×

ឯកឧត្តម ហ៊ុន ជា ចេញសារចង់ឱ្យ វណ្ណដា និង ជី ដេវីត ចាប់ដៃធ្វើបទចម្រៀងរួមគ្នា ឱ្យចម្រៀងខ្មែររីកចម្រើន 

កម្សាន្ត៖ ប៉ុន្មានថ្ងៃមកនេះសង្គ្រាម Diss Track បានផ្ទុះកក្រើកលើបណ្តាញសង្គម រហូតមានទំពាំងស្អុយពីរបានបង្កអំពើហិង្សាដាក់គ្នា ព្រោះតែគាំទ្រអាយដលពួកគេមិនគិតពីកេរ្តិ៍ឈ្មោះខ្លួន និងគ្រួសារឡើយ។ ដោយឃើញរូបភាពជះឥទ្ធិពលមិនល្អដល់សង្គមជាតិនេះ ឯកឧត្តម ហ៊ុន ជា បានចេញមុខលើកឡើងថា វណ្ណដា និង ជី ដេវីត គួរប្រើបេះដូងក្នុងនាមជាខ្មែរដូចគ្នា ចាប់ដៃសាមគ្គីគ្នា ធ្វើបទរួមគ្នា ឬធ្វើអ្វីមួយរួមគ្នាឱ្យខ្មែររីកចម្រើន ល្អជាជាងជំរុញឱ្យបែកបាក់សាមគ្គី នាំប្រទេសជិតខាងសើចយំមកប្រទេសយើងពេលឃើញខ្មែរគ្នាឯងឈ្លោះគ្នា។

គេនៅចាំបានថា តារាចម្រៀងរ៉េបល្បីឈ្មោះ វណ្ណដា បានទម្លាក់ថ្មី មានចំណងជើងថា J+0 II កាលពីយប់ថ្ងៃទី២៩ ខែតុលា បានធ្វើឱ្យបណ្តាញសង្គមផ្ទុះកក្រើកយ៉ាងខ្លាំងដោយប៉ារូចម្រៀងមុខព្រួញសម្តៅទៅលើតារាចម្រៀង ជី ដេវីត និងអ្នកនៅជិតស្និទ្ធបានក្បត់ខ្លួន។ ការបញ្ចេញបទថ្មីដោយគ្មានការព្រៀងទុក របស់តារាចម្រៀង វណ្ណដា ក្លាយជាប្រធានបទដ៏ក្តៅគគុក ហើយមិនត្រឹមតែអាយដលកំពុងមានសង្រ្គាម Diss Track ជាមួយគ្នាប៉ុណ្ណោះទេ សូម្បីតែអ្នកគាំទ្រ របស់តារាចម្រៀងទាំងសងខាងក៏បង្កជម្លោះពាក្យសម្តីទាំងក្នុងបណ្តាញសង្គម និងនៅតាមទីសាធារណៈ ថែមទៀត។

ឥទ្ធិពលអវិជ្ជមាន ដ៏ជ្រុលនិយមទៅលើការគាំទ្រអាយដលហួសហេតុនេះ បានជំរុញឱ្យ ឯកឧត្តម ហ៊ុន ជា បានចេញមុខបង្ហោះសារសម្រប សម្រួល ភាគីទាំងសងខាង វណ្ណដា និង ជី ដេវីត ដោយប្រើបេះដូងឈាមជ័រជា ខ្មែរដូចគ្នា សាមគ្គីគ្នា ធ្វើអ្វីមួយរួមគ្នាឱ្យប្រទេសរីកចម្រើន។

