×

Messi គ្មានឈ្មោះក្នុងបញ្ជីបេក្ខភាព Ballon d'Or ទាំង៣០នាក់ ជាលើកដំបូងចាប់តាំងពីឆ្នាំ ២០០៥

(បាល់ទាត់)៖ ចុងបញ្ចប់នៃយុគសម័យម្ចាស់ពានរង្វាន់ Ballon d'Or ប្រាំពីរសម័យ Lionel Messi បានចាកចេញពីបញ្ជីឈ្មោះបេក្ខភាព Ballon d'Or កីឡាករទាំង 30 ជាលើកដំបូងចាប់តាំងពីឆ្នាំ 2005 ខណៈគូប្រជែងរបស់ខ្លួន Ronaldo មានឈ្មោះក្នុងបញ្ជីនេះ។

Messi ដែលបានឈ្នះពានកាលពីឆ្នាំមុន ធ្លាប់មានវត្តមានក្នុងចំណោមបេក្ខភាពទាំង៣០នាក់ ចាប់តាំងពីឆ្នាំ 2005 និងជាបេក្ខភាពបីនាក់ចុងក្រោយ ចាប់តាំងពីឆ្នាំ 2007 លើកលែងតែឆ្នាំ 2018 ប៉ុណ្ណោះ។ ប៉ុន្តែ Messi ដែលមានអាយុ 35 ឆ្នាំ បានខកខានពានរង្វាន់ឆ្នាំ 2022នេះ បន្ទាប់ពីគាត់បានផ្លាស់ប្តូរពី Barcelona ទៅរដ្ឋធានីបារាំង។

មិត្តរួមក្រុមរបស់ Messi កីឡាករ Neymar ក៏ស្ថិតក្នុងចំណោមអ្នកដែលមិនមានឈ្មោះក្នុងបញ្ជីដែរ ខណៈដែលអតីតគូប្រជែង La Liga របស់កីឡាករអាហ្សង់ទីនរូបនេះ គឺ Cristiano Ronaldo មានឈ្មោះក្នុងបញ្ជី។

យោងតាម France Football ដែលបានចេញផ្សាយកាលពីថ្ងៃសុក្រ បានបង្ហាញថា Karim Benzema គឺ​មានសំលេង​លើស​លប់ ​បន្ទាប់​ពី​ការ​ឈ្នះ​ពាន Champions League ជា​លើក​ទី ១៤ របស់ Real Madrid។ គាត់បានបញ្ចប់យុទ្ធនាការអឺរ៉ុប ជាមួយនឹងគ្រាប់បាល់ 15 គ្រាប់។ Benzema ទំនងជាក្លាយជាអ្នកឈ្នះពាននេះទីប្រាំរបស់បារាំង បន្ទាប់ពី Raymond Kopa (1958), Michel Platini (1983, 1984, 1985), Jean-Pierre Papin (1991) និង Zinedine Zidane (1998) ។

បញ្ជីឈ្មោះបេក្ខភាពដែលនៅសល់រួមមាន៖ Thibaut Courtois, Mohamed Salah ,Rafael Leao, Christopher Nkunku, Joshua Kimmich, Trent Alexander-Arnold, Vinicius Jr , Bernardo Silva, Luis Diaz, Robert Lewandowski, Riyad Mahrez, Casemiro, Heung-Min Son, Fabinho, Karim Benzema , Mike Maignan, Harry Kane , Darwin Nunez , Phil Foden, Sadio Mane, Sebastien Haller, Luka Modric, Antonio Rudiger, Cristiano Ronaldo, Kevin de Bruyne, Dusan Vlahovic, Virgil van Dijk, Joao Cancelo, Erling Haaland និង Kylian Mbappe។

