកួតបាល់ទាត់លីគកំពូល Singapore Premier League រដូវកាល ២០២៣ ដែលគ្រោងនឹងចាប់នៅថ្ងៃទី២៤ ខែកុម្ភ: ខាងមុខនេះ។ ពេលនេះ ពួកគេចាប់ផ្តើមសាកល្បងប្រើប្រាស់ VAR ហើយក្នុងជំនួបមិត្តភាពការប្រកួតក្នុងស្រុក, បន្ទាប់ពីឆ្លងកាត់ការវាយតម្លៃចុងក្រោយដោយស្ថាប័នគ្រប់គ្រងពិភពលោក FIFA ហើយត្រូវបានផ្តល់ភ្លើងខៀវ ដែលធ្វើឱ្យប្រទេសសិង្ហបុរី ក្លាយជាប្រទេសទី៣ នៅក្នុងតំបន់អាស៊ាន ប្រើប្រាស់បច្ចេកវិទ្យាទំនើបមួយនេះ។ នាយកផ្នែកអាជ្ញាកណ្ដាលបាល់ទាត់ប្រចាំសហព័ន្ធ លោក Nazeer Hussain បានថ្លែងអំណរគុណដល់ក្រុមអាជ្ញាកណ្ដាល និងមន្រ្តីរបស់សហព័ន្ធ ដែលរួមគ្នារហូតទទួលបានលទ្ធផលជាផ្លែផ្កានេះឡើង។ ប្រទេសសិង្ហបុរី មានអាជ្ញាកណ្តាលម្នាក់បានបង្ហាញខ្លួនជាមន្រ្តីអាជ្ញាកណ្ដាលផ្នែក VAR ក្នុងការប្រកួតកីឡាអូឡាំពិកឆ្នាំ២០២០ នៅប្រទេសជប៉ុន កន្លងទៅ ហើយលោកក៏មានឈ្មោះចូលរួមកាត់សេចក្តីក្នុងព្រឹត្តិការណ៍ជើងឯកពិភពលោក World Cup ២០២២ នៅប្រទេសកាតា ផងដែរ។ ពានរង្វាន់លីគកំពូលសិង្ហបុរី មានសមាជិកចំនួន៨ក្រុម ខណៈប្រទេសអាស៊ានមួយនេះមានកូតា ទាំងក្នុងពានរង្វាន់ AFC Champions League និងពានរង្វាន់ AFC Cup ផងដែរ។ ដូច្នេះប្រទេសទាំង៣ ក្នុងតំបន់អាស៊ាន ដែលត្រូវប្រើប្រាស់ VAR ក្នុងការប្រកួតបាល់ទាត់នៅលីគកំពូលរបស់ខ្លួន មានលីគកំពូលប្រទេសថៃ លីគកំពូលប្រទេសវៀតណាម និង លីគកំពូលប្រទេសសិង្ហបុរី៕
ច័ន្ទ , 30 មករា 2023 58 អ្នកទស្សនា 9 ថ្ងៃកន្លងទៅ

អត្ថបទពេញនិយម

អត្ថបទថ្មី