ឯកឧត្តម ហ៊ុន ជា បានសរសេរសំណេរកាលពីយប់ថ្ងៃទី៣១ ខែតុលា យ៉ាងដូច្នេះថា « សូមប្រើបេះដូងជាខ្មែរជួបគ្នាចាប់ដៃគ្នានិយាយគ្នា តើបងប្អូនសប្បាយចិត្ត ទេបើប្រទេសជិតខាងគេនិយាយសើចរឿង១ហ្នឹង ?សូមបងប្អូនទាំងអស់គ្នា និង Fan កុំជំរុញខ្មែរ បែកបាក់សាមគ្គី សូមប្រកួតប្រជែងគ្នាធ្វើអោយខ្មែរល្បីឈ្មោះ និង រីកចំរើន ហើយការប្រកួតប្រជែងគ្នាដើម្បីទាញយក Fans អោយគោរពស្រលាញ់ចូលចិត្តយើងវាជាចរិតពិតរបស់មនុស្សក្នុងពិភពលោកយើងហ្នឹងហើយ តែបើយើងជាខ្មែរដូចគ្នាសោះហេតុអីមិនចាប់ដៃគ្នាសាងបទអ្វី១ រឺធ្វើអ្វី១រួមគ្នា ទៅដើម្បីខ្មែររីកចំរើន បងសង្ឃឹមថាប្អូនទាំង ២ នាក់និងយល់ហើយស្រលាញ់គ្នាក្នុងនាមខ្មែរ 
VD & G.DV»។

ការលើកឡើងរបស់ ឯកឧត្តម ហ៊ុន ជា ក៏ធ្វើអ្នកលេងបណ្តាញសង្គម យល់ស្របដូចគ្នា ព្រោះថា វណ្ណដា និង ជី ដេវីត សុទ្ធតែជាមនុស្ស មានសមត្ថភាពក្នុងវិស័យ hip hop ដែលនាំឱ្យបរទេសស្គាល់អ្វីដែលជារបស់ខ្មែរ នឹងនាំឱ្យ វិស័យសិល្បៈខ្មែរកាន់តែមានភាពរីកចម្រើនទៅមុខ៕

សូមបញ្ចេញមតិនៅទីនេះ




សូមគោរពទៅតាម គោលការណ៍មួយនេះ


អត្ថបទទាក់ទង

អ្នកគាំទ្រផ្ទុះ ការងឿង.ឆ្ងល់គ្រប់គ្នា ខណៈតារាចម្រៀង សុខ ស្រីនាង បា.ត់មុខឈឹ.ងបែបនេះ

កម្សាន្ត៖ ស្របពេលតារាចម្រៀងនៅក្នុងផលិតកម្មហង្សមាសស្ទើរគ្រប់គ្នាកំពុងមមាញឹក តាមរយៈការចេញច្រៀងនៅតាមស្ថានីយទូរទស្សន៍ក៏ដូចជាឆាកប្រគំតន្រ្តី តាមបណ្តារខេត្ត ។ ប៉ុន្តែបើគេក្រឡេកមើលតារាចម្រៀងរូបស្រស់ស្រគត់ស្រគំ សុខ ស្រីនាង បែរជាស្ងាត់ដំណឹងឈឹងសូម្បីតែសកម្មភាពនៅក្នុងបណ្តាញ សង្គមក៏មិនឃើញនាងបង្ហោះរូបភាពដូចមុនដែរ ។ បើគិតមកដល់ត្រឹមថ្ងៃទី ០៦ ខែកុម្ភៈនេះរយៈពេលមួយខែគត់ដែលតារាចម្រៀ ងប្រចាំផលិតកម្មហង្សមាស សុខ ស្រីនាង មិនបានបង្ហាញសកម្មភាពឬរូប ភាពស្អាតៗចែករំលែកដល់ហ្វេន ហ្វេន នៅក្នុងតាមបណ្តាញសង្គមដូចមុនទេ ។សូម្បីបង្ហាញវត្តមាននៅតាមឆាកប្រគំតន្រ្តីនានាក៏គេមិនឃើញរូបនាងដែរ ។ ភាពស្ងប់ស្ងាត់របស់តារាចម្រៀងរូបនេះបានធ្វើឱ្យមហាជនដែលតាមដានជីវិតឯកជនរបស់តារាក្នុងសិល្បៈបានសម្តែងការងឿងឆ្ងល់ស្ទើរគ្រប់គ្នាដោយមានការលើកឡើងផ្សេងៗគ្នា។ ដោយអ្នកខ្លះបាននិយាយថា«សុខ ស្រីនាង បាត់ទៅ ណាឬក៏ឈប់ពីសិល្បៈទេដឹង?»«គាត់ចប់កិច្ចសន្យាជាមួយផលិតកម្មហង្ស មាសហើយរង់ចាំចេញមុខនៅកន្លែងថ្មី» «តិច សុខ ស្រីនាង មានបញ្ហាសុខ ភាពបានជាស្ងាត់បែបនេះ»មិនតែប៉ុណ្ណោះក៏មានអ្នកខ្លះទៀតបានសង្ស័យថា «សុខ ស្រីនាង សំងំកែសម្ជស្សថែមទៀតផង » ទាំងនេះគ្រាន់តែជាមតិលើកឡើងរបស់អ្នកគាំទ្រតារាចម្រៀង សុខ ស្រីនាងខណៈនាងស្ងប់ស្ងាត់សកម្មភាពបែបនេះ ។ មិនទាន់មានការបញ្ជាក់ច្បាស់ លាស់ទាក់ទងជាមួយនឹងបាត់មុខ របស់តារាចម្រៀង សុខ ស្រីនាង នៅឡើយ ទេ ។ សុខ ស្រីនាង គឺជាតារាចម្រៀងលំដាប់ជួរមុខនៅក្នុងផលិតកម្មហង្ស មាសដោយនាងទទួលបានការស្រឡាញ់ពេញចិត្តពីសំណាក់មហាជនច្រើ់ន ជាពិសេសតាមរយៈរូបសម្រស់ស្រស់ស្អាតបែបធម្មជាតិរួមនឹងស្ទីលរៀបចំខ្លួន បែបសុភាពៗតែមើលទៅទាក់ភ្នែកជាខ្លាំង ។ ក្រៅពីមានបទចម្រៀងពីរោះៗជា បន្តបន្ទាប់តារាចម្រៀងរូបរាងតូចស្រឡូនរូបនេះក៏ធ្លាប់ត្រូវផលិតកម្មជ្រោមជ្រែងដោយផ្តល់តំណែងជាគណៈកម្មាការនៅក្នុងកម្មវិធីប្រឡងចម្រៀងCambodia Idol Junior កាលពីអំឡុងឆ្នាំ ២០១៩៕
ច័ន្ទ , 06 កុម្ភៈ 2023 103 អ្នកទស្សនា 13 ម៉ោងកន្លងទៅ