គួរបញ្ជាក់ថា កីឡាករអាហ្សង់ទីន ទទួលបានពានរង្វាន់ Ballon d'Or ដំបូងរបស់គាត់ក្នុងឆ្នាំ 2005។ Messi បានបញ្ចប់ក្នុងបេក្ខភាពទាំងបីរៀងរាល់ឆ្នាំពីឆ្នាំ 2007-2018 ដោយឈ្នះពានរង្វាន់នេះចំនួន 5 ដង ក្នុងអំឡុងពេលនោះ។ បន្ទាប់ពីខកខានក្នុងឆ្នាំ 2018 គាត់បានឈ្នះពានរង្វាន់ទាំង 2019 និង 2021 ដោយ Ballon d'Or មិនត្រូវបានផ្តល់ឱ្យនៅឆ្នាំ 2020 ដែលជាលទ្ធផលនៃជំងឺរាតត្បាត៕

សូមបញ្ចេញមតិនៅទីនេះ




សូមគោរពទៅតាម គោលការណ៍មួយនេះ


អត្ថបទទាក់ទង

កីឡាករ Aubameyang មិនអាចចាកចេញពីទឹកដីអង់គ្លេសបានទេ ក្រោមច្បាប់របស់ FIFA

កីឡាករ Pierre-Emerick Aubameyang ត្រូវបានគេរាយការណ៍ថា មានការចាប់អារម្មណ៍ពីក្លឹប Atletico Madrid និង AC Milan យ៉ាងខ្លាំងកាលពីខែមករា ប៉ុន្តែតាមច្បាប់របស់ FIFA ខ្សែប្រយុទ្ធរបស់ក្លឹបតោខៀវ Chelsea ម្នាក់នេះ នៅមិនអាចចាកចេញពីក្លឹប Chelsea បានទេ។ ពោលគឺ Aubameyang ធ្លាប់បានផ្លាស់ប្ដូរពីក្លឹបអ្នកមានបុណ្យ Barcelona មកកាន់ Chelsea ក្នុងរដូវកាល ២០២២-២០២៣ ហើយបើតាមច្បាប់របស់ FIFA គឺគ្មានកីឡាករណាម្នាក់អាចផ្លាស់ប្តូរក្លឹបលើសពី ២ ក្នុងមួយរដូវកាលនោះឡើយ។ បើទោះបីជាគាត់ចង់វិញត្រឡប់ទៅកាន់ទឹកដី Camp Nou ក៏មិនមានសង្ឃឹមនោះដែរ ដោយសារក្លឹបចាស់ Barcelona មិនអាចចរចាលើកិច្ចព្រមព្រៀងថ្មីឱ្យគាត់ នៅពេលដែលក្លឹបនេះកំពុងមានបញ្ហាផ្នែកហិរញ្ញវត្ថុ។ ក្រឡេកទៅមើល Chelsea ឯណោះវិញ គិតត្រឹមទីផ្សារដោះដូរក្នុងខែមករាតែមួយ ក្លឹបនេះបានរកចំណូលថ្មីរហូតដល់ទៅ ៧នាក់ ខណៈមានចាកចេញតែកីឡាករម្នាក់ប៉ុណ្ណោះ ស្របពេលដែល Aubameyang ពុំមានវត្តមានឱ្យ Chelsea ទទល់ជាមួយក្រុម Fulham ក្នុងប្រកួតថ្មីចុងក្រោយនេះឡើយ៕ អត្ថបទ៖ លីដា ប្រភព៖ GOAL
ច័ន្ទ , 06 កុម្ភៈ 2023 5 អ្នកទស្សនា 9 ម៉ោងកន្លងទៅ

១គ្រាប់យកឈ្នះ Man City យប់មិញ បង្កើតប្រវត្តិសាស្ត្រឱ្យ Kane ក្លាយជាកីឡាករមានគ្រាប់បាល់ច្រើនបំផុតសម្រាប់ Spur