ជេ ស៊ីកា រងពាក្យរិះគ.ន់ពីមហាជន ក្រោយបញ្ចេញវីដេអូរោ-លរា.លជាមួយ ប៉ែន ភក្រ័សុធារិទ្ធ

កម្សាន្ត៖ គេចាំបានថា រឿងរ៉ាវរវាង ស្កាយ និង រាជ ត្រូវមហាជនរិះគន់យ៉ាងកក្រើកកាលពីប៉ុន្មានខែមុន ដោយសារតែរឿងនេះ ជារឿងប្រភេទ១៨ បូក ហើយការសម្តែងវិញគឺលក្ខណៈស្តែងៗខ្លាំង។ ខណៈពេលនេះ មហាជនអ្នកលេងបណ្តាញសង្គមចាប់ផ្តើមរិះគន់តារាសម្តែង ជេ ស៊ីកា វិញម្តងក្រោយពីនាងបានបង្ហោះវីដេអូក្តៅរោលរាលជាមួយតារាសម្តែងប្រុស ប៉ែន ភក្រ័សុធារិទ្ធ។ តារាសម្តែងស៊ិចស៊ី ជេ ស៊ីកា ដែលមានឈ្មោះពិតថា តាន់ សុផា កំពុងកើន ប្រជាប្រិយភាពគួរឱ្យកត់សម្គាល់ក្នុងអាជីពសិល្បៈ ក្តោបឱកាសជាតួឯកស្រី និង សម្តែងក្នុង MV ជាមួយតារាល្បីដូចជា សួ វិចិត្រ ជាដើមរហូតធ្លាយព័ត៌មានចចាមអារ៉ាមថា តារាស្រីរូបនេះកំពុងបង្កាត់ភ្លើងស្នេហ៍ជាមួយម្ចាស់ពាន Beat The Best ។ ទោះយ៉ាងណា នៅពេលថ្មីៗនេះមហាជនចាប់ផ្តើមរិះគន់តារាសម្តែង ជេ ស៊ីកា យ៉ាងចាស់ដៃ ក្រោយពីនាងបង្ហោះវីដេអូរោលរាលជាមួយតារាសម្តែងប្រុស ប៉ែន ភក្រ័សុធារិទ្ធ នៅលើបណ្តាញសង្គមទិកតុកទំនងជាអ្នកទាំងពីរកំពុងថតរូបប្រម៉ូតរឿងថ្មី។ អ្នកលេងបណ្តាញសង្គមបានចូលទៅខំមិនរិះគន់ថា «ដើម្បីអាហារ៣ពេល សុំទោសដែលនិយាយត្រង់», «ឱ្យតែបានលុយសុំទោសនិយាយលេងទេ» , «ខ្មែរឥឡូវថតច្បាស់ៗ» ,«ខាងស្រីប្រឹងទាញរ៉ូបខ្លាចគេថតមិនឃើញ» ,«ចុមថតរឿនជប៉ុនមែន» «ការថតមិនសូវសមព្រោះពាក់ស៊ិចស៊ីពេក» ,«ហួសហេតុ» «រលាយអស់ហើយវប្បធម៌ខ្មែរ» «ដើម្បីលុយធ្វើអីក៏បានដែរ»៕ សូមទស្សនាវីដេអូខាងក្រោម៖ https://www.tiktok.com/@jessica__ka08/video/7196627903763844379
ច័ន្ទ , 06 កុម្ភៈ 2023 65 អ្នកទស្សនា 15 ម៉ោងកន្លងទៅ

បទថ្មីរបស់ ចំរើន សុភ័ក្រ ចា.ក់ដោតខ្លាំងរហូត កែវ សុបញ្ញា លើកឡើងថាដូចសាច់រឿងពិតរបស់ ផេនខេត

កម្សាន្ត៖ នៅយប់ថ្ងៃទី៣ ខែកុម្ភៈ ផលិតកម្មហង្សមាស បានទម្លាក់បទថ្មីរបស់ម្ចាស់ពាន The mask Singer Cambodia  កញ្ញា ចំរើន សុភ័ក្រ មានចំណងជើងថា «ប្តីខ្ញុំហៅគេប្តី» ធ្វើឱ្យមហាជនចាប់អារម្មណ៍បទនេះយ៉ាងខ្លាំង ព្រោះបទថ្មីនេះ ហាក់ឆ្លុះបញ្ចាំងដូចសាច់រឿងពិតនាសង្គមបច្ចុប្បន្ន សូម្បីតារាចម្រៀង កែវ សុបញ្ញា ក៏បានលើកឡើងថាបទថ្មីនេះ ដូចសាច់រឿងពិតរបស់តារាកំប្លែង ផេន ខេត ផងដែរ។ កញ្ញា ចំរើន សុភ័ក្រ គឺជាតារាចម្រៀងមួយរូ​បនៅក្នុងផលិតកម្មហង្សមាស និងជាម្ចាស់ពានកម្មវិធីលំដាប់លោក The mask Singer Cambodia ។ ដ្បិតថាមិនមែនជាតារាចម្រៀងលំដាប់កំពូលនៅក្នុងទ្រនំហង្សមាសក្តី ប៉ុន្តែតារាចម្រៀងរូបនេះក៏ទទួលបានការងារសិល្បៈជាហូរហែទៅតាមកម្មវិធីផ្សេងៗ ព្រោះនាងគឺជាតារាចម្រៀងពោរពេញដោយទេពកោសល្យ មិនថាបទបុរាណ ឬសម័យ ចំរើន សុភ័ក្រ អាចបកស្រាយបានដោយរលូន និងមានទឹកដមសំឡេងពីរោះក្រអួនក្រអៅ។ យ៉ាងណាមិញ នាយប់ថ្ងៃទី៣ ខែកុម្ភៈ ផលិតកម្មហង្សមាស បានទម្លាក់បទថ្មី មានចំណងជើងថា «ប្តីខ្ញុំហៅគេប្តី» ដែលបទចម្រៀងមួយបទនេះកំពុង ទទួលបានការចាប់អារម្មណ៍ពីមហាជនយ៉ាងខ្លាំង ដោយសារតែបទនេះវា ពិតជាបានកើតឡើងនៅក្នុងសង្គមពិតមែន។ ដោយសារតែបទថ្មីរបស់តារាចម្រៀងខាងលើនេះចាក់ដោតខ្លាំងពេក សូម្បីតារាចម្រៀងរួមទ្រនំ កែវ សុបញ្ញា ក៏បានលើកឡើងថា ដូចសាច់រឿងពិតរបស់ ផេន ខេត។ គួររម្លឹកផងដែរថា កាលពីខែមេសា ឆ្នាំ២០២២ កន្លងទៅ តារាកំប្លែង ផេន ខេត បានបែកចែកផ្លូវជាមួយស្វាមី ក្រោយរៀបការមិនបានប៉ុន្មានខែ ដោយតារាកំប្លែងភេទទី៣រូបនេះតាមទាន់ជាន់កែងស្វាមីកំពុងរួមរស់ជាមួយបុរសដូចគ្នា៕ សូមទស្សនាវីដេអូខាងក្រោម៖ https://youtu.be/FwlTb7FWDD8              
សៅរ៍ , 04 កុម្ភៈ 2023 123 អ្នកទស្សនា 3 ថ្ងៃកន្លងទៅ