Harry Kane បានក្លាយជាអ្នកស៊ុតបញ្ចូលទីច្រើនបំផុតគ្រប់ពេលវេលាឱ្យក្លឹប Tottenham Hotspur វ៉ាដាច់កីឡាករ Jimmy Greaves ខណៈដែលគ្រាប់បាល់ទី២៦៧របស់គាត់ បានបង្អាក់ដំណើរដណ្ដើមពាន Premier League របស់ក្លឹប Manchester City យ៉ាងគួរឱ្យភ្ញាក់ផ្អើល។ ប្រធានក្រុមអង់គ្លេសរូបនេះ បានស៊ុតបញ្ចូលទីពីចម្ងាយ ៩ម៉ែត្រ នៅក្នុងប្រអប់គ្រោះថ្នាក់ បន្ទាប់ពីការបញ្ជូនយ៉ាងល្អពី Pierre-Emile Hojbjerg។ អ្នកគាំទ្របានលោតចេញពីកន្លែងអង្គុយ ដើម្បីអបអរសាទរខ្សែប្រយុទ្ធវ័យ ២៩ឆ្នាំរូបនេះ ខណៈពេលដែលសារមួយបានផុសឡើងនៅលើតារាងពិន្ទុ ដែលសរសេរថា «សូមអបអរសាទរ Harry Kane»។ ការបញ្ចប់នៅនាទីទី១៥ ក៏ជាគ្រាប់ទី២០០ របស់ Kane នៅលើក្របខណ្ឌ Premier League ផងដែរ ដោយមានតែកីឡាករ Alan Shearer (មាន ២៦០ គ្រាប់) និង Wayne Rooney (២០៨គ្រាប់) ស៊ុតបញ្ចូលទីបានច្រើនជាងនេះ។ ការយកឈ្នះលើក្លឹប Manchester City គឺគ្មានវត្តមានគ្រូបង្វឹក Antonio Conte នោះទេ ដោយសារគាត់កំពុងសម្រាកនៅផ្ទះ បន្ទាប់ពីការវះកាត់ដើម្បីថង់ទឹកប្រមាត់។ វាគឺជាជំនួប Premier League លើកទី២ រវាងក្រុមទាំង ២ ក្នុងរយៈពេល ១៧ថ្ងៃ បន្ទាប់ពី Manchester City បានឈ្នះ Tottenham Hotspur ក្នុងលទ្ធផល ៤-២ នៅកីឡដ្ឋាន Etihad Stadium កាលពីថ្ងៃទី១៩ ខែមករា៕ អត្ថបទ៖ លីដា ប្រភព៖ BBC
ច័ន្ទ , 06 កុម្ភៈ 2023 27 អ្នកទស្សនា 16 ម៉ោងកន្លងទៅ

ក្លិបអ្នកមានសម័យថ្មី ISI ដង្កោសែនជ័យ នាំចូលកីឡាករ ចំណូលថ្មី ១០នាក់ ត្រៀម League Cup ២០២៣