វីដេអូរាំរបស់អតីត Miss Grand Cambodia 2021 ប៉ូគឹមថេង សុទ្ធធីតា កំពុងត្រូវបានមហា.ជនរិះ.គន់ព្រាតថាសិច.ស៊ីហួសហេតុមិនសមជានា-រីខ្មែរ

កម្សាន្ត៖ ថ្មីៗនេះមានការចាប់អារម្មណ៍ជាខ្លាំងក្រោយឃើញវីដេអូខ្លីរាំបទ«រង្គើរ»របស់អតីត Miss Grand Cambodia 2021 ប៉ូគឹមថេង សុទ្ធធីតា កំពុងទទួលទទួលបានការបញ្ចេញមតិវាយប្រហារពីសំណាក់អ្នកលេងបណ្តាញសង្គមដោយមានទាំងអ្នករិះគន់និងអ្នកលើកទឹកចិត្ត ។ ដ្បិតបញ្ចប់តំណែង Miss Grand Cambodia 2021ទៅហើយក្តី តែស្រីស្អាត ប៉ូគឹមថេង សុទ្ធធីតា ​នៅតែទទួលបានការស្រឡាញ់ពេញចិត្តពីសំណាក់មហា ជនជាច្រើន។ ជាពិសេសតាមរយៈរូបសម្រស់ក៏ដូចជាសមត្ថភាពរបស់នាង ក្នុងការប្រកួតដណ្តើមមកុដលើឆាកអន្តរជាតិនាពេលកន្លងមក ។  ប៉ុន្តែយ៉ាង ណាពេលនេះស្រីស្អាតវ័យ ២៣ឆ្នាំរូបនេះកំពុងទទួលរងការរិះគន់ពីសំណាក់ មហាជន ខណៈកាលពីថ្ងៃទី ០៣ ម្សិលមិញនេះនាងបានបង្ហោះ​វីដេអូមួយ ក្នុងឈុត សម្លៀកបំពាក់ហែលទឹកពណ៌លឿងស្រស់បញ្ចេញសុដនទ្រលុក ទ្រលន់យ៉ាងសិចស៊ីអមជាមួយកាយវិការរាំនៅក្នុងបទ«រង្គើរ»ឃើញហើយពិតជាទាក់ទាញជាខ្លាំង ។ វីដេអូរបស់អតីត Miss Grand Cambodia 2021 រូបនេះទទួលបានការ ចាប់អារម្មណ៍ចូលទស្សនាពីសំណាក់អ្នកលេងបណ្តាញសង្គមជាច្រើន ។ ប៉ុន្តែក្នុងនោះក៏មានការបញ្ចេញមតិរិះគន់ដល់ស្រីស្អាតរូបនេះដោយមានការបញ្ចេញមតិថា«សម្រាបខ្ញុំប្អូនស្រីមានសម្រស់ស្អាត តែទាស់តែ ការស្លៀក ពាក់ទេចរិកសរជាតិមាយាទសរត្រកូលអាចមើលគំរូតារាជំនាន់មុនការស្លៀកពាក់គេសមរម្យថ្លៃថ្នូរណាស់មិនមែនស្អាតទាល់តែសិចស៊ីនោះទេ» «ម៉ូឌនេះសម្រា ប់មុជទឹកគេឃើញមួយភ្លែតតែប៉ុណ្ណាះមិនមែនមកឈររាំឱ្យគេមើលច្បាស់អីចឹងទេទុកមុខឱ្យនារីផ្សេងផង » «កេរ្តិ៍ខ្មាស់ទៅណាហើយមើលអ្នកតំណាងស្លៀក ពាក់»«ដើម្បីលុយ»«អាក្រក់អាក្រីណាស់»«លុបចោលទៅប្អូនស្រីអាក្រក់មើលណាស់យើងជាស្ត្រីខ្មែរ»«សិចស៊ីពេកហើយស៊ីស»ជាដើម។ដ្បិតមិនបានតបតជាមួយការរិះគន់ទាំងនេះក្តី តែ ប៉ូគឹមថេង សុទ្ធធីតា បញ្ជាក់ថានេះជាវីដេអូ ចាស់ដែលនាងថតឈុតហែលទឹកក្នុងពេលប្រកួត Miss Grand Cambodia 2021 កន្លងទៅ ។ មិនមែនជាលើកដំបូងទេកាលពីដើមឆ្នាំ ២០២២ បវរកញ្ញាសម្បុរស្រអែមស្រស់ រូបនេះធ្លាប់រងការរិះគន់ម្តងរួចមកហើយក្រោយនាងបានសម្ញែងរូបភាពមួយសន្លឹកក្នុងសម្លៀកបំពាក់សិចស៊ីចំហរដើមទ្រូង។ ប៉ុន្តែយ៉ាងណាកាលណោះស្រីស្រស់រូបនេះបានចេញមុខសុំទោសមហាជនចំពោះការស្លៀកពាក់ហួសហេតុបែបនេះ។  គួរបញ្ជាក់ថាមុនទទួលតំណែង Miss Grand Cambodia 2021 ប៉ូគឹម ថេង សុទ្ធធីតា      ធ្លាប់បានគ្រងមកុដជ័យលាភី លេខ៤ ក្នុងកម្មវិធី Miss City Tourism World 2017 ពីប្រទេសចិន និងធ្លាប់ជាកញ្ញាឯកអាស៊ីប៉ាស៊ី ហ្វិកអន្តរជាតិកម្ពុជាឆ្នាំ ២០១៩ ផងដែរ៕ https://www.facebook.com/112687434522511/videos/710217360506406      
សៅរ៍ , 04 កុម្ភៈ 2023 5K អ្នកទស្សនា 3 ថ្ងៃកន្លងទៅ

ស៊ូ ស៊ីរីកា ដើរចេញពីទ្រនំ ថោន ទាំងគ្មានស្រ.ណោះ ខណៈ ជ្រក៨ឆ្នាំ ចេញបទចម្រៀងបានតិចហួសពីការស្មាន

កម្សាន្ត៖ មានការចាប់អារម្មណ៍ជាខ្លាំងខណៈតារាចម្រៀង ស៊ូ ស៊ីរីកា បានប្រកាសជា សាធារណៈដើរចេញពីផលិតកម្ម ថោន ដោយមិនអាល័យក្រោយពីបានរួមទ្រនំមួយនេះអស់រយៈពេលច្រើនឆ្នាំ។ អ្វីដែលមិនគួរឱ្យជឿរយៈពេល ៨ឆ្នាំ នៅ ទ្រនំមួយនេះតារាចម្រៀងសម្បុរស្រអែមរូបនេះថតចម្រៀងបានតែ២០ បទ ប៉ុណ្ណាះ ។ ស៊ូ ស៊ីរីកា ត្រូវបានគេចាត់ទុកជាតារាចម្រៀងដែលមានសំលេងខ្ពស់ដែលក្រៅពី ច្រៀងបទជាភាសាខ្មែរនាងក៏អាចច្រៀងបទជាភាសាអង់ គ្លេសបានយ៉ាងល្អ ។ ម្ចាស់បទ«ស្រឡាញ់បងលើសហើយ»ក៏ជាគ្រាប់ពេជ្រនៅក្នុងផលិតកម្ម ថោន ប៉ុន្តែមួយរយៈចុងក្រោយនេះនាងហាក់មិន មានបទចម្រៀងថ្មីៗ សម្រាប់អ្នក គាំទ្រឡើយ ។ ផ្ទុយទៅវិញនៅព្រឹកថ្ងៃទី ០៣នេះ តារាចម្រៀង ស៊ូ ស៊ីរីកា បានបង្ហោះសារនៅក្នុងហ្វេសប៊ុកដែល មានអត្ថន័យថា« នាងខ្ញុំ ស៊ូ ស៊ីរីកា សូមគោពរជម្រាបសួរ ពុកម៉ែបងប្អូនអ្នកគ្រាំទ្រ ទាំងអស់គ្នា អោយបាន ជ្រាបថា នាងខ្ញុំ ស៊ូ ស៊ីរីកា បានចាកចេញពីផលិតកម្ម ថោន ហើយ ។ នាង ខ្ញុំ សូមអរគុណដល់មេទាំងពីរនាក់ដែលបានផ្ដល់ឱកាសដល់រូបនាងខ្ញុំ និង បងៗ ក្រុមកាងារទាំងអស់គ្នា ដែលបានរួមកាងារជាមួយគ្នា រយះពេល 8ឆ្នាំកន្លងមក ហើយសង្ឃឹមថាបងប្អូនទាំងអស់គ្នានិងសប្បាយចិត្ត និងការសម្រេចចិត្ត របស់នាងខ្ញុំ។ ដោយហេតុមួយរយៈនេះនាងខ្ញុំកំពុងតែរវល់ជាមួយកាងារ ផ្ទាល់ខ្លួនខ្លះៗ ហើយក៏កំពុងតែត្រៀមនាំយកស្នាដៃថ្មីៗ ដែលអ្នកគ្រាំទ្រកំពុង តែរង់ចាំផងដែរ នាងខ្ញុំ ស៊ូ ស៊ីរីកា សូមផ្ញើររូបនាងខ្ញុំ ជាមួយការវិលត្រលប់មក ជាថ្មី និងស្នាដៃថ្មី ប្លែក សង្ឃឹមថារិតតែមានកាគ្រាំទ្រពីបងប្អូន ពុកម៉ែបងប្អូន ជាទី ស្រលាញ់ទាំងអស់គ្នាសូមអរគុណ »។ ការប្រកាសចាកចេញរបស់តារាចម្រៀង ស៊ូ ស៊ីរីកា ពីទ្រនំថោនបានធ្វើឱ្យអ្នក គាំទ្រភ្ញាក់ផ្អើលនឹងចង់ដឹងថាក្រោយចាកចេញពីទ្រនំមួយនេះតើតារាចម្រៀង រូបនេះនឹងទៅផលិតកម្មណាបន្ត? ជួបជាមួយ Lee News តាមទូរស័ព្ទ ស៊ូ ស៊ីរីកា បានទទួលស្គាល់ថាពិតជាចាកចេញពីផលិតកម្មថោនពិតមែន តែយ៉ាង ណានាងសុំតែសុខទេមិនចង់និយាយអ្វីវែងឆ្ងាយឡើយ ។ ទោះជាទទួលស្គាល់ ថា មានបញ្ហាខ្លះៗនៅពីក្រោយការចាកចេញពីទ្រនំថោនក្តី តែនាងសុំមិននិយា យអ្វីឡើយ ។ អ្វីដែលធ្វើឱ្យអ្នកគាំទ្រមានការចាប់អារម្មណ៍នោះតារាចម្រៀង ស៊ូ ស៊ីរីកា បានប្រាប់ថារយៈពេល ៨ឆ្នាំ នៅក្នុងទ្រនំមួយនេះនាងថតបទចម្រៀងបានតែ ២០បទទេ ។ក្រោយពីប្រកាសដើរចេញពីផលិតកម្មថោន ស៊ូ ស៊ីរីកា ថាមាន ផលិតកម្មមួយចំនួនបានទាក់ទងជាហូរហែរតែនាងសុំពេលបន្តិចមិនទាន់គិតថាត្រូវចូលផលិតកម្មណាឬធ្វើជាតារាចម្រៀងឯករាជ្យឡើយ។ប៉ុន្តែរំពឹងថាអ្នក គាំទ្រ នឹងទទួលបានសកម្មភាពថ្មីៗរបស់នាងនៅក្នុងពេលខាងមុខ៕
សៅរ៍ , 04 កុម្ភៈ 2023 98 អ្នកទស្សនា 3 ថ្ងៃកន្លងទៅ

អត្ថបទពេញនិយម

អត្ថបទថ្មី