ក្លិបបាល់ទាត់ អាយ អេស អាយដង្កោសែនជ័យ ក្រោមការដឹកនាំរបស់ លោក John Botioba បានប្រកាសនាំចូលកីឡាករទី១០ គឺខ្សែប្រយុទ្ធ សារី តៃម៉ូ អតីតយុវជនបឹងកេត និងកីឡាកររបស់កោះកុងអេហ្វស៊ី ត្រៀមសម្រាប់ពានរង្វាន់ Cambodian League Cup រដូវកាល ២០២៣។ កីឡាករចំណូលទាំង១០រូបរបស់ អាយ អេស អាយដង្កោសែនជ័យ៖ NDONGO LOUIS WILLY SAMURA UMARU លី មីហ្សាន ហេង ប៉ោឡេង ជា ច័ន្ទដារ៉ា រ៉េត កាត្តាមី កែវ សារ៉ាត់ ត្រាយ វិចិត្រ YANAGIDATE KAZU សារី តៃម៉ូ ក្រៅពីការនាំចូលកីឡាករ ពេលនេះក្លិប ក៏បានបន្តកុងត្រាថ្មីជាមួយកីឡាករ ធួរ គាសេង, ប្រាក់ សុវណ្ណពិសិដ្ឋ, COULIBALY ABDEL KADER, ដោ រ៉ូហ៉្សាន់, ឌុច សុភា, អេល តហៀត, ឆេង​ ចាន់ថា, ចាន់ ហួង, អ៊ុន សុទ្ធរិទ្ធ, យ៉ា ម៉ាត់, សុន សុវណ្ណរទ្ធី និង កែម វ៉ាន់ដា។ គួរឲ្យដឹងថា ក្លិបបាល់ទាត់ ISI ដង្កោសែនជ័យ ស្ថិតនៅពូល B នៃពានរង្វាន់ Cambodian League Cup 2023 ជាមួយ ព្រះខ័នរាជស្វាយរៀង, ភ្នំពេញក្រោន, អង្គរថាយហ្គឺរ, ណាហ្គាវើលដ៍, នគរបាលជាតិ, សូលទីឡូអង្គរ ខណ:ពូល A មានក្លិបបាល់ទាត់គិរីវង់សុខសែនជ័យ វិសាខា, បឹងកេត, , Tiffy Army FC, អគ្គិសនីកម្ពុជា, កោះកុង និង ព្រៃវែង ខណ:ពូល B មាន ៕
ច័ន្ទ , 30 មករា 2023 101 អ្នកទស្សនា 8 ថ្ងៃកន្លងទៅ

សិង្ហបុរី សាកល្បងប្រើប្រាស់ VAR មុនលីគកំពូលរបស់ខ្លួនចាប់ផ្តើម

បន្ទាប់ពីសហព័ន្ធកីឡាបាល់ទាត់សិង្ហបុរី បានប្រកាសថា នឹងរៀបចំប្រើប្រាស់វីដេអូជំនួយការអាជ្ញាកណ្ដាល (VAR) នៅក្នុងការប្រកួតបាល់ទាត់លីគកំពូល Singapore Premier League រដូវកាល ២០២៣ ដែលគ្រោងនឹងចាប់នៅថ្ងៃទី២៤ ខែកុម្ភ: ខាងមុខនេះ។ ពេលនេះ ពួកគេចាប់ផ្តើមសាកល្បងប្រើប្រាស់ VAR ហើយក្នុងជំនួបមិត្តភាពការប្រកួតក្នុងស្រុក, បន្ទាប់ពីឆ្លងកាត់ការវាយតម្លៃចុងក្រោយដោយស្ថាប័នគ្រប់គ្រងពិភពលោក FIFA ហើយត្រូវបានផ្តល់ភ្លើងខៀវ ដែលធ្វើឱ្យប្រទេសសិង្ហបុរី ក្លាយជាប្រទេសទី៣ នៅក្នុងតំបន់អាស៊ាន ប្រើប្រាស់បច្ចេកវិទ្យាទំនើបមួយនេះ។ នាយកផ្នែកអាជ្ញាកណ្ដាលបាល់ទាត់ប្រចាំសហព័ន្ធ លោក Nazeer Hussain បានថ្លែងអំណរគុណដល់ក្រុមអាជ្ញាកណ្ដាល និងមន្រ្តីរបស់សហព័ន្ធ ដែលរួមគ្នារហូតទទួលបានលទ្ធផលជាផ្លែផ្កានេះឡើង។ ប្រទេសសិង្ហបុរី មានអាជ្ញាកណ្តាលម្នាក់បានបង្ហាញខ្លួនជាមន្រ្តីអាជ្ញាកណ្ដាលផ្នែក VAR ក្នុងការប្រកួតកីឡាអូឡាំពិកឆ្នាំ២០២០ នៅប្រទេសជប៉ុន កន្លងទៅ ហើយលោកក៏មានឈ្មោះចូលរួមកាត់សេចក្តីក្នុងព្រឹត្តិការណ៍ជើងឯកពិភពលោក World Cup ២០២២ នៅប្រទេសកាតា ផងដែរ។ ពានរង្វាន់លីគកំពូលសិង្ហបុរី មានសមាជិកចំនួន៨ក្រុម ខណៈប្រទេសអាស៊ានមួយនេះមានកូតា ទាំងក្នុងពានរង្វាន់ AFC Champions League និងពានរង្វាន់ AFC Cup ផងដែរ។ ដូច្នេះប្រទេសទាំង៣ ក្នុងតំបន់អាស៊ាន ដែលត្រូវប្រើប្រាស់ VAR ក្នុងការប្រកួតបាល់ទាត់នៅលីគកំពូលរបស់ខ្លួន មានលីគកំពូលប្រទេសថៃ លីគកំពូលប្រទេសវៀតណាម និង លីគកំពូលប្រទេសសិង្ហបុរី៕
ច័ន្ទ , 30 មករា 2023 52 អ្នកទស្សនា 8 ថ្ងៃកន្លងទៅ

ទីបំផុត! បែកធ្លាយមូលហេតុ Ronaldo ចែកផ្លូវជាមួយភ្នាក់ងារលោក Jorge Mendes

កាលពីដើមខែមករា Cristiano Ronaldo និងភ្នាក់ងារគឺលោក Jorge Mendes បានសម្រេចចែកផ្លូវគ្នា ដោយសារការមិនចុះសម្រុងគ្នាលើទិសដៅថ្មីរបស់ CR7 ខណៈមូលហេតុនៃការចែកផ្លូវនោះ មិនបានទម្លាយឲ្យដឹងច្បាស់នោះទេ។ ក៏ប៉ុន្តែពេលនេះអ្វីៗកាន់តែច្បាស់នៅពេលដែលកាសែត El Mundo បានសរសេរថា កីឡាករវ័យ ៣៧ឆ្នាំ Ronaldo បានផ្ញើ "ឱសានវាទ" ទៅ លោក Mendes ជាមួយនឹងខ្លឹមសារថា "ផ្តល់ឲ្យខ្ញុំទៅ Chelsea ឬ Bayern ឬយើងឈប់នៅទីនេះ!"។ ដូច្នេះមានន័យថា ការចែកផ្លូវរបស់ពួកគេទាំងពីរ គឺដោយសារមូលហេតុនេះ។ ជាការពិតណាស់ ថ្វីដ្បិតតែមានទេពកោសល្យ និងកេរ្តិ៍ឈ្មោះក៏ដោយ ក៏ភ្នាក់ងារដ៏ល្បីមួយនេះ មិនអាចធ្វើឲ្យ Ronaldo ពេញចិត្តឡើយ។ លោក Mendes ជឿជាក់ថា មានតែ Al-Nassr ទេ ដែលអាចបំពេញតម្រូវការប្រាក់ខែរបស់ Ronaldo ខណៈដែលខ្សែប្រយុទ្ធវ័យ 37 ឆ្នាំខ្លួនឯង នៅតែមានទំនុកចិត្តថា ខ្លួននៅតែទាក់ទាញក្លឹបធំៗជាច្រើននៅអឺរ៉ុប។ គួររម្លឹកថា លោក Mendes គឺជាភ្នាក់ងាររបស់ Ronaldo តាំងពីចាកពីចេញ Sporting Lisbon ទៅចូលរួមជាមួយ Man United ក្នុងឆ្នាំ ២០០៣ ដោយបានរួមចំណែក យ៉ាងច្រើនដល់ការចរចាកិច្ចសន្យារបស់ CR7៕
ពុធ , 25 មករា 2023 59 អ្នកទស្សនា 12 ថ្ងៃកន្លងទៅ

អត្ថបទពេញនិយម

អត្ថបទថ្